کئی علاقوں میں 3روز کے لیے پانی کی فراہمی معطل
اشاعت کی تاریخ: 23rd, February 2025 GMT
کراچی (اسٹاف رپورٹر) کراچی کے کئی علاقوں میں 72 گھنٹے کیلیے پانی کی فراہمی معطل رہے گی۔ ترجمان واٹر بورڈ کارپوریشن کے مطابق منوں گوٹھ، گلشن اقبال، پیلی کوٹھی اور لیاقت آباد میں متاثرہ لائنوں پر کام جاری ہے۔ ترجمان کا کہنا ہے کہ ایف ٹی ایم کی 48 انچ ڈایا کی لائن اور سی ٹی ایم کی 54 انچ ڈایا کی لائن کی مرمت کی جا رہی ہے، پانی کی لائنوں کا مرمتی کام 72 گھنٹوں میں مکمل کرلیا جائے گا۔ واٹر کارپوریشن کے مطابق لیاقت آباد، ناظم آباد، پاک کالونی، گولیمار، شیر شاہ، اولڈ سٹی ایریا میں پانی کی سپلائی معطل رہے گی۔ لانڈھی، کورنگی، پی اے ایف بیس مسرور میں پانی کی فراہمی جزوی طور پر معطل رہے گی۔ ترجمان واٹر بورڈ کارپوریشن نے عوام سے اپیل کی ہے کہ اگلے 72 گھنٹے پانی احتیاط سے استعمال کریں۔ ترجمان کی جانب سے بتایا گیا ہے کہ شہر کو یومیہ 650 ایم جی ڈی پانی فراہم کیا جاتا ہے، مرمتی کام کے باعث شہر کو یومیہ 250 ایم جی ڈی پانی کی کمی کا سامنا ہوگا۔ ترجمان کے مطابق شہر کو 400 ایم جی ڈی پانی کی فراہمی معمول کے مطابق جاری رہے گی۔
.ذریعہ: Jasarat News
کلیدی لفظ: پانی کی فراہمی کے مطابق رہے گی
پڑھیں:
موسلا دھار بارش کا خطرہ: بالائی علاقوں میں اربن فلڈنگ اور لینڈ سلائیڈنگ کا خدشہ
محکمہ موسمیات کے مطابق بدھ کے روز ملک کے بالائی اور وسطی علاقوں میں گرج چمک کے ساتھ بارش جبکہ کچھ مقامات پر موسلادھار بارش کی توقع ہے جبکہ جنوبی حصوں میں گرمی اور حبس برقرار رہنے کا امکان ہے۔
کشمیر، گلگت بلتستان، خیبر پختونخوا، اسلام آباد، پنجاب اور شمال مشرقی بلوچستان کے کئی علاقوں میں تیز ہواؤں اور گرج چمک کے ساتھ بارش متوقع ہے۔ بالائی خیبر پختونخوا، خطۂ پوٹھوہار، شمال مشرقی پنجاب اور کشمیر میں شدید بارش کا امکان ہے۔
مزید پڑھیں: دیامر میں سیلاب کی تباہ کاریاں جاری، نظامِ زندگی مفلوج
اسلام آباد، راولپنڈی، مری، گلیات، اٹک، چکوال، لاہور، گوجرانوالہ، گجرات، سیالکوٹ، نارووال، میانوالی، سرگودھا، فیصل آباد، جھنگ، ٹوبہ ٹیک سنگھ، ساہیوال، ڈیرہ غازی خان اور گردونواح میں تیز بارش کی پیشگوئی کی گئی ہے۔
مزید پڑھیں: موسمیاتی تبدیلیاں اور سیلاب کی تباہ کاریاں: عالمی موسمیاتی ادارے نے اہم اعلان کردیا
خیبر پختونخوا کے اضلاع چترال، دیر، سوات، مانسہرہ، پشاور، مردان، کرم، کوہاٹ، ڈیرہ اسماعیل خان اور وزیرستان میں بھی بارش متوقع ہے۔
بلوچستان کے علاقوں بارکھان، ژوب، قلات، خضدار اور لسبیلہ میں چند مقامات پر بارش ہو سکتی ہے، تاہم صوبے کے بیشتر حصوں میں موسم گرم اور مرطوب رہے گا۔ سندھ اور کراچی سمیت جنوبی علاقوں میں موسم شدید گرم اور حبس زدہ رہنے کا امکان ہے، تاہم ساحلی علاقوں میں ہلکی بارش یا بوندا باندی ہو سکتی ہے۔
مزید پڑھیں: گلگت بلتستان، شاہراہ تھک بابوسر پر سیلابی ریلے کی تباہ کاریاں، 3 سیاح جاں بحق، 15 سے زائد لاپتا
محکمہ موسمیات نے نشیبی علاقوں میں اربن فلڈنگ اور پہاڑی علاقوں میں لینڈ سلائیڈنگ کے خدشے کا بھی اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اربن فلڈنگ لینڈ سلائیڈنگ کا خدشہ محکمہ موسمیات موسلا دھار بارش
ملک بھر میں ووٹر کی تعداد کتنی ہوگئی؟ رپورٹ سامنے آگئی