Juraat:

پانی کا مسئلہ: سفارتی حل یا تصادم؟

اشاعت کی تاریخ: 17th, March 2025 GMT

سمیع اللہ ملک
پاکستان اور ہندوستان کے درمیان پانی کا تنازع کئی دہائیوں پر محیط ہے، اور ماہرین کا خیال ہے کہ مستقبل میں پانی کی قلت اس خطے میں کشیدگی کو مزید بڑھا سکتی ہے۔ جنوبی ایشیا میں دریاؤں کے نظام کی پیچیدہ نوعیت، آبادی میں تیزی سے اضافہ، موسمیاتی تبدیلی، اور سیاسی اختلافات اس تنازعے کو مزید سنگین بنا رہے ہیں۔ پاکستان اور ہندوستان کے پانی کے تنازعے کی جڑیں تقسیمِ ہند سے جڑی ہیں۔ 1960 میں سندھ طاس معاہدہ کے تحت دریائے سندھ اور اس کی معاون ندیاں (دریائے جہلم، چناب، سندھ، راوی، بیاس، اور ستلج) دونوں ممالک کے درمیان تقسیم کی گئیں۔ معاہدے کے مطابق مشرقی دریاؤں (راوی، بیاس، ستلج)کا کنٹرول ہندوستان کو دیا گیا۔ مغربی دریاؤں مغربی دریاؤں(جہلم، چناب، سندھ)پر پاکستان کا حق تسلیم کیا گیا، لیکن ہندوستان کو محدود مقدار میں ”غیر استعمالی”مقاصد(جیسے ہائیڈرو الیکٹرک پروجیکٹس)کیلئے پانی استعمال کرنے کی اجازت دی گئی۔ یہ معاہدہ عالمی سطح پر کامیاب سمجھا جاتا ہے۔کیونکہ اس نے 1965 اور 1971کی جنگوں کے باوجود دونوں ممالک کو پانی کے تنازعات پر بات چیت کا پلیٹ فارم فراہم کیا ۔
سندھ طاس معاہدہ 19ستمبر 1960 کو پاکستان اور بھارت کے درمیان طے پایا تھا، جس میں عالمی بینک نے ثالث کا کردار ادا کیا۔ اس معاہدے کا مقصد دریائے سندھ اور اس کی معاون دریاں کے پانی کے تنازعے کو حل کرنا تھا۔ اس معاہدے کے تحت دریاؤں کے پانی کی تقسیم کی گئی تھی جس کے مطابق مشرقی دریاؤں دریائے راوی، بیاس، اور ستلج ہندوستان کے حصے میں اور مغربی دریاؤں ،دریائے سندھ، جہلم اور چناب کے پانی پر پاکستان کو مکمل اختیار حاصل ہو گیا اور اس طرح طاس سندھ معاہدہ کی بنیاد رکھی گئی۔ معاہدے کے مطابق، بھارت مغربی دریاؤں کے کچھ پانی کو مخصوص مقاصد کے لیے استعمال کر سکتا ہے، لیکن وہ پاکستان کے لیے مختص پانی کو روکنے کا مجاز نہیں ہے۔
ہندوستان کو مشرقی دریاؤں (راوی، بیاس، ستلج)پر مکمل کنٹرول دیا گیا، وہ ان دریاؤں پر بند بنا سکتا ہے، پانی ذخیرہ کر سکتا ہے، یا زرعی استعمال کر سکتا ہے۔ مغربی دریاؤں (سندھ، جہلم، چناب)پر ہندوستان کو محدود استعمال کی اجازت دی گئی تھی ، جیسے آبپاشی، پن بجلی اور گھریلو ضروریات کے لیے، بشرطیکہ اس سے پاکستان کے حصے میں پانی کی مقدار متاثر نہ ہو۔، مثلا ًبجلی پیدا کرنے کے لیے ”رن آف دی ریور”ہائیڈرو پاور منصوبے، لیکن پانی کو روک کر ذخیرہ کرنے کی اجازت نہیں۔ جبکہ مغربی دریاؤں پر پاکستان کا مکمل حق ہے۔ ہندوستان ان دریاؤں کے بہاؤ میں رکاوٹ نہیں ڈال سکتا۔ تنازعات کو حل کرنے کے لیے سنیارٹی کمیشن قائم کیا گیا۔ اگر یہ کمیشن مسئلہ حل نہ کر سکے تو عالمی عدالت انصاف یا ثالثی عدالت سے رجوع کیا جا سکتا ہے۔
ہندوستان کی طرف سے پاکستانی دریاؤں کے پانی کا موڑنے کے دعوے کے مطابق ہندوستان نے مشرقی دریاؤں(راوی، بیاس، ستلج)پر اپنے حقوق کا استعمال کرتے ہوئے متعدد ڈیم اور نہری نظام بنائے ہیں، جس کی وجہ سے پاکستان تک پانی کی مقدار کم ہوئی ہے۔ تاہم، ہندوستان کا یہ دعویٰ ہے کہ یہ اقدامات سندھ طاس معاہدے کے تحت جائز ہیں ۔ تاہم، حالیہ برسوں میں بھارت نے مغربی دریاؤں پر متعدد ڈیم اور بیراج تعمیر کیے ہیں، جن میں کشن گنگا اور راتلے ہائیڈرو پاور پراجیکٹس شامل ہیں۔ پاکستان کو ان منصوبوں پر تحفظات ہیں اور وہ سمجھتا ہے کہ یہ معاہدے کی خلاف ورزی ہیں اور اس سے اس کے پانی کے حقوق متاثر ہو سکتے ہیں۔موجودہ تنازعات کے محرکات میں سب سے اہم ہندوستان کے ہائیڈرو الیکٹرک منصوبے ہیں۔ ہندوستان دریائے چناب اور جہلم پر متعدد ڈیمز اور ہائیڈرو پاور پلانٹس بنا رہا ہے، جنہیں پاکستان معاہدے کی خلاف ورزی قرار دیتا ہے۔ نمایاں مثالوں میں شامل ہیں۔
ہندوستان نے دریائے چناب پر بگلیہار ڈیم بنا کر معاہدے کی خلاف ورزی کی۔ پاکستان نے اعتراض کیا کہ ڈیم کی تعمیر معاہدے کی خلاف ورزی ہے کیونکہ اس کے ذریعے بھارت پانی کو کنٹرول کر سکتا ہے۔ عالمی ثالثی عدالت نے فیصلہ دیا کہ بھارت ڈیم بنا سکتا ہے لیکن اسے پاکستان کیلئے پانی کے بہا ؤمیں رکاوٹ پیدا نہیں کرسکتا جس پر 2007 میں ثالثی عدالت نے ہندوستان کو ڈیم کی اونچائی کم کرنے کا حکم دیا۔اس کے ساتھ ہی بھارت نے معاہدے کی خلاف ورزی کرتے ہوئے دریائے جہلم پر کشن گنگا ہائیڈرو پاور پراجیکٹ دریائے نیلم (جسے بھارت میں کشن گنگا کہا جاتا ہے)پر تعمیر کیا گیا۔ پاکستان کا مؤقف ہے کہ کشن گنگا ہائیڈرو پاور پراجیکٹ منصوبہ دریائے جہلم کے بہاؤ کو روک کر اس کے زرعی نظام کو متاثر کر رہا ہے۔ اور پاکستان نے یہ بھی اعتراض کیا کہ اس منصوبے سے دریائے نیلم کے بہا ؤمیں کمی واقع ہو سکتی ہے، جو آزاد کشمیر اور پنجاب کے علاقوں کو متاثر کرے گی۔ پاکستان نے عالمی بینک سے رجوع کیا،2013 میں ثالثی عدالت نے ہندوستان کو منصوبہ جاری رکھنے کی اجازت دی، لیکن پانی کی ایک خاص مقدار پاکستان کو فراہم کرنے کی شرط عائد کی۔ تاہم، بھارت نے یہ منصوبہ مکمل کر لیا، اور پاکستان کو پانی کے بہا ؤمیں کمی کا سامنا کرنا پڑ رہا ہے۔
پاکستان نے عالمی بینک کی ثالثی کورٹ میں بھارتی رتل ہائیڈرو الیکٹرک کے خلاف بھی کیس دائر کر رکھا ہے۔یہ ڈیم دریائے چناب پر تعمیر کیا جا رہا ہے، اور پاکستان کو خدشہ ہے کہ اس سے پانی کی مقدار کم ہو سکتی ہے۔ بھارت کا مؤقف ہے کہ یہ منصوبہ سندھ طاس معاہدے کے تحت جائز ہے، جبکہ پاکستان اسے معاہدے کی خلاف ورزی سمجھتا ہے۔بھارت نے دریائے راوی اور بیاس کے پانی کو انڈرا گاندھی نہر کے ذریعے اس کے پانی کا رخ راجستھان کی طرف موڑ دیا ہے اور دریائے ستلج پربھاکڑا ڈیم میں پانی کا ذخیرہ کرتے ہوئے اس کی تعمیر کرکے معاہدے کی خلاف ورزی کی ہے۔ اس کے علاوہ مغربی دریاؤں پر ہندوستان نے کئی متنازعہ منصوبے شروع کیے ہیں جو پاکستان کے خدشات کا باعث بنے ہیں، مثلا:ہندوستان کا مؤقف ہے کہ اس نے مشرقی دریاں (راوی، بیاس، ستلج)کا پانی اپنی طرف موڑا ہے، جو معاہدے کے تحت جائز ہے اور مغربی دریاؤں (سندھ، جہلم، چناب)پر ہندوستان کے منصوبوں کو معاہدے کی خلاف ورزی نہیں سمجھا جاتا، البتہ پاکستان مسلسل ان پر اعتراضات کرتا رہا ہے۔ پاکستان کا مؤقف ہے کہ ہندوستان کی طرف سے ڈیمز کی تعمیر سے دریاؤں کے ”بہا ؤکی مقدار اور وقت”متاثر ہوتا ہے، جو معاہدے کی روح کے خلاف ہے۔ سندھ طاس معاہدے کے تحت ہندوستان نے تین دریاؤں (راوی، بیاس، ستلج)کا پانی مکمل طور پر اپنے استعمال میں لے لیا ہے، جس کو وہ قانونی طور پر جائز سمجھتا ہے اورمغربی دریاؤں پر ہندوستان کے منصوبوں کو معاہدے کی خلاف ورزی نہیں سمجھا جاتا ، لیکن سندھ طاس معاہدے کے تحت پاکستان انہیں اپنے مفادات کے لیے خطرہ قرار دیتا ہے۔
ماہرین کا کہنا ہے کہ مستقبل میں پانی کے وسائل پر کشیدگی میں اضافہ ہو سکتا ہے، جس کی وجوہات درج ذیل ہیں۔
٭ہمالیائی گلیشیئرز تیزی سے پگھل رہے ہیں، جس کی وجہ سے پانی کی قلت پیدا ہو رہی ہے۔ موسمیاتی تبدیلیوں کے اثرنے بھی گلشیئرز کے پگھلنے، غیر یقینی بارشوں، اور شدید گرمی کی لہروں نے دریاؤں کے بہا ؤکو غیر مستقل بنا دیا ہے۔ مثال کے طور پر، دریائے سندھ کا 80٪پانی ہمالیہ کے گلیشیئرز سے آتا ہے، جو موسمیاتی تبدیلیوں کی وجہ سے تیزی سے پگھل رہے ہیں۔ یہ صورتحال دونوں ممالک میں پانی کی دستیابی کو غیر یقینی بنا رہی ہے۔
٭بھارت کی جانب سے دریاؤں پر مزید ڈیم بنانے کی حکمت عملی پاکستان میں پانی کے شدید بحران کا سبب بن سکتی ہے۔
٭پاکستان کا انحصار مغربی دریاؤں پر ہے، اس لئے اگر بھارت پانی روکنے کی پالیسی اپناتا ہے تو پاکستان میں زرعی پیداوار شدید متاثر ہو سکتی ہے، جو معیشت اور خوراک کی دستیابی کے لیے خطرہ بنے گی۔
٭پاکستان اور بھارت کی بڑھتی ہوئی آبادی پانی کی طلب میں اضافے کا باعث بن رہی ہے۔ آبادی اور زراعت کے دبا ؤکی وجہ سے پاکستان دنیا کا چوتھا سب سے بڑا پانی کا ”اسٹریسڈ”ملک ہے، جہاں فی کس پانی کی دستیابی 1,000 کیوبک میٹر سالانہ سے بھی کم ہو چکی ہے۔ ہندوستان میں بھی 60 کروڑ افراد پانی کی قلت کا شکار ہیں۔ زراعت (جو دونوں ممالک کی معیشت کا 20-25٪ہے)کیلئے پانی کی مسلسل طلب تنازعات کو ہوا دے رہی ہے۔
٭جیو پولیٹیکل تنا یعنی کشمیر تنازعہ پاکستان بار بار ہندوستان پر سندھ طاس معاہدے کی خلاف ورزی کا الزام لگاتا ہے اور بھارتی دہشت گردی کے معاملات پر تعلقات کشیدہ ہونے سے پانی کے معاملات پر بات چیت مشکل ہو گئی ہے۔
٭کچھ تجزیہ کاروں کا خیال ہے کہ ہندوستان پانی کو ہتھیار کے طور پر استعمال کرکے پاکستان کی طرف جانے والے پانی کے بہا کو کنٹرول کر کے پاکستان پر دبا ڈالنے کی کوشش کر رہا ہے۔
سوال یہ ہے کہ سندھ طاس معاہدہ جو 21ویں صدی کا سب سے طویل المدتی اور کامیاب معاہدہ سمجھا جاتا تھا، کیا سندھ طاس معاہدہ ناکام ہو چکا ہے اور موجودی چیلنجز سے نمٹنے کیلئے تیار نہیں؟
٭ڈیٹا شئیرنگ کے فقدان کی بنا پر دونوں ممالک دریا کے بہا ؤکے اعداد و شمار کو شفاف طریقے سے شیئر نہیں کرتے۔
٭موسمیاتی تبدیلیوں کے عدم احتساب کی بنا پر بھی معاہدے میں گلوبل وارمنگ یا گلیشیئرز کے پگھلا ؤجیسے عوامل شامل نہیں۔
٭ہندوستان معاہدے کے مطابق تمام متنازعہ مسائل کے حل کی ثالثی کیلئے ورلڈ بینک کی بجائے دو طرفہ مذاکرات پر زور دے رہا ہے جس کی بنا پر ان مجوزہ مسائل کے حل میں تاخیر ہو رہی ہے جس کیلئے بھارت مکمل ذمہ دار ہے۔ معاہدے میں گلوبل وارمنگ یا گلیشیئرز کے پگھلا ؤجیسے عوامل شامل نہیں۔
٭دونوں ممالک کے درمیان تنازعات کا حل معاہدے کے تحت موجود طریقہ کار سے ہی ممکن ہے اور مسئلے کے ممکنہ حل کیلئے فوری طور پر ان عوامل پر عمل کرنا ہو گا:
٭دونوں ممالک کو سندھ طاس معاہدے کا جدید جائزہ لیتے ہوئے معاہدے کے پرانے نکات پر نظرِ ثانی کر کے بدلتے حالات کے مطابق اسے اپڈیٹ کرنا ہوگا۔
٭پاکستان کو مزید ڈیم اور آبی ذخائر تعمیر کرنے ہوں گے تاکہ پانی کے ذخیرے کو بڑھایا جا سکے۔ بین الاقوامی فورمز پر آبی تنازعات کو بہتر سفارتکاری کے ذریعے حل کیا جائے۔
٭دونوں ممالک کو پانی کے مثر استعمال، جدید زراعتی نظام اور پانی کی بچت کی پالیسیوں کو اپنانا ہوگا۔
٭موسمیاتی تبدیلیوں، ڈیٹا شیئرنگ، اور نئی ٹیکنالوجیز کو معاہدے میں شامل کیا جائے
٭ ڈرپ ایریگیشن، اسمارٹ واٹر گرڈز، اور واٹر ریسائیکلنگ پلانٹس جیسی جدید ٹیکنالوجی سے پانی کے استعمال میں کارکردگی بڑھائی جا سکتی ہے۔
٭اگر دونوں ممالک پانی کے انتظام کو جیو پولیٹکس سے بالاتر رکھنے میں ناکام رہے، تو یہ تنازعہ کشیدگی میں تبدیل ہو سکتا ہے۔ عالمی بینک کے مطابق2050 تک پاکستان میں پانی کی دستیابی موجودہ سطح سے 50٪کم ہو جائے گی، جو صورتحال کو مزید سنگین بنا دے گی جو ایک خطرے کی گھنٹی ثابت ہو سکتی ہے۔
مزید برآں، بھارت نے حال ہی میں سندھ طاس معاہدے میں ترامیم کا نوٹس جاری کیا ہے، جس میں موجودہ حالات کے پیش نظر معاہدے پر نظرثانی کی بات کی گئی ہے۔ پاکستان نے اس نوٹس پر باضابطہ ردعمل ظاہر نہیں کیا، لیکن یہ معاملہ دونوں ممالک کے درمیان آبی تنازعات کو مزید پیچیدہ بنا دیا ہے۔ ان حالات میں، پاکستان اور بھارت کے درمیان آبی تنازعات کے حل کے لیے مثر مذاکرات اور بین الاقوامی ثالثی کی ضرورت ہے تاکہ دونوں ممالک کے درمیان پانی کی منصفانہ تقسیم اور معاہدے کی پاسداری کو یقینی بنایا جا سکے۔
سوال یہ ہے کیا پانی کے نام پر جنگ ہو سکتی ہے؟ پانی کی قلت اور اس پر کنٹرول کے باعث دونوں ممالک کے درمیان کشیدگی میں اضافہ ہو سکتا ہے۔ تاہم، براہِ راست جنگ کے امکانات کم ہیں، لیکن پانی کی بڑھتی ہوئی قلت اور آبی وسائل پر کنٹرول کی کشمکش مستقبل میں تنازعات کو شدت دے سکتی ہے۔ کیونکہ سندھ طاس معاہدہ اب بھی فعال ہے، اور اس کی پاسداری بین الاقوامی دبا کے تحت کی جاتی ہے۔ بین الاقوامی ثالثی کے راستے موجود ہیں، جن کے ذریعے تنازعات کو حل کیا جا سکتا ہے۔ اس بحران کو روکنے کے لیے سفارتی اور تکنیکی حل ناگزیر ہیں، تاکہ پانی کے وسائل کو منصفانہ اور پائیدار طریقے سے استعمال کیا جا سکے۔ جوہری طاقت ہونے کے ناطے پاکستان اور بھارت کے درمیان کسی بھی تصادم کے سنگین نتائج ہو سکتے ہیں، اس لیے دونوں ممالک جنگ سے گریز کریں گے۔ البتہ، اگر پانی کی قلت مزید بڑھتی ہے اور سفارتی حل تلاش نہ کیا گیا، تو مستقبل میں خطے میں آبی تنازعات مزید شدت اختیار کر سکتے ہیں اور یہ عین ممکن ہے کہ پانی کا مسئلہ ان دونوں جوہری طاقتوں کے درمیان ایسی جنگ کا سبب بن جائے جو نہ صرف اس خطے کو بلکہ دنیا کو تاریکی کی طرف لے جا سکتا ہے۔
پانی کی جنگ کا خطرہ حقیقی ہے، لیکن یہ ناگزیر نہیں۔ جنگ سے بچنے کا واحد راستہ یہی ہے کہ دونوں ممالک کو یہ سمجھنا ہوگا کہ دریائے
سندھ کا نظام ایک مشترکہ اثاثہ ہے، جسے تباہ کرنے کی بجائے سنبھالنا ضروری ہے۔ جیسا کہ موہن داس گاندھی نے کہا تھا کہ ”پانی کی لڑائی جیتنے سے کہیں بڑھ کر، اسے بانٹنے کی ضرورت ہے”۔ کیا ہندوستان اپنے قومی باپ کی نصیحت پر کان دھرنے کو تیار ہے؟
۔۔۔۔۔۔۔۔۔۔۔

.

ذریعہ: Juraat

کلیدی لفظ: سندھ طاس معاہدے کے تحت دونوں ممالک کے درمیان معاہدے کی خلاف ورزی موسمیاتی تبدیلیوں پاکستان اور بھارت اس معاہدے کے تحت مغربی دریاؤں پر سندھ طاس معاہدہ دونوں ممالک کو ہائیڈرو پاور بین الاقوامی مشرقی دریاؤں کا مؤقف ہے کہ ثالثی عدالت ہندوستان کے ہندوستان نے آبی تنازعات دریائے سندھ ہندوستان کو پر ہندوستان پانی کی قلت میں پانی کی سمجھا جاتا پاکستان نے معاہدے میں پاکستان کو استعمال کر پاکستان کا سے پاکستان عالمی بینک کی دستیابی تنازعات کو کر سکتا ہے ہو سکتی ہے دریاؤں کے کی وجہ سے کے مطابق کی اجازت کی مقدار بھارت نے کشن گنگا کے ذریعے پانی کے کیا گیا پانی کا سے پانی کے پانی کو مزید پانی کو کرنے کی کیا جا اور اس رہی ہے کے بہا رہا ہے کے لیے کی طرف ہے اور

پڑھیں:

بھارت کی طرف سے سندھ طاس معاہدے کی معطلی اور پاکستان پر اس کے مضمرات

اسلام آباد (اُردو پوائنٹ ۔ DW اردو۔ 24 اپریل 2025ء) جنوبی ایشیا کے جوہری طاقت رکھنے والے دو حریف بھارت اور پاکستان کے درمیان پچھلے پچہتر سال کے دوران کئی جنگیں ہو چکی ہیں اور دونوں کے درمیان بیشتر اوقات تعلقات کشیدہ رہے ہیں، تاہم پانی کے ایک اہم وسیلے سے متعلق چھ دہائیوں سے زیادہ عرصے قبل کیا گیا سندھ طاس آبی معاہدہ پر اس کا کوئی اثر نہیں پڑا۔

لیکن، بھارت کے زیر انتظام جموں و کشمیر کے اہم سیاحتی مقام پہلگام میں گزشتہ منگل کو ہونے والے دہشت گردانہ حملے، جس میں 26 سیاح ہلاک ہوئے، نے اس معاہدے کو بھی متاثر کردیا۔ بھارت نے اپنی طرف سے اس معاہدے کو معطل کرنے کا اعلان کردیا ہے۔

پاک بھارت سندھ طاس معاہدے سے متعلق تنازعہ ہے کیا؟

بھارتی وزارت خارجہ کے سکریٹری وکرم مصری نے معاہدے کو معطل کرنے کا اعلان کرتے ہوئے کہا، "1960 کا سندھ آبی معاہدہ اب سے اس وقت تک غیر نافذ العمل رہے گا، جب تک کہ پاکستان قابل اعتبار اور ٹھوس طور پر سرحد پار دہشت گردی کی حمایت سے دستبردار نہیں ہو جاتا"۔

(جاری ہے)

سن 1960 کا سندھ طاس آبی معاہدہ دونوں دیرینہ حریف پڑوسیوں کو دریائے سندھ کے پانی تک مشترکہ رسائی کی سہولت فراہم کرتا ہے۔

سندھ طاس آبی معاہدہ کیا ہے؟

ملک کی تقسیم کے بعد بھارت اور پاکستان کے نمائندوں کے درمیان برسوں کے مذاکرات کے بعد عالمی بینک کی ثالثی میں سندھ طاس آبی معاہدہ ستمبر 1960 میں عمل میں آیا تھا۔

سندھ طاس معاہدے پر عالمی بینک کو تشریح کا حق نہیں، بھارت

اس وقت بھارت کے وزیر اعظم جواہر لال نہرو اور پاکستان کے اس وقت کے سربراہ مملکت جنرل ایوب خان نے کراچی میں اس معاہدے پر دستخط کیے تھے۔

یہ امید کی گئی تھی کہ یہ معاہدہ دونوں ملکوں کے عوام اور بالخصوص کاشتکاروں کے لیے خوشحالی لائے گا اور امن، خیر سگالی اور دوستی کا ضامن ہو گا۔

معاہدے کے تحت بھارت کو تین مشرقی دریاؤں راوی، ستلج اور بیاس پر کنٹرول دیا گیا جبکہ پاکستان کو تین مغربی دریاؤں سندھ، جہلم اور چناب پر کنٹرول سونپا گیا۔ اس کے تحت ان دریاؤں کے 80 فیصد پانی پر پاکستان کا حق ہے۔

یہ معاہدہ بھارت کو مغربی دریاؤں پر ہائیڈرو الیکٹرک پراجیکٹس تیار کرنے کی بھی اجازت دیتا ہے، لیکن ان منصوبوں کو سخت شرائط پر عمل کرنا چاہیے۔ انہیں "رن آف دی ریور" پروجیکٹ ہونا چاہیے، مطلب یہ ہے کہ وہ پانی کے بہاؤ یا ذخیرہ کو نمایاں طور پر تبدیل نہیں کر سکتے، اس بات کو یقینی بناتے ہوئے کہ پاکستان کے پانی کے حقوق بہاو والے ملک کے طور پر بری طرح متاثر نہ ہوں۔

یہ معاہدہ پاکستان کو کسی ایسے ڈیزائن پر اعتراضات اٹھانے کی بھی اجازت دیتا ہے جو پانی کے بہاؤ کو متاثر کر سکتا ہو۔

معاہدے کی معطلی کا پاکستان پر کیا اثر پڑے گا؟

پاکستان، جو معاہدے کے ت‍‍حت دریائے سندھ سے تقریباً 80 فیصد پانی حاصل کرتا ہے، ان دریاؤں پر بہت زیادہ انحصار کرتا ہے۔ سسٹم میں موجود 16.8 کروڑ ایکڑ فٹ پانی میں سے بھارت کو تقریباً 3.3 کروڑ ایکڑ فٹ پانی مختص کیا گیا ہے۔

اس وقت، بھارت اپنے اجازت شدہ حصے کا 90 فیصد سے کچھ زیادہ استعمال کرتا ہے، جس کی وجہ سے باقی ماندہ حصہ پر پاکستان کا بہت زیادہ انحصار ہے۔

یہ انحصار انتہائی اہم بلکہ ناگزیر ہے۔ یہ دریا پاکستان کے زرعی شعبے کی ریڑھ کی ہڈی کی حیثیت رکھتے ہیں۔ یہ کروڑوں افراد کی آبادی کے لیے انتہائی اہم ہیں اور ملک کی 23 فیصد زرعی پانی کی ضروریات کو پورا کرتا ہے جب کہ تقریباً 68 فیصد دیہی معاش کی براہ راست مدد کرتا ہے۔

اس سپلائی میں کوئی بھی رکاوٹ بڑے پیمانے پر منفی نتائج کو جنم دے سکتی ہے۔ مثلاﹰ فصلوں کی پیداوار میں کمی، غذائی عدم تحفظ، اور مزید معاشی عدم استحکام، خاص طور پر ان خطوں میں جو پہلے ہی غربت اور جاری مالیاتی بحران کے بوجھ تلے دبے ہوئے ہیں۔

پاکستان کی پانی ذخیرہ کرنے کی محدود صلاحیت اس مسئلے کو مزید پیچیدہ بناتی ہے۔ منگلا اور تربیلا جیسے بڑے ڈیموں کا مشترکہ لائیو اسٹوریج صرف 14.4 ملین ایکڑ فٹ ہے جو کہ معاہدے کے تحت پاکستان کے سالانہ استحقاق کا محض 10 فیصد ہے۔

پانی کے بہاؤ میں کمی یا موسمی تغیر کے وقت، ذخیرہ اندوزی میں یہ کمی پاکستان کو شدید خطرات سے دوچار کر دیتی ہے۔ بھارتی ماہرین کیا کہتے ہیں؟

پردیپ کمار سکسینہ، جنہوں نے چھ سال سے زائد عرصے تک بھارت کی جانب سے سندھ آبی کمشنر کے طور پر کام کیا، کا کہنا ہے کہ "اگر حکومت (ہند) نے ایسا فیصلہ کیا ہے تو یہ معاہدہ منسوخ کرنے کی طرف پہلا قدم ہو سکتا ہے۔

"

انہوں نے کہا،"اگرچہ معاہدے میں اس کی منسوخی کے لیے کوئی واضح شق موجود نہیں ہے، لیکن معاہدوں کے قانون سے متعلق ویانا کنونشن کا آرٹیکل 62 کافی گنجائش فراہم کرتا ہے جس کے تحت حالات کی بنیادی تبدیلی کے پیش نظر معاہدے کو رد کیا جا سکتا ہے جو کہ اس معاہدے کے اختتام کے وقت موجود ہیں"۔

سابق بھارتی انڈس واٹر کمشنر سکسینہ کا کہنا تھا کہ دریا چونکہ بھارت کی طرف سے پاکستان کی جانب بہتے ہیں، اس لیے بھارت کو متعدد اختیارات حاصل ہیں۔

خیال رہے کہ گزشتہ سال، بھارت نے پاکستان کو ایک باضابطہ نوٹس بھیجا تھا، جس میں اس معاہدے پر نظرثانی اور ترمیم کا مطالبہ کیا گیا تھا۔

پاکستانی ماہرین کی رائے

سابق پاکستانی سفارت کاروں اور ماہرین کا کہنا ہے کہ نئی دہلی 1960 میں عالمی بینک کی ضمانت میں طے پانے والے دو طرفہ سندھ آبی معاہدے سے یکطرفہ طور پر دستبردار نہیں ہو سکتا۔

بھارت میں پاکستان کے سابق ہائی کمشنر عبدالباسط نے ایک پاکستانی نیوز چینل سے بات کرتے ہوئے کہا کہ سندھ طاس معاہدے کو یکطرفہ طور پر نہ تو معطل کیا جا سکتا ہے اور نہ ہی ختم کیا جا سکتا ہے۔

انہیں خیالات کی تائید کرتے ہوئے، پاکستان کے سابق سینیٹر مشاہد حسین سید نے کہا کہ بھارت نے پہلگام واقعے کو سندھ طاس معاہدے کو معطل کرنے کے بہانے کے طور پر استعمال کیا کیونکہ وہ "سازش کے تحت پاکستان پر دباؤ ڈالنا چاہتا ہے"۔

انہوں نے ایک پاکستانی نیوز چینل کو دیے گئے انٹرویو میں کہا کہ سندھ طاس معاہدہ اسلام آباد اور نئی دہلی کے درمیان دو طرفہ بین الاقوامی معاہدہ ہے اور ا"گر مودی کی زیر قیادت حکومت پاکستان کا پانی روکتی ہے تو یہ بین الاقوامی قوانین کی خلاف ورزی اور جنگ کے مترادف ہو گا۔"

پاکستان پیپلز پارٹی سے تعلق رکھنے والی سینیٹر شیری رحمٰن نے کہا، "سندھ طاس معاہدہ تو جنگ میں بھی معطل نہیں ہوتا، پانی تو جنگ میں بھی بند نہیں ہوتا لیکن لگتا ہے بھارت معاملہ انتہا کی طرف لے کر جا رہا ہے۔

" کیا معاہدہ ختم کرنا ممکن ہے؟

جنوبی ایشیا میں دریاؤں کے تنازع پر ایک کتاب کے مصنف اور سنگاپور نیشنل یونیورسٹی کے مصنف پروفیسر امت رنجن نے اپنے ایک مضمون میں لکھا ہے کہ سندھ طاس معاہدے سے اگر دونوں میں سے کوئی ایک ملک بھی یکطرفہ طور پر نکلنا چاہے تو وہ نہیں نکل سکتا۔

وہ کہتے ہیں کہ ویانا کنونشن کے تحت معاہدہ ختم کرنا یا اس سے الگ ہونے کی گنجائش موجود ہے لیکن اس پہلو کا اطلاق سندھ طاس معاہدے پر نہیں ہو گا۔

پاکستانی میڈیا رپورٹوں کے مطابق اسلام آباد حکومت کے ذرائع کا کہنا ہے کہ سندھ طاس معاہدے کے تحت بھارت یک طرفہ طور پر اس معاہدے کو معطل یا ختم نہیں کر سکتا۔

پاکستانی حکومتی ذرائع نے خبردار کیا کہ بھارت کی جانب سے سندھ طاس معاہدے کو معطل کرنے کے اعلان پر پاکستان عالمی بینک سے ثالثی عدالت کے لیے رجوع کر سکتا ہے۔

تجزیہ کاروں کا خیال ہے کہ اگست 2019 میں بھارت کی طرف سے جموں و کشمیر کی خصوصی حیثیت کو منسوخ کرنے کے بعد دونوں ممالک کے درمیان تعلقات میں نمایاں تنزلی آئی ہے۔

تب سے نئی دہلی اور اسلام آباد کے درمیان اعتماد میں مزید کمی آئی ہے۔ اس تیزی سے غیر مستحکم جغرافیائی سیاسی حالات میں آگے بڑھنے کا سب سے قابل عمل راستہ تعاون کے اس جذبے کی طرف واپسی ہے جس میں سندھ طاس آبی معاہدہ پر دستخط کیے گئے تھے۔