ٹک ٹاک کے امریکی آپریشنز کی خریداری، دنیا کے تین بڑے نام شامل
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکی صدر ڈونلڈ ٹرمپ نے اعلان کیا کہ ٹیکنالوجی اور میڈیا کے بڑے رہنما، بشمول اوریکل کے بانی لارے ایلیسن، ڈیل ٹیکنالوجیز کے سی ای او مائیکل ڈیل اور فاکس کارپوریشن کے سربراہ روپرٹ مرڈوک اور ان کے بیٹے لَکلن مرڈوک، ٹک ٹاک کے امریکی آپریشنز خریدنے کے لیے بنائے جانے والے کنسورشیم میں شامل ہوں گے۔
بین الاقوامی میڈیا رپورٹس کےمطابق ڈونلڈ ٹرمپ نے کہا کہ یہ سب بڑے معروف لوگ ہیں اور لارے ایلیسن ان میں شامل ہیں، جو ایک بہترین شخص ہیں، مائیکل ڈیل بھی اس میں شریک ہیں ، ایک صاحب اورہیں جن کا نام لَکلن ہے، وہ بھی اس کا حصہ ہیں، روپرٹ مرڈوک غالباً اس گروپ میں شامل ہونے جا رہے ہیں۔
صدر ٹرمپ نے مزید کہا کہ ان کی چینی صدر شی جن پنگ کے ساتھ انتہائی نتیجہ خیز کال” ہوئی ہے، جس سے اس سودے کو حتمی شکل دینے میں پیش رفت کے امکانات روشن ہو گئے ہیں۔
وہائٹ ہاؤس کی ترجمان کاکہنا تھا کہ اوریکل امریکی صارفین کے ڈیٹا اور پرائیویسی کی نگرانی کرے گا اور اس مقصد کے لیے سات رکنی بورڈ بنایا جائے گا، جس کے چھ اراکین امریکی شہری ہوں گے۔
خیال رہےکہ یہ منصوبہ اپریل 2024 میں منظور ہونے والے اس قانون کے بعد سامنے آیا ہے، جس کے تحت ٹک ٹاک کی چینی پیرنٹ کمپنی بائٹ ڈانس کو اپنے امریکی اثاثوں کا تقریباً 80 فیصد حصہ امریکی سرمایہ کاروں کو فروخت کرنے کا پابند کیا گیا تھا بصورت دیگر ایپ کو ملک بھر میں بین کر دیا جائے گا۔
واضح رہےکہ امریکی صدر ڈونلڈ ٹرمپ کی جانب سے ٹک ٹاک کے مجوزہ امریکی آپریشنز خریدنے کے لیے جن شخصیات کے نام سامنے آئے ہیں، ان میں دنیا کے ٹیکنالوجی اور میڈیا کے بڑے نام شامل ہیں۔
لیری ایلیسن، مشہور امریکی بزنس مین اور اوریکل کارپوریشن کے بانی ہیں، وہ دنیا کے امیر ترین افراد میں شمار ہوتے ہیں اور ڈیٹا مینجمنٹ و ٹیکنالوجی کی دنیا میں ان کا شمار سب سے بااثر شخصیات میں کیا جاتا ہے۔
مائیکل ڈیل، امریکی کمپنی ڈیل ٹیکنالوجیز کے بانی اور چیف ایگزیکٹو آفیسر ہیں، ان کی کمپنی دنیا بھر میں کمپیوٹرز، لیپ ٹاپس اور آئی ٹی سلوشنز کی سب سے بڑی فراہم کنندہ سمجھی جاتی ہے۔
میڈیا انڈسٹری سے تعلق رکھنے والے روپرت مرڈوک اور ان کے بیٹے لاکلان مرڈوک کا شمار بھی انتہائی بااثر شخصیات میں ہوتا ہے، روپرت مرڈوک نے نیوز کارپ اور فاکس کارپوریشن قائم کی جبکہ لاکلان مرڈوک فی الحال فاکس کارپوریشن کے ایگزیکٹو چیئرمین اور چیف ایگزیکٹو آفیسر کے طور پر فرائض انجام دے رہے ہیں۔
یاد رہےکہ یہ تینوں شخصیات ٹیکنالوجی اور میڈیا کے شعبوں میں اپنی کامیابیوں کے باعث عالمی شہرت رکھتی ہیں اور اب ٹک ٹاک کے مستقبل سے جڑے اس بڑے منصوبے کا حصہ بننے جا رہی ہیں۔
ذریعہ: Jasarat News
کلیدی لفظ: ٹک ٹاک کے
پڑھیں:
امریکا: تین دہائیوں بعد ایٹمی تجربات کا آغاز، بین البراعظمی بیلسٹک میزائل فائر
data-id="863a0a8" data-element_type="widget" data-widget_type="theme-post-content.default">
امریکی صدر ڈونلڈ ٹرمپ کے حکم کے بعد امریکا نے بین البراعظمی بیلسٹک میزائل کا کامیاب تجربہ کیا ہے۔
عالمی میڈیا کے مطابق امریکی ائیر فورس نے خبر دی ہے کہ یہ میزائل کیلیفورنیا کے وینڈن برگ اسپیس فورس بیس سے فائر کیا گیا اور تقریباً 4,200 میل کا فاصلہ طے کرنے کے بعد مارشل جزائر میں موجود رونالڈ ریگن بیلسٹک میزائل ڈیفنس ٹیسٹ سائٹ پر کامیابی سے ہدف پر جا لگا۔
امریکی حکام کا کہنا ہے کہ یہ تجربہ GT 254 سیریز کا حصہ ہے، جو امریکا کے طویل فاصلے تک مار کرنے والے دفاعی نظام کی درستگی اور کارکردگی کو جانچنے کے لیے کیا جاتا ہے، میزائل غیر مسلح تھا اور اس میں ڈیٹا اکٹھا کرنے کے لیے ری انٹری وہیکل نصب کیا گیا تھا۔
یہ تجربہ اس وقت عالمی توجہ کا مرکز بنا جب صدر ٹرمپ نے گزشتہ ہفتے فوج کو تین دہائیوں بعد جوہری ہتھیاروں کی ٹیسٹنگ دوبارہ شروع کرنے کا حکم دیا۔
ٹرمپ نے سوشل میڈیا پر جاری بیان میں کہا کہ امریکا کو اپنی دفاعی طاقت کو برقرار رکھنے کے لیے فوری طور پر ایٹمی ٹیسٹنگ دوبارہ شروع کرنی ہوگی۔
امریکی میڈیا کے مطابق Minuteman III میزائل امریکا کے نیوکلئیر ڈیٹرنس سسٹم کا بنیادی حصہ ہے اور اسے صرف اس صورت میں استعمال کیا جائے گا جب امریکا پر کسی دشمن ملک کی جانب سے جوہری حملہ کیا جائے۔
دوسری طرف روس کے صدر ولادیمیر پیوتن نے خبردار کیا ہے کہ اگر امریکا نے جوہری تجربات کیے تو روس بھی ایسا ہی کرے گا۔
شاہ محمود قریشی سے سابق پی ٹی آئی رہنماؤں کی ملاقات کی اندرونی کہانی سامنے آگئی