نتاشا بیگ کورین اداکار سے شادی کریں گی؟ گلوکارہ نے دل کی بات بتادی
اشاعت کی تاریخ: 21st, February 2025 GMT
پاکستان کی مشہور گلوکارہ نتاشا بیگ نے حال ہی میں ایک انٹرویو کے دوران اپنی شادی سے متعلق انکشافات کیے ہیں، جس نے سوشل میڈیا پر تہلکہ مچا دیا ہے۔
نتاشا بیگ کا کہنا ہے کہ اگرچہ ان کا فی الحال شادی کا کوئی ارادہ نہیں ہے، لیکن ان کی خواہش ہے کہ وہ کسی کورین اداکار سے شادی کریں۔
نتاشا نے انٹرویو میں بتایا کہ وہ کورین ڈراموں کی بہت بڑی مداح ہیں اور اب انہیں وہاں کے مردوں کی خوبصورتی اور شخصیت کا احساس ہوچکا ہے۔
انہوں نے یہ بھی کہا کہ وہ کورین زبان سیکھ رہی ہیں اور دلچسپ بات یہ ہے کہ کورین زبان کے کئی الفاظ اردو اور ان کی مادری زبان بروشسکی سے مشابہت رکھتے ہیں۔
کوک اسٹوڈیو سے شہرت پانے والی گلوکارہ نے مزید بتایا کہ اگرچہ فی الحال ان کا شادی کا کوئی منصوبہ نہیں، لیکن ان کی خواہش ہے کہ ان کی شادی کسی کورین اداکار سے ہو، عام مرد سے نہیں۔ انہوں نے اپنے پسندیدہ دو کورین اداکاروں کے نام بھی بتائے جنہیں وہ دل سے پسند کرتی ہیں۔
نتاشا بیگ نے انٹرویو میں یہ بھی بتایا کہ انہیں ان کی شکل و صورت کی وجہ سے زیادہ تر لوگ چینی سمجھتے ہیں اور جب وہ اردو میں بات کرتی ہیں تو لوگ مزید حیران ہوجاتے ہیں کہ چینی خاتون اردو بھی صاف بول لیتی ہیں۔
انہوں نے یہ بھی بتایا کہ وہ بچپن میں کرکٹر تھیں اور انہوں نے تقریباً 19 سال کی عمر تک کرکٹ کھیلی۔
نتاشا بیگ کے اس انٹرویو کے بعد سوشل میڈیا پر مختلف قسم کے ردعمل سامنے آ رہے ہیں۔ کچھ لوگ ان کی خواہش کو مزاحیہ قرار دے رہے ہیں، جبکہ کچھ لوگ ان کی خواہش پوری ہونے کی دعا دے رہے ہیں۔
TagsShowbiz News Urdu.
ذریعہ: Al Qamar Online
کلیدی لفظ: ان کی خواہش نتاشا بیگ بتایا کہ انہوں نے
پڑھیں:
ایس ایس راجامولی کی فلم SSMB29 میں آر مادھون کی انٹری
ساؤتھ انڈین و بالی وڈ فلم انڈسٹری کے معروف اداکار آر مادھون کے حوالے سے بھارتی میڈیا پر قیاس آرائیاں ہیں کہ وہ ایس ایس راجامولی کے میگا پروجیکٹ ‘SSMB29’ کا حصہ ہوں گے۔
بھارتی میڈیا رپورٹس کے مطابق فلم ‘SSMB29’ جس میں اداکار مہیش بابو اور پریانکا چوپڑا مرکزی کردار ادا کر رہے ہیں فی الحال زیرِپروڈکشن کے مرحلے میں ہے اور اسے ہندوستانی سنیما کی اب تک کی سب سے بڑی فلموں میں سے ایک قرار دیا جا رہا ہے۔
A post shared by Rajesh Kumar Reddy (@rajeshreddyega)
رپورٹس کے مطابق اداکار آر مادھون فلم ‘SSMB29’ میں ایک طاقتور اور کلیدی کردار ادا کریں گے اگرچہ فلم سازوں کی جانب سے ان کی کاسٹنگ کی ابھی تک باضابطہ طور پر تصدیق نہیں کی گئی ہے۔
تاہم اداکار کی فلم میں شمولیت کی قیاس آرائیوں نے مداحوں میں جوش و خروش پیدا کر دیا ہے کیونکہ فلم کی متاثر کن کاسٹ میں آر مادھون کے ساتھ ملیالم اداکار پرتھوی راج سوکمارن بھی شامل ہوگئے ہیں۔
بھارتی میڈیا کے مطابق فلم کے کچھ قریبی ذرائع یہ بھی بتا رہے ہیں کہ اداکار آر مادھون فلم میں مہیش بابو کے کردار کے لیے ایک مرشد یا سرپرست کا کردار ادا کرسکتے ہیں جوکہ ایک اہم کردار ہوگا۔
آر مادھون کا کردار اور فلم کی تفصیلات
بات کی جائے اداکار آر مادھون کے کردار کی تو ان کے کردار کی مکمل تفصیلات کو میکرز کی جانب سے ابھی تک صیغہ راز میں رکھا گیا ہے کیونکہ یہ فلم کی کہانی کے لیے اہم ہوگا۔
مداحوں کیلئے دلچسپ بات یہ ہے کہ یہ پروجیکٹ آر مادھون اور ایس ایس راجامولی کے درمیان پہلا تعاون ہے جو ‘باہوبلی’ اور ‘آر آر آر’ جیسی بلاک بسٹر فلموں کی ہدایت کاری کے لیے مشہور ہیں۔
فلم کی شوٹنگ اس وقت متعدد بین الاقوامی مقامات پر جاری ہے جس میں ہندوستانی دیومالائی تھیمز کے عناصر کا امتزاج ہے۔
ذرائع کے مطابق راجامولی مبینہ طور پر ولبر اسمتھ کے ناولز اور بھگوان ہنومان کی کہانی سے اس فلم کے لیےانسپریشن لے رہے ہیں اسلیے یہ فلم خاص طور پر افریقہ کے جنگلات کے پس منظر میں بنائی جا رہی ہے۔
SSMB29 کے بارے میں
فلم ‘SSMB29’ کی شوٹنگ جنوری 2025 میں شروع ہوئی تھیجس کیلئے اداکار مہیش بابو اور پریانکا چوپڑا نے پہلے ہی حیدرآباد اور اڈیشہ میں کئی مناظر فلمالیے ہیں۔
بھارتی میڈیا کے مطابق فلم کے بڑے ایکشن سیکونس مکمل ہو چکے ہیں اور آئندہ شوٹس کے لیے انٹرنیشنل مقامات کا شیڈول طے کیا گیا ہے۔
پروڈکشن ٹیم حیدرآباد میں کاشی (ہندوؤں کے مقدس مقام) کے کچھ حصوں کو دوبارہ بنانے کے لیے وسیع سیٹ بھی تیار کر رہی ہے،کیونکہ کہانی جزوی طور پر اس مقدس شہر میں فلمائی جائے گی۔
واضح رہے کہ اس فلم کو تجربہ کار فلمساز کے ایل نارائنہ ₹1,000 کروڑ کے بجٹ کے ساتھ پروڈیوس کر رہے ہیں اور اس کی کہانی راجامولی کے والد اور معروف اسکرین رائٹر وجیندر پرساد نے لکھی ہے۔
فلم میکرز نے ابھی تک فلم کے مکمل پلاٹ کا اعلان نہیں کیا ہے لیکن یہ فلم دیومالا مہم جوئی اور شاندار بصری اثرات کا امتزاج پیش کرنے کا وعدہ کرتی ہے جس کی ریلیز سال 2027 میں متوقع ہے۔
Post Views: 4
عید قربان پر بھاگ ناڑی کے بیل کی دھوم: طاقت، خوبصورتی اور ثقافت کا امتزاج