تحریک آزادی کشمیر میں دلیرانہ کردار ادا کرنے والی خواتین کو سلام عقیدت پیش کرتے ہیں، وزیراعظم آزادکشمیر
اشاعت کی تاریخ: 8th, March 2025 GMT
سٹی 42 : وزیراعظم آزادجموں وکشمیر چودھری انوارالحق نے کہا ہے کہ کسی بھی ملک کی معاشی ترقی میں خواتین کلیدی کردار ادا کرتی ہیں ۔
وزیراعظم آزادجموں وکشمیر چودھری انوارالحق نے خواتین کے عالمی دن پر اپنے بیان میں کہا ہے کہ اسلام نے خواتین کو بڑا مقام دیا ہے ، سرکار دو عالم صلی اللہ علیہ و آلہ وسلم نے خواتین کے حقوق بیان فرمائے اور انہیں ہر شعبہ زندگی میں نمائندگی دی۔ انہوں نے کہا کہ پاکستانی و کشمیری خواتین بھی گھریلو ذمہ داریوں کے ساتھ ساتھ معاشی ذمہ داریاں احسن طریقے سے نبھا رہی ہیں، تحریک آزادی کشمیر میں دلیرانہ کردار ادا کرنے والی خواتین کو سلام عقیدت پیش کرتے ہیں ۔
پنجاب پولیس کے تھانیداروں کےلئے بڑی خوشخبری
چوہدری انوارالحق نے کہا کہ خاتون جنت حضرت فاطمہ الزہرہ کی زندگی ہمارے لئے مشعل راہ ہے، ہماری حکومت خواتین کی ترقی اور بہبود پر خاص توجہ دے رہی ہے، آزاد کشمیر میں خواتین کواپنے ہر پروفیش میں کام کرنے کی مکمل آزادی حاصل ہے۔ انہوں نے کہا کہ خواتین کے خلاف ہراسمنٹ کے کیسز میں زیرو ٹالرنس کی پالیسی ہے، مختلف ووکیشنل تربیت کے اداروں میں خواتین کو فنی تربیت مہیا کی جا رہی ہے۔
وزیراعظم آزادکشمیر نے کہا کہ بلاسود قرضوں کے سرکاری پروگرام میں بھی خواتین کو مساوی حقوق حاصل ہیں، ہندوستان کے زیر قبضہ کشمیر کی خواتین کو منظم اور وسیع پیمانے پر انسانی حقوق کی خلاف ورزیوں کا سامنا ہے، مقبوضہ کشمیر میں خواتین کو عصمت دری، گمشدگی، تشدد، اغوا، قتل اور تذلیل جیسے عوامل کا سامنا ہے ۔ انہوں نے کہاکہ جنوری 2001 سے اب تک 682 سے زائد خواتین کو فاشسٹ بھارتی فورسز نے شہید کیا ، مقبوضہ کشمیر میں 22,958 خواتین کو بیوہ اور 11,256 خواتین کے ساتھ بدتمیزی کی گئی ہے۔ کشمیری خواتین نے بھارتی فوج کے تمام ظلم و جبر کو بہادری سے مقابلہ کیا ہے ۔
سینٹ کا اجلاس؛ شیری رحمان کی پی ٹی آئی پر تنقید، شبلی فراز کا جواب
انہوں نے کہا کہ کشمیر کی بہادر بیٹی آسیہ اندرابی آج بھی جیل میں بند ہے ، آسیہ اندرابی رہتی دنیا تک دنیا میں آزادی کی تحریکوں میں ایک استعارے کے طور پر ژندہ رہیں گی، اسیر حریت رہنماء یاسین ملک کی اہلیہ محترمہ مشعال ملک ہر فورم پر کشمیری خواتین کا مقدمہ لڑ رہی ہیں، مشعال ملک دلیری سے تحریک آزادی کشمیر کو اجاگر کر رہی ہیں ۔
.ذریعہ: City 42
کلیدی لفظ: انہوں نے کہا میں خواتین خواتین کے خواتین کو نے کہا کہ
پڑھیں:
عمران خان کو کس مقدمے میں سزا سنائی جانے والی ہے؟ علیمہ خان نے بتا دیا
عمران خان کو اب کس مقدمے میں سزا سنائی جانے والی ہے، اس حوالے سے علیمہ خان نے پیش گوئی کی ہے۔
پاکستان تحریک انصاف کے بانی چیئرمین عمران خان کی بہن علیمہ خان نے دعویٰ کیا ہے کہ سابق وزیراعظم کو ایک اور مقدمے میں سزا سنانے کی تیاری کی جارہی ہے۔
نجی ٹی وی کے مطابق اڈیالہ جیل کے باہر میڈیا سے گفتگو کرتے ہوئے علیمہ خان نے کہا کہ جیل کے اندر توشہ خانہ ٹو کیس کی کارروائی غیر معمولی عجلت میں کی جا رہی ہے اور یہ سب کچھ اسی مقصد کے تحت کیا جا رہا ہے۔
علیمہ خان کا مزید کہنا تھا کہ عمران خان کو خود بھی بخوبی اندازہ ہے کہ فیصلہ ان کے خلاف ہی آئے گا اور انہیں ایک اور سزا سنائی جائے گی۔ موجودہ حالات میں انصاف کی فراہمی کی کوئی امید باقی نہیں رہی۔
انہوں نے میڈیا نمائندوں سے براہِ راست بات کرنے سے گریز کرتے ہوئے کہا کہ وہ مین اسٹریم میڈیا کے سامنے گفتگو اس لیے نہیں کریں گی کیونکہ وہاں ’’پلانٹڈ لوگوں‘‘ کو بھیجا جا رہا ہے جو بدتمیزی کرتے ہیں اور ماحول خراب کرنے کی کوشش کرتے ہیں۔ اس طرح کے مناظر سے کارکنان مشتعل ہو جاتے ہیں اور پھر مزید گرفتاریاں عمل میں آتی ہیں۔
بانی پی ٹی آئی کی بہن نے یہ بھی دعویٰ کیا کہ ان کے خلاف اور پی ٹی آئی کارکنوں کے خلاف نئے مقدمات درج کیے جا رہے ہیں تاکہ دباؤ بڑھایا جا سکے۔
انہوں نے کہا کہ گزشتہ 2 برس سے میڈیا اڈیالہ جیل کے باہر کوریج کرتا رہا ہے اور کبھی بدتمیزی نہیں ہوئی، مگر اب جان بوجھ کر ایسے اقدامات کیے جا رہے ہیں جن سے صورتحال کشیدہ ہو۔
کرینہ کپور کے دلچسپ جواب پر مداحوں میں چہ میگوئیاں