شیخ حسینہ کا بنگلہ دیش واپسی کا عزم؛ ‘اقتدار پر قبضہ کرنے والی حکومت کو جانا ہو گا’
اشاعت کی تاریخ: 19th, February 2025 GMT
ویب ڈیسک _ بنگلہ دیش کی سابق وزیرِ اعظم شیخ حسینہ نے ملک کے عبوری سربراہ ڈاکٹر محمد یونس پر الزام عائد کیا ہے کہ وہ بنگلہ دیش میں "لاقانونیت اور دہشت گردی” کو فروغ دے رہے ہیں۔
شیخ حسینہ نے گزشتہ برس ہلاک ہونے والے چار پولیس اہلکاروں کی بیواؤں سے ویڈیو لنک کے ذریعے بات چیت کی اور اس عزم کا اظہار کیا کہ وہ ملک میں واپس آئیں گی اور پولیس اہلکاروں کی ہلاکت کا بدلہ لیں گی۔
شیخ حسینہ اس وقت بھارت میں موجود ہیں جہاں وہ خود ساختہ جلاوطنی کاٹ رہی ہیں۔
بنگلہ دیش میں گزشتہ برس کوٹہ سسٹم کے خلاف طلبہ کا احتجاج وزیرِ اعظم شیخ حسینہ کی حکومت کے خاتمے اور عبوری حکومت کے قیام پر ختم ہوا تھا۔
مشتعل مظاہرین کی جانب سے وزیرِ اعظم ہاؤس کی طرف مارچ کے بعد شیخ حسینہ کو ہیلی کاپٹر میں سوار ہو کر ملک چھوڑنا پڑا تھا۔
شیخ حسینہ نے ویڈیو لنک پر گزشتہ برس پانچ اگست تک پیش آنے والے واقعات کا ذکر کرتے ہوئے دعویٰ کیا کہ مظاہروں کے دوران ہونے والی ہلاکتیں انہیں اقتدار سے الگ کرنے کی سازش تھی۔
انہوں نے کہا کہ وہ ملک واپس آئیں گی اور پولیس اہلکاروں کی ہلاکت کا بدلہ لیں گی۔
واضح رہے کہ متنازع کوٹہ سسٹم کے خلاف احتجاج کرنے والے طلبہ کی تحریک کو دبانے کے لیے شیخ حسینہ نے پولیس کو مظاہرین کے ساتھ سختی سے نمٹنے کا حکم دیا تھا۔ اس دوران پولیس اور مظاہرین کے درمیان جھڑپوں کے نتیجے میں چار اہلکار بھی ہلاک ہو گئے تھے۔
شیخ حسینہ نے بنگلہ دیش کے عبوری سربراہ اور نوبیل انعام یافتہ ڈاکٹر محمد یونس پر الزام عائد کیا کہ وہ بنگلہ دیش کو تباہ کر رہے ہیں اور انہوں نے دہشت گردوں کو کھلا چھوڑ دیا ہے۔
انہوں نے ڈاکٹر یونس کو "ہجوم کا سرپرست” قرار دیا اور کہا کہ پولیس اہلکاروں کے قتل میں ملوث ہونے پر ڈاکٹر یونس اور دیگر کو "بنگلہ دیش کی سرزمین” پر ہی انصاف کے کٹہرے میں لایا جائے گا۔
انہوں نے کہا کہ اقتدار پر قبضہ کرنے والی حکومت کو جانا ہو گا اور بنگلہ دیش کے عوام اسے یقینی بنائیں گے۔
شیخ حسینہ نے الزام عائد کیا کہ ڈاکٹر یونس کی سربراہی میں انسانی حقوق کی پامالی عروج پر ہے اور ہم سب کو مل کر انہیں اقتدار سے نکالنا ہے۔
دوسری جانب بنگلہ دیش کی عبوری حکومت کا کہنا ہے کہ شیخ حسینہ کو بھارت سے واپس لانا اولین ترجیح ہے۔
ڈاکٹر یونس کے پریس سیکریٹری شفیق العالم نے ایک بیان میں کہا ہے کہ شیخ حسینہ کے ٹرائل کے لیے انہیں بھارت سے وطن واپس لانے کی کوششیں جاری رہیں گی۔
شیخ حسینہ کی جماعت عوامی لیگ کے مستقبل سے متعلق شفیق العالم نے کہا کہ بنگلہ دیش کے عوام اور سیاسی جماعتیں یہ فیصلہ کریں گی کہ عوامی لیگ کو ملکی سیاسی منظر نامے میں رہنا ہے یا نہیں۔
انہوں نے کہا کہ عوام کے قتل، جبری گمشدگیوں اور دیگر جرائم میں ملوث افراد کو انصاف کے کٹہرے میں لایا جائے گا۔
بنگلہ دیش کی وزارتِ خارجہ نے پڑوسی ملک بھارت کو ایک سفارتی نوٹ جمع کرایا ہے جس میں شیخ حسینہ کی حوالگی کا مطالبہ کیا گیا ہے۔
نئی دہلی نے فوری طور پر بنگلہ دیش کی درخواست کا کوئی جواب نہیں دیا ہے۔
.
ذریعہ
ذریعہ: Al Qamar Online
کلیدی لفظ: پولیس اہلکاروں بنگلہ دیش کی ڈاکٹر یونس نے کہا کہ انہوں نے کیا کہ
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا