سندھ کی جیلوں میں قیدیوں کے نام پر 2 ارب 45 کروڑ روپے سے زائد کی بے ضابطگیوں کا انکشاف
اشاعت کی تاریخ: 24th, February 2025 GMT
پی اے سی نے سندھ کے سیکریٹری داخلہ کو قیدیوں کے کھانے سمیت دیگر اشیاء کی خریداری کی مد میں 2 ارب 45 کروڑ سے زائد کی رقم خرچ کرنے اور فنڈز کے غلط استعمال کے معاملے کی تحقیقات کرکے ایک ماہ میں رپورٹ پیش کرنے کہ ہدایت کر دی۔ اسلام ٹائمز۔ سندھ اسمبلی کی پبلک اکاؤنٹس کمیٹی میں سندھ کی جیلوں میں قیدیوں کو کھانے، ادویات، کپڑوں اور فرنیچر کی فراہمی کے ٹھیکوں میں 2 ارب 45 کروڑ 61 لاکھ روپے کی بے ضابطگیوں اور فنڈز کے غلط استعمال کا انکشاف ہوا ہے۔ تفصیلات کے مطابق سندھ اسمبلی کی پبلک اکاؤنٹس کمیٹی نے سندھ کی مختلف جیلوں میں قیدیوں کو کھانے اور ادویات کی فراہمی سمیت دیگر اشیاء کی خریداری کیلئے ٹھیکوں میں 2 ارب 45 کروڑ سے زائد کی بے ضابطگیوں کی سیکریٹری داخلہ سندھ کو تحقیقات کا حکم دے کر ایک ماہ میں رپورٹ پیش کرنے کی ہدایت کر دی ہے۔ پی اے سی کا اجلاس پیر کے روز چیئرمین نثار کھوڑو کی صدارت میں سندھ اسمبلی کی کمیٹی روم میں ہوا۔ اجلاس میں کمیٹی اراکین خرم کریم سومرو، مخدوم فخرالزمان سمیت آئی جی جیلز قاضی نظیر احمد اور مختلف جیلوں کے جیل سپرنٹنڈنٹس نے شرکت کی۔ اجلاس میں محکمہ جیل خانہ جات کی سال 2019ء اور سال 2020ء کی آڈٹ پیراز کا جائزہ لیا گیا۔
اجلاس میں سینٹرل جیل کراچی سمیت دیگر جیلوں میں قیدیوں کو کھانے، ادویات، کپڑوں اور فرنیچر کی فراہمی کے ٹھیکوں میں 2 ارب 45 کروڑ 61 لاکھ روپے بے ضابطگیوں کا انکشاف سامنے آیا۔ جس پر پی اے سی چیئرمین نثار کھوڑو نے آئی جی جیل سے استفسار کیا کے قیدیوں کو کھانے اور دیگر اشیاء کی فراہمی کیلئے اربوں روپے کے ٹینڈرز کن ٹھیکداروں کو دئے گئے اور اس متعلق ریکارڈ فراہم کریں اور بتایا جائے کے قیدیوں کو فراہم کئے جانے والے تین وقت کے کھانے کا معیار کیا ہے اور معیار کس طرح چیک کیا جاتا ہے۔ اس پر آئی جی جیل خانہ جات قاضی نظیر احمد نے پی اے سی کو بتایا کے سندھ کی تمام جیلوں میں قیدیوں کو تین وقت کا کھانا فراہم کیا جاتا ہے اور کھانے کا معیار میڈیکل افسرز اور ججز بھی آکر چیک کرتے ہیں اور قیدیوں کو کھانے کی فراہمی سمیت ادویات فرنیچر اور کپڑوں اور دیگر اشیاء کی خریداری میں 2 ارب 45 کروڑ خرچ کئے گئے، جس کا باضابطہ ٹینڈر جاری کیا گیا تھا، تاہم جیل حکام پی اے سی اور آڈٹ کو 2 ارب 45 کروڑ سے زائد قیدیوں کو کھانے کی فراہمی سمیت دیگر اشیاء کی خریداری کے متعلق مطمئن نہیں کر سکے۔
آڈٹ پیراز کے جائزے کے دوران جیلوں میں ادویات کی خریداری میں 3 کروڑ 70 لاکھ روپے، یونیفارم کی خریداری میں 3 کروڑ 45 لاکھ روپے، قیدیوں کے فرنیچر پر 10 لاکھ 27 ہزار روپے خرچ ہونے کا انکشاف سامنے آیا، جبکہ جیلوں میں مشینری اور پلانٹ کی خریداری کی مد میں 6 کروڑ 18لاکھ روپے کپڑوں کی خریداری پر 29 لاکھ روپے خرچہ ظاہر کیا گیا۔ ڈی جی آڈٹ نے سندھ کی جیلوں میں قیدیوں کو کھانے کی فراہمی پر 2 ارب 45 کروڑ روپے خرچ ہونے پر ڈی جی آڈٹ نے اعتراض اٹھایا۔ پی اے سی نے سندھ کے سیکریٹری داخلہ کو قیدیوں کے کھانے سمیت دیگر اشیاء کی خریداری کی مد میں 2 ارب 45 کروڑ سے زائد کی رقم خرچ کرنے اور فنڈز کے غلط استعمال کے معاملے کی تحقیقات کرکے ایک ماہ میں رپورٹ پیش کرنے کہ ہدایت کر دی۔
اجلاس میں ملیر جیل حکام 80 لاکھ روپے خرچ کرنے کا آڈٹ ریکارڈ فراہم نہیں کر سکے۔ پی اے سی چیئرمین نثار کھوڑو نے پوچھا کہ ملیر جیل حکام نے 80 لاکھ روپے کہاں خرچ کئے، جس پر ملیر جیل حکام نے پی اے سی کو بتایا کے ملیر جیل کی مینٹیننس، پیٹرول پر 80 لاکھ روپے خرچ ہوئے ہیں، جس پر پی اے سی نے ملیر جیل حکام کو 10 دنوں میں 80 لاکھ روپے کے خرچوں کی تفصیلات فراہم کرنے کی ہدایت کر دی۔ اجلاس میں کمیٹی کے رکن خرم کریم سومرو نے جیل حکام سے استفسار کیا کے جیلوں میں اصلاحات کیلئے اربوں روپے بجٹ فراہم ہو رہا ہے، تو ملیر جیل کی کھڑکی سے قیدی کیسے فرار ہوا، جس پر جیل حکام قیدی فرار ہونے پر پی اے سی کو مطمئن جواب نہ دے سکے۔ اجلاس میں پی اے سی نے سندھ بھر کے جیلوں کی انٹرنل آڈٹ کرانے کی ہدایت کر دی۔
ذریعہ: Islam Times
کلیدی لفظ: ارب 45 کروڑ سے زائد میں 2 ارب 45 کروڑ ملیر جیل حکام کی خریداری کی بے ضابطگیوں ہدایت کر دی پی اے سی نے سے زائد کی اجلاس میں لاکھ روپے کا انکشاف قیدیوں کے کی فراہمی روپے خرچ سندھ کی
پڑھیں:
پاکستان میں ووٹرز کی تعداد 13 کروڑ 50 لاکھ کے قریب پہنچ گئی
غیر ملکی میڈیا کے مطابق الیکشن کمیشن آف پاکستان (ای سی پی) نے عام انتخابات سے قبل ملک میں رجسٹرڈ ووٹرز کے تازہ ترین اعداد و شمار جاری کر دیے ہیں، جن کے مطابق پاکستان میں ووٹرز کی مجموعی تعداد اب تقریباً 13 کروڑ 49 لاکھ 94 ہزار 984 ہو چکی ہے — جو ملک کی جمہوری تاریخ میں ووٹروں کی شرکت میں ایک نمایاں اضافے کی نشاندہی کرتی ہے۔
تفصیلات کے مطابق:
پنجاب: سب سے آگے ہے، جہاں رجسٹرڈ ووٹرز کی تعداد7 کروڑ 68 لاکھ 12 ہزار 589 ہے۔
سندھ: دوسرے نمبر پر ہے، جہاں 2 کروڑ 82 لاکھ 87 ہزار 201 افراد ووٹ ڈالنے کے اہل ہیں۔
خیبرپختونخوا:میں ووٹرز کی تعداد2 کروڑ 23 لاکھ 321 ہے۔
بلوچستان: میں56 لاکھ 38 ہزار 84 رجسٹرڈ ووٹرز ہیں۔
جبکہ اسلام آباد میں یہ تعداد12 لاکھ 11 ہزار 879 ہے۔
ای سی پی کی جانب سے جاری کیے گئے یہ اعداد و شمار ایسے وقت میں سامنے آئے ہیں جب ملک میں اگلے عام انتخابات کی تیاریاں عروج پر ہیں۔ تجزیہ کاروں کے مطابق یہ اعداد جمہوری عمل میں شہریوں کی بڑھتی ہوئی دلچسپی اور شراکت کو ظاہر کرتے ہیں، جو آئندہ انتخابی ماحول پر گہرے اثرات ڈال سکتے ہیں۔
حکومت کا توشہ خانہ میں جمع تحائف کا مکمل ریکارڈ عوام کے سامنے لانے کا فیصلہ