ملک میں آگ لگانے والے وطن عزیز کے خیرخواہ نہیں ہوسکتے، ملک احمد خان
اشاعت کی تاریخ: 11th, March 2025 GMT
سپیکر قومی اسمبلی کا قصور کے علاقے کھائی ہتھار میں جلسہ عام سے خطاب کرتے ہوئے کہنا تھا کہ ملکی معیشت پر حملہ کرنے والے کیسے ملک کے ساتھ وفادار ہو سکتے ہیں، آئی ایم ایف کو خط لکھے گئے ملک کے ساتھ بغاوت کا اعلان کرتے ہیں، ہماری فوج کی تذلیل کی گئی، فوج پر حملہ کیا گیا، ملک میں آگ لگانے والے لوگ کیسے پاکستانی ہو سکتے ہیں۔ اسلام ٹائمز۔ سپیکر پنجاب اسمبلی ملک احمد خان نے کہا ہے کہ پی ٹی آئی کی حکومت نے پنجاب میں کوئی کام نہیں کیا تھا، ملک میں آگ لگانے والے وطن عزیز کے خیرخواہ نہیں ہوسکتے۔ سپیکر قومی اسمبلی نے قصور کے علاقے کھائی ہتھار میں جلسہ عام سے خطاب کرتے ہوئے کہا کہ وزیراعلیٰ پنجاب عوام کی فلاح و بہبود کے لیے کوشاں ہیں، عوام کی خدمت کا سلسلہ جاری رکھا جائے گا۔ انہوں نے کہا کہ دہشت گردوں کی یلغار پھر سے ہو رہی ہے، کچھ سیاسی اور کچھ اکھڑے ہوئے لوگ جلاؤ گھیراؤ کرتے ہیں، ہم ایسے لوگوں سے نہیں ڈریں گے، سیکورٹی فورسز قیام امن کے لیے قربانیاں دے رہی ہیں۔
ملک احمد خان نے کہا کہ ملکی معیشت پر حملہ کرنے والے کیسے ملک کے ساتھ وفادار ہو سکتے ہیں، آئی ایم ایف کو خط لکھے گئے ملک کے ساتھ بغاوت کا اعلان کرتے ہیں، ہماری فوج کی تذلیل کی گئی، فوج پر حملہ کیا گیا، ملک میں آگ لگانے والے لوگ کیسے پاکستانی ہو سکتے ہیں۔ سپیکر پنجاب اسمبلی نے کہا کہ ہماری فوج ہمارا فخر ہے ہماری فوج نے اس ملک کے لیے قربانیاں دی ہیں، سیاسیت دانوں کے خلاف پراپیگنڈہ چلایا گیا، ایک پارٹی نے صرف اس ملک کے خلاف کام کیا، انکا مقصد ملک کو تباہ کرنا تھا سی پیک کو روکا گیا۔
ملک احمد خان نے کہا کہ جب اقتدار سنبھالا تو ملک ڈیفالٹ کے دہانے تھا، شہباز شریف اور ان کی معاشی ٹیم نے ملک کو ڈیفالٹ سے بچایا، شہباز شریف کی قیادت میں ملک ترقی کررہا ہے، مریم نواز نوجوانوں کو غلیل، لاٹھی نہیں لیپ ٹاپ، کتاب دے رہی ہیں۔ انہوں نے کہا کہ مریم نواز شریف پنجاب میں بہترین کام کر رہی ہیں، ایک سال میں ریکارڈ منصوبے شروع کیے، آج پنجاب میں کسان بھی خوش ہے، طالب علم بھی خوش ہیں، صحت، زراعت، تعلیم، ٹرانسپورٹ، کھیلوں سمیت ہر شعبے میں پنجاب میں کام ہو رہا ہے۔
ذریعہ: Islam Times
کلیدی لفظ: ملک احمد خان ہو سکتے ہیں ملک کے ساتھ ہماری فوج نے کہا کہ پر حملہ
پڑھیں:
جنوبی پنجاب کے سابق ٹکٹ ہولڈرز کا تحریک لبیک پاکستان سے لاتعلقی کا اعلان
جنوبی پنجاب سے تعلق رکھنے والے کالعدم تحریک لبیک پاکستان (ٹی ایل پی) کے متعدد سابق ٹکٹ ہولڈرز نے جماعت سے مکمل لاتعلقی کا اعلان کردیا ہے۔
ملتان میں پریس کانفرنس کرتے ہوئے خانیوال سے تعلق رکھنے والے سابق امیدوار راؤ احمد سجاد نے کالعدم تحریک لبیک پاکستان (ٹی ایل پی) سے علیحدگی کا اعلان کرتے ہوئے کہا ہے کہ جنوبی پنجاب کی قیادت اور تمام سابق ٹکٹ ہولڈرز نے متفقہ طور پر تحریک لبیک سے لاتعلقی کا فیصلہ کیا ہے۔
راؤ احمد سجاد نے کہا کہ انہوں نے 2022 کے ضمنی انتخابات اور 2024 کے عام انتخابات میں حصہ لیا۔ تاہم، موجودہ سیاسی حالات اور شدت پسندانہ و گروہی سیاست کے رجحانات کو دیکھتے ہوئے یہ فیصلہ کیا گیا کہ تحریک لبیک سے علیحدگی اختیار کی جائے۔
ان کا کہنا تھا کہ جنوبی پنجاب کی تمام قیادت اور نیشنل اسمبلی کے سابق ٹکٹ ہولڈرز اس فیصلے میں ان کے ساتھ ہیں۔ انہوں نے کہا کہ ملک کے حالات کے پیشِ نظر وہ قومی سطح پر مثبت اور تعمیری سیاست کے فروغ کے لیے اپنا کردار ادا کرتے رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان میں آئندہ حج سستا ہونے کا امکان، سعودی کمپنی نے اخراجات میں کمی کر دی