پنجاب ٹورازم اینڈ ہیریٹیج اتھارٹی بنانے کا فیصلہ، 170 تاریخی مقامات سیاحتی مراکز بنیں گے
اشاعت کی تاریخ: 21st, February 2025 GMT
پنجاب میں ٹورازم اینڈ ہیریٹج اتھارٹی بنانے کا فیصلہ کیا گیا ہے۔
پنجاب ٹورازم اینڈ ہیریٹیج اتھارٹی کی باضابطہ منظوری کے لئے سمری کابینہ کو بھجوا دی گئی۔ تاریخ، ورثہ اور سیاحت سے متعلق تمام ادارے اتھارٹی کے ماتحت ہوں گے۔ پنجاب کے 170 تاریخی مقامات کو عالمی معیار کے سیاحتی مراکزمیں تبدیل کیا جائے گا۔ فہرست میں شامل مقامات کی میپنگ مکمل کرلی گئی ہے جن میں 101 گردوارے اور 53 گرجا گھر بھی شامل ہیں۔
پنجاب کی سینیئر صوبائی وزیر مریم اورنگزیب نے متعلقہ وزیر کے طور پر تمام مجوزہ منصوبوں کی منظوری دے دی۔ منصوبے کی کامیابی یقینی بنانے کے لیے پہلی بار پنجاب ٹورازم اینڈ ہیریٹیج اتھارٹی ایکٹ 2024 بھی لاگو کر دیا گیا ہے جبکہ پہلی جامع ٹورسٹ پالیسی بھی تیار کر لی گئی
وزیراعلی پنجاب مریم نواز نے پنجاب کے تاریخی مقامات کی تین مراحل میں بحالی کا منصوبہ سالانہ ترقیاتی پروگرام میں شامل کرلیا اور جولائی میں ٹینڈرنگ شروع کرنے کی ہدایت کی۔ پہلا مرحلہ جون میں شروع ہوگا جبکہ دیگر تاریخی مقامات کی بحالی دوسرے اور تیسرے مرحلے میں مکمل ہوگی۔
سیاحتی منصوبوں کے پی سی وَن کی فوری تیاری کی ہدایت دے دی گئی ہے۔ بانسرا گلی، ٹورسٹ ویلیج اور16 پارکس کی تعمیر بھی شامل ہے۔ تاریخی شہر ٹیکسلا کو انٹرنیشنل "ٹورسٹ سٹی" بنایا جائے گا جبکہ سویٹزرلینڈ کی طرز پر چھانگا مانگاکو جدید تفریح گاہ بنانے کی منظوری بھی دی گئی۔
ٹیکسلا میں بودھ مت کے پیروکاروں کی سہولت کے لئے عبادت گاہیں اور سدھارتا کے نام سے نئی گیلریزبھی تعمیر ہوں گی۔
سکھ برادری کی سہولت کے لئے 46 غیرفعال گردوارے بحال کرنے کی بھی منظوری دے دی گئی۔ سیاحت کے فروغ کے لئے بہترین سڑکیں تعمیر، انفراسٹرکچر کی مکمل اپ گریڈیشن اور عالمی معیار کی جدید سہولیات فراہم کی جائیں گی۔
وزیراعلی پنجاب مریم نواز کا کہنا ہے کہ پنجاب میں ٹوریزم کی بحالی کے اس پروگرام کے ذریعے پنجاب کو بہتریں ٹوریزم ڈیسٹینیشن بنائیں گے۔ پوری دنیا کو پنجاب کا مہمان بنائیں گے اور پانچ دریاﺅں کی دھرتی کے تہذیبی رنگ دکھائیں گے۔
انہوں نے کہا کہ پنجاب میں کئی مذاہب، زمانوں اور ثقافتوں کے دریابہتے آئے ہیں۔ ہماری تاریخ، ثقافت اور ورثہ کی حفاظت آنے والی نسلوں کی امانت ہے۔ سیاحت کے فروغ سے معاشی ترقی میں مدد ملے گی۔ پنجاب اور پاکستان کا عالمی امیج دنیا میں نئی شان سے چمکے گا۔
.
ذریعہ: Express News
کلیدی لفظ: تاریخی مقامات ٹورازم اینڈ کے لئے
پڑھیں:
پی پی ایس سی کا مختلف محکموں کی آسامیوں کے تحریری نتائج کا اعلان
قیصر کھوکھر: پی پی ایس سی نے مختلف محکموں کی آسامیوں کے تحریری و حتمی نتائج کا اعلان کر دیا۔
پی پی ایس سی کی جانب سے کئے گئے اعلان کے مطابق پرائمری اینڈ سیکنڈری ہیلتھ کیئر ڈیپارٹمنٹ میں نیٹ ورکنگ سپروائزر کی آسامیوں پر 5 امیدوار حتمی طور پر کامیاب قرارپائے ہیں جن میں مدثر حسین، راشد محمود، طلحہ طفیل،عبدالصمد،اور سمن ضیاء شامل ہیں۔
سوشل ویلفیئر اینڈ بیت المال ڈیپارٹمنٹ میں مینٹور / سوشل نیڈ آفیسر (خصوصی افراد کوٹہ) کی ایک آسامی پر ایک امیدوار محمد سہیل کامیاب ہواہے،لیبر اینڈ ہیومن ریسورس ڈیپارٹمنٹ، پنجاب ورکرز ویلفیئر فنڈ میں اسسٹنٹ کی اسامیوں پر 2 امیدوار کامیاب قرارپائے ہیں۔
ڈپٹی کمشنر آفس راجن پور میں جونیئر کلرک کی 4 اسامیوں پر 23 امیدوار تحریری امتحان میں کامیاب ہوئے ہیں جن میں محمد احسن، جویریہ شفق، اقرا بابر، اظہار احمد،اور عبدالمنان شامل ہیں۔
کمشنر آفس ملتان میں جونیئر کلرک کی 4 اسامیوں پر 80 امیدوار تحریری امتحان میں کامیاب ہوئے ہیں جن میں ماریہ صغیر، سائرہ پروین، فرح اکبر، عدنان ظفر،اور علی کامران شامل ہیں جبکہ پنجاب ہاؤسنگ اینڈ ٹاؤن پلاننگ ایجنسی میں اسسٹنٹ ڈائریکٹر انجینئرنگ کی آسامیوں پر 6 امیدوار حتمی طور پر کامیاب قراردیئے گئے ہیں،کامیاب امیدواروں میں زین شہزاد، محمد طلحہٰ، غلام قاسم، اویس لیاقت اور احمد علی اکبر شامل ہیں،پبلک ہیلتھ انجینئرنگ ڈیپارٹمنٹ (نارتھ و ساؤتھ پنجاب) میں اسسٹنٹ انجینئر/سب ڈویژنل آفیسر کی آسامیوں پر 7 امیدوار کامیاب ہوئے ہیں،کامیاب امیدواروں میں زین شہزاد، کلثوم، غلام قاسم، اویس لیاقت، اورحفصہ ثمین نور شامل ہیں۔
پرائمری اینڈ سیکنڈری ہیلتھ کیئر ڈیپارٹمنٹ میں ڈیٹا پروسیسنگ آفیسر کی آسامیوں پر 3 امیدوار عمر فاروق، کسور عباس،اور یاسر علی کامیاب ہوئے ہیں۔محکمہ آبپاشی میں جونیئر کمپیوٹر آپریٹر کی آسامیوں پر 5 امیدوار حافظ محمد عثمان، اشتیاق احمد، محمد سلیم، شعیب بٹ،اور محمد سہیب کامیاب قراردیئے گئے ہیں،پنجاب جیل خانہ جات ڈیپارٹمنٹ میں جونیئر سائیکالوجسٹ کی 42 آسامیوں پر امیدوار کامیاب قرارپائے ہیں جن میں فاطمہ اقبال، محمد عمیر خان، امِ ابیہا، بشریٰ ظفر، آمنہ سرور شامل ہیں جبکہ پنجاب فوڈ اتھارٹی میں نیوٹریشنسٹ کی ایک آسامی پر محمد نعیم کامیاب قرارپائے ہیں۔
مون سون بارشیں, پی ڈی ایم اے کا الرٹ جاری
سوشل ویلفیئر اینڈ بیت المال ڈیپارٹمنٹ میں سائیکالوجسٹ کی 15 آسامیوں پر کامیاب ہونےوالوں میں فاطمہ اقبال، امِ ابیہا، بشریٰ ظفر، سوائرا نوراور ایمن تنویر شامل ہیں۔
تحریری امتحان میں کامیاب امیدواروں کو انٹرویو کے لیے کال لیٹرز پنجاب پبلک سروس کمیشن کی ویب سائٹ پر جلد اپ لوڈ کیے جائیں گے،اس کے علاوہ امیدواروں کو SMS اور ای میل کے ذریعے بھی آگاہ کیا جائے گا۔
امیدواروں کے لیے ضروری ہے کہ وہ انٹرویو کے وقت اصل تعلیمی اسناد اور دیگر متعلقہ دستاویزات ہمراہ لائیں،کامیاب امیدواروں کی فہرستیں پنجاب پبلک سروس کمیشن کی ویب سائٹ پر بھی دستیاب ہیں، سیکرٹری پی پی ایس سی افضال احمد نے کامیاب امیدواروں کا نوٹیفکیشن بھی جاری کر دیاہے۔
معروف برطانوی گلوکار انتقال کر گئے
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست