جاپانی نوجوان نے کلاس فیلو کی ماں کی محبت میں گرفتار ہوکر شادی کرلی
اشاعت کی تاریخ: 28th, February 2025 GMT
ٹوکیو: جاپان کے شہر شیزوکا میں ایک منفرد شادی نے سب کو حیران کر دیا، جہاں 32 سالہ طالبعلم نے اپنی کلاس فیلو کی 53 سالہ ماں سے شادی کرلی، حالانکہ خاتون پہلے ہی نانی بن چکی تھیں۔
جاپانی میڈیا رپورٹس کے مطابق، نوجوان اسامو ٹومیوکا اور مڈوری کی پہلی ملاقات پیرنٹ-ٹیچر میٹنگ کے دوران ہوئی تھی، جب اسامو ایک طالبعلم تھا۔ تاہم، ان کے درمیان بات چیت نہیں ہوئی۔
10 سال بعد دونوں کی دوبارہ ملاقات ہوئی، جس کے بعد اسامو، مڈوری کے سحر میں گرفتار ہوگیا، لیکن مڈوری اپنے شوہر سے علیحدگی اختیار کر چکی تھیں۔ پہلے تو مڈوری نے اسامو کی محبت کو مسترد کر دیا، مگر اسامو کی مسلسل کوششوں اور اظہار محبت نے آخرکار انہیں راضی کر لیا۔
محبت کی یہ کہانی تب آگے بڑھی جب مڈوری کی بیٹی نے اپنی ماں کو شادی کے لیے قائل کیا، اور کہا کہ وہ اپنی خوشی کا سوچیں۔ ابتدا میں اسامو کے والدین نے بھی مخالفت کی، لیکن وقت کے ساتھ انہوں نے اس رشتے کو قبول کر لیا۔
شادی سے قبل اسامو نے مڈوری کے لیے 38 ملین ین کا ایک گھر خریدا، اور والدین کی رضامندی کے بعد 2023 میں باضابطہ شادی کرلی۔
یہ غیر معمولی جوڑا جاپانی میڈیا کی شہہ سرخیوں میں آگیا اور حال ہی میں ایک جاپانی ٹاک شو میں بھی شرکت کی، جہاں انہوں نے اپنی محبت کی منفرد کہانی شیئر کی۔
.
ذریعہ: Express News
پڑھیں:
راولپنڈی: گوشت دینے کے بہانے گھر میں داخل ہوکر خاتون سے جنسی زیادتی
راولپنڈی میں گوشت دینے کے بہانے گھر میں داخل والے ملزم نے خاتون کو زیادتی کا نشانہ بنا ڈالا۔
راولپنڈی کے علاقے مورگاہ میں خاتون سے مبینہ زیادتی کرنے والے ملزم کے خلاف مقدمہ درج کرلیا گیا۔ متاثرہ خاتون کے مطابق ملزم طارق عید کا گوشت دینے کے بہانے گھر داخل ہوا اور زیادتی کا نشانہ بنا ڈالا۔
متاثرہ خاتون نے ایف آئی آر میں مؤقف اپنایا کہ ملزم چوہدری طارق سے دو کروڑ روپے مالیت کا گھر خریدا۔ ایک کروڑ 70 لاکھ روپے ادا کرکے گھر کا قبضہ لیا۔ باقی 30 لاکھ بھی اد کر دیئے مگر ملزم رجسٹری کرانے میں ٹال مٹول کرتا رہا۔
ملزم نے گھر پر قبضے کی کوشش کی جس پر عدالت سے حکم امتناع لیا۔
خاتون کا کہنا ہے کہ عید کے روز ملزم گوشت دینے کے بہانے گھر میں داخل ہوا اور اکیلے دیکھ کر زیادتی کی۔ ون فائیو پر کال کی تو پولیس موقع پر آئی۔
نواز شریف خصوصی طیارے کےذریعےلاہورسےلندن کیلئےروانہ