جو ہمارے خیرخواہ نہیں وہ ہمیں ڈیفالٹ میں دیکھنا چاہتے ہیں، نائب وزیراعظم اسحاق ڈار
اشاعت کی تاریخ: 4th, March 2025 GMT
نائب وزیراعظم اسحاق ڈار نے کہا ہے کہ جو ہمارے خیرخواہ نہیں وہ ہمیں ڈیفالٹ میں دیکھنا چاہتے ہیں کیوں کہ ہم اسلامی دنیا کی واحد ایٹمی قوت ہیں۔
اسلام آباد مسابقتی کمیشن آف پاکستان (سی سی پی) کی عمارت کا سنگ بنیاد رکھنے کی تقریب سے خطاب کرتے ہوئے انہوں نے کہا کہ ہم نے یکم جنوری 1999 کو فیصلہ کیا کہ کارپوریٹ لا اتھارٹی کو سیکیورٹی اینڈ ایکسینج کارپوریشن آف پاکستان میں تبدیل کیا جائے۔
انہوں نے کہا کہ ہمارے ملک میں مضبوط کنزیومر پروٹیکشن سوسائٹیز نہیں ہیں اس لیے سی سی پی کا کردار اور بھی زیادہ اہم ہے۔ ہمیں اس بات سے الجھن ہوتی تھی کہ اچھے فیصلے ہونے کے باوجود مقدمات بنتے تھے اور التوا کا شکار ہوجاتے تھے، مسابقتی کمیشن صارفین کے حقوق کا ذمہ دار ہے۔
یہ بھی پڑھیے: سی سی پی کا ڈائمنڈ پینٹ کو گمراہ کن مارکیٹنگ پر 50 لاکھ روپے جرمانہ
نائب وزیراعظم اسحاق ڈار کا کہنا تھا کہ ہمارے پاس جو کاروباری شخصیات آتے تھے وہ کاروبار بیچ کر جانا چاہتے تھے، ہم نے انہیں سمجھایا کہ پاکستان کو اللہ نے کھربوں روپے کے قیمتی وسائل سے نوازا ہے، ملک میں صرف انتظامی مسائل ہیں، ان کا کہنا تھا کہ میرا یقین ہے کہ جلد ہی پاکستان اقوام عالم میں اپنی جائز جگہ بنائے گی۔
نائب وزیر اعظم نے کہا کہ 2017 میں ہم دنیا کی 24ویں بڑی معیشت بن چکے تھے، ہم جی۔20 میں شامل ہونے کے قریب تھے، اور آج بھی یہی ہماری منزل ہونی چاہیے۔
یہ بھی پڑھیے: اسحاق ڈار سے سعودی سفیر کی ملاقات، تعلقات مزید مضبوط بنانے کا عزم
انہوں نے کہا کہ پی ڈی ایم حکومت ملک کو ڈیفالٹ سے بچانے کے علاوہ کچھ نہیں کررہی تھی، جو ہمارے خیرخواہ نہیں وہ ہمیں ڈیفالٹ میں دیکھنا چاہتے ہیں کیوں کہ ہم اسلامی دنیا کی واحد ایٹمی قوت ہیں۔
نائب وزیر اعظم کا کہنا تھا کہ کہا جارہا تھا ہم سفارتی طور پر اکیلا رہ چکے ہیں لیکن ہماری حکومت نے 27 سال بعد پاکستان میں ایس سی او کی صورت میں بین الاقوامی ایونٹ کا انعقاد کیا، اس کے بعد لڑکیوں کی تعلیم کے حوالے سے بین الاقوامی کانفرنس کی میزبانی بھی کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار سی سی پی.ذریعہ: WE News
کلیدی لفظ: اسحاق ڈار سی سی پی اسحاق ڈار نے کہا کہ سی سی پی
پڑھیں:
نائب وزیراعظم اسحاق ڈار واشنگٹن پہنچ گئے، امریکی وزیر خارجہ سے ملاقات طے
نائب وزیراعظم اور وزیرخارجہ اسحاق ڈار واشنگٹن پہنچ گئے۔ترجمان دفتر خارجہ کے مطابق نائب وزیراعظم اسحاق ڈار ایک روزہ دورے پر واشنگٹن پہنچے ہیں جہاں وہ امریکی وزیر خارجہ مارکو روبیو سے محکمہ خارجہ میں ملاقات کریں گے۔اسحاق ڈار اور مارکو روبیو کی ملاقات میں پاک امریکا تعلقات مضبوط کرنے سے متعلق امور پر بات چیت کی جائےگی جب کہ اس دوران تجارت اور اقتصادی تعاون کو فروغ دینے پر خصوصی توجہ ہوگی۔دفتر خارجہ کے مطابق اسحاق ڈار کی مارکو روبیوسے ملاقات پاکستانی وقت کے مطابق آج رات 8 بجے ہوگی۔ترجمان دفتر خارجہ کا کہنا ہے کہ پاکستان پُرامن سفارتکاری پر یقین رکھتا ہے، تمام تنازعات کا حل مذاکرات کے ذریعے ممکن ہے، بھارت کو فیصلہ کرنا ہو گا کہ وہ کونسی پالیسی اپناتا ہے ۔
حمیرا اصغر کیس: کیمیکل، پوسٹ مارٹم رپورٹ میں کافی چیزیں واضح ہوجائیں گی، ڈی آئی جی ساؤتھ