خیبر پختونخوا حکومت نے ایک سالہ کارکردگی رپورٹ جاری کر دی
اشاعت کی تاریخ: 21st, February 2025 GMT
پشاور: خیبر پختونخوا حکومت کی ایک سالہ کارکردگی رپورٹ جاری کر دی گئی، کارکردگی رپورٹ مارچ 2024 سے فروری 2025 تک ہے۔
خیبر پختونخوا حکومت کی ایک سالہ کارکردگی رپورٹ کے مطابق صوبے میں 37 ہزار خصوصی افراد کو فی کس 10 ہزار روپے کی مالی امداد کی فراہمی کی گئی۔
دو ہزار یونیورسٹی اور کالج کے طلبہ کو الیکٹرک ویل چیئرز کی فراہمی اور ایک ہزار 240 منشیات کے عادی افراد کی بحالی کے لئے ان کا علاج کرایا گیا۔
سماعت سے محروم 570 خصوصی افراد کو آلہ سماعت فراہم کیا گیا، 316 ملین روپے کی لاگت سے زیر تعلیم خصوصی بچوں کے لئے 11 ہائی ایس اور 12 منی بسیں دی گئیں۔
خیبرپختونخوا پولیس نے سال 2024 کی کارکردگی رپورٹ جاری کردی
حیات آباد میں قائم اسپیشل ایجوکیشن کمپلکس کو 274 ملین روپے کی رقم دی گئی، خصوصی بچوں، قیدیوں، اور خصوصی تعلیم کے طلبہ کے لئے 105 نمائشوں کا انعقاد کیا گیا۔
قوت سماعت اور گویائی سے محروم 102 طلبہ کے خصوصی تعلیمی اداروں میں داخلے11 پناہ گاہوں میں 83,568 مزدوروں اور کم مراعات یافتہ افراد کو کھانا، رہائش اور پک اینڈ ڈراپ کی سہولت فراہم کی گئی۔
50 ملین کی لاگت سے لنگر خانوں میں 368,142 مستحق افراد کو رمضان کے دوران سہولیات کی فراہمی، 1۔1 ارب روپے کی لاگت سے 101,126 مستحقین کو عید پیکیج دیا گیا۔
پشاور یونیورسٹی میں بریل لرننگ اکیڈمی میں زیر تعلیم 100 خصوصی بچوں کے لئے 50 لاکھ فراہم کئے گئے، خصوصی بچوں کے لئے چار نئے تعلیمی اداروں کا قیام عمل میں لایا گیا۔
منشیات کے عادی افراد کی بحالی کے لیے 3 موبائل ٹریننگ یونٹس کی فراہمی، 118,828 مستحقین میں 3.
بنوں، ہنگو، کرک، چترال لوئر اور تورغر میں نئے ریسکیو 1122 اسٹیشنز کا قیام لایا گیا، پشاور میں بصارت سے محروم بچوں کے لئے برائیل پرنٹنگ پریس کا قیام جبکہ 118 ملین روپے کی لاگت سے دینی مدارس کے 5577 مستحق طلبہ کو مالی امداد دی گئی۔
ریسکیو اسٹیشنز میں روڈ ایکسیڈنٹ کے 2074 زخمیوں کو علاج کی فراہمی، بشکیک، کرغزستان میں ہنگاموں کے بعد صوبائی حکومت کی خصوصی پانچ فلائیٹس کے ذریعے 1408 پاکستانی طلبہ کی وطن واپسی کا انتظام کیا گیا۔
صوبائی حکومت کے ہیلی کاپٹر کے ذریعے 21 ہزارکلوگرام ادویات پشاور سے کرم ترسیل ہوئی، کے پی حکومت نے 91 ہیلی پروازوں کے ذریعے کرم سے 2728 افراد کو مفت ائیر ٹرانسپورٹ کی سہولت دی۔
ہیلی فلائیٹس کے ذریعے آٹھ نازک مریضوں اور 11 لاشوں کی منتقلی ہوئی، اسی طرح 6.4 ارب روپے کی خطیر رقم سے 6 لاکھ 40 ہزار مستحق خاندانوں کو 10 ہزار روپے فی خاندان عید پیکج دیا گیا۔
کفالت پروگرام کے تحت 720 ملین روپے کی لاگت سے کم عمر یتیم بچوں کو فی کس ماہانہ پانچ ہزار روپے امداد دی گئی، سہارا پروگرام کے تحت 1.2 ارب روپے کی لاگت سے عمر رسیدہ بیوہ خواتین کو فی کس ماہانہ 5 ہزار روپے امداد ملی۔
صوبائی حکومت کے خانہ آبادی پروگرام کے تحت 90 ملین روپے کی لاگت سے مستحق بچیوں کی شادیاں کرائی گئیں۔
ذریعہ: Daily Mumtaz
کلیدی لفظ: کارکردگی رپورٹ بچوں کے لئے خصوصی بچوں کی فراہمی ہزار روپے کے ذریعے ارب روپے افراد کو
پڑھیں:
خیبر پختونخوا میں سکیورٹی فورسز کی کارروائیاں، 15 خوارج ہلاک، 2 اہلکار شہید
آئی ایس پی آر کے مطابق ضلع کرک میں خوارج کی موجودگی کی اطلاع پر کارروائی کی گئی۔ آپریشن کے دوران سکیورٹی فورسز نے مؤثر طریقے سے دہشت گردوں کے ٹھکانوں کو نشانہ بنایا، جس کے نتیجے میں 8 خوارج مارے گئے۔ اسلام ٹائمز۔ خیبر پختونخوا میں سکیورٹی فورسز کی مختلف کارروائیوں میں 15 خوارج ہلاک ہوگئے۔ آئی ایس پی آر کے مطابق خیبر پختونخوا کے 3 مختلف علاقوں میں آپریشنز خفیہ اطلاعات پر کیے گئے۔ آئی ایس پی آر کے مطابق ضلع کرک میں خوارج کی موجودگی کی اطلاع پر کارروائی کی گئی۔ آپریشن کے دوران سکیورٹی فورسز نے مؤثر طریقے سے دہشت گردوں کے ٹھکانوں کو نشانہ بنایا، جس کے نتیجے میں 8 خوارج مارے گئے۔ دوسری کارروائی شمالی وزیرستان میں کی گئی جہاں سکیورٹی فورسز نے 4 خوارج کو ہلاک کر دیا۔ تاہم فائرنگ کے شدید تبادلے کے دوران دھرتی کے دو بہادر سپوت لانس نائیک عثمان مہمند اور سپاہی عمران خان جام شہادت نوش کرگئے۔
آئی ایس پی آر کے مطابق 28 سال کے لانس نائیک عثمان مہمند شہید کا تعلق چارسدہ سے ہے جب کہ 26 سال کے سپاہی عمران خان کا تعلق ضلع کرم سے ہے۔ تیسری جھڑپ جنوبی وزیرستان کے علاقے گومل زام میں ہوئی جہاں پاک فوج کے جوانوں نے 3 خوارج کو ہلاک کیا۔ آئی ایس پی آر کا کہنا ہے کہ ہلاک دہشت گردوں سے اسلحہ و گولہ بارود برآمد ہوا، مارے گئے خوارج دہشت گردی کی مختلف کارروائیوں میں ملوث تھے۔ آئی ایس پی آر کے مطابق علاقے میں موجود دیگر ممکنہ خوارج کے خاتمے کےلیے کلیئرنس آپریشن جاری ہے۔ سکیورٹی فورسز ملک سے دہشت گردی کے خاتمے کےلیے پُر عزم ہیں، بہادر جوانوں کی قربانیاں ہمارے عزم کو مزید مضبوط کرتی ہیں۔
ایمان مزاری اسلام آباد ہائیکورٹ بار کی جبری گمشدگیوں کی کمیٹی سے مستعفی