سیما حیدر اور سچن مینا کے ہاں بیٹی کی پیدائش
اشاعت کی تاریخ: 18th, March 2025 GMT
نئی دہلی (نیوز ڈیسک)بھارتی عاشق سچن مینا کے ساتھ رہنے کے لیے بذریعہ نیپال پڑوسی ملک پہنچنے والی پاکستانی خاتون سیما حیدر نے بچی کو جنم دیا ہے۔
بھارتی میڈیا رپورٹس کے مطابق سیما حیدر کے ہاں بچی کی پیدائش گریٹر نوئیڈا کے کرشنا اسپتال میں منگل کی صبح 4 بجے ہوئی،سیما حیدر کے وکیل اے پی سنگھ نے تصدیق کی کہ ماں اور نومولود کی صحت اچھی ہے۔
اے پی سنگھ نے کہا کہ ‘جو لوگ سیما اور سچن سے محبت کرتے ہیں، ان کے لیے یہ جشن کا لمحہ ہے، ایک بیٹی کی پیدائش ہوئی ہے، اور ماں اور بچہ دونوں بالکل صحت مند ہیں۔ تمام میڈیکل رپورٹس نارمل ہیں، اور سب کچھ ٹھیک ہے۔’
انہوں نے یہ بھی بتایا کہ جوڑے نے اپنی نومولود کے نام رکھنے کے عمل میں عوام کو شامل کرنے کا فیصلہ کیا ہے اور کہا کہ ‘ہم ملک اور دنیا بھر کے لوگوں سے سیما اور سچن کی بیٹی کے لیے نام تجویز کرنے کی درخواست کرتے ہیں’۔
وکیل کا کہنا تھا کہ ‘ہم سوشل میڈیا صارفین کی حوصلہ افزائی کرتے ہیں کہ وہ ہندوستانی روایات کی بنیاد پر اپنے نام کی تجاویز بھیجیں اور پھر سب سے زیادہ ووٹوں والے نام کا انتخاب کیا جائے گا۔’
سیما کے حمل کی افواہیں گزشتہ برس پہلی بار جنوری میں پھیلی تھیں لیکن اپریل میں ایک انٹرویو میں جوڑے نے ان کی تردید کی تھی۔
اس وقت، سیما نے اپنی زندگی میں عوامی دلچسپی کو تسلیم کرتے ہوئے کہا تھا کہ وہ صحیح وقت آنے پر کوئی بھی خوشخبری شیئر کریں گی۔
بعدازاں دسمبر میں سیما کی ایک ویڈیو یوٹیوب پر سامنے آئی تھی جس میں انہوں نے پانچویں حمل کی تصدیق کی ساتھ ہی اپنے بے بمپ کی نمائش کرتی نظر آئیں۔
واضح رہے کہ سیما حیدر کی بھارتی شہری سچن مینا سے پہلی بار گفتگو 2019 میں آن لائن شوٹنگ گیم پب جی پر ہوئی تھی۔
جس کے بعد دونوں کے تعلقات بڑھتے بڑھتے اتنے بڑھے کہ پہلی ملاقات مارچ 2023 میں نیپال میں ہوئی،جہاں سیما نے ہندو مذہب اختیار کر لیا تھا۔
اس جوڑے نے مبینہ طور پر ہندو رسم و رواج کے مطابق کھٹمنڈو میں شادی رچا لی تھی اور پھر سیما کے چار بچوں کے ساتھ 13 مئی 2023 کو نیپال کے راستے بھارت میں داخل ہوگئے تھے، اب سیما بھارت میں سچن کے ساتھ ہی رہائش پذیر ہیں۔
سیما بھارتی شہر گریٹر نوائیڈا میں پہلی شادی سے ہونے والے اپنے چاروں بچوں اور سچن کے ساتھ رہائش پذیر ہیں۔
سیما کا 8 سالہ بیٹا فرحان علی اب راج، 6 سالہ بیٹی فروا اب پریانکا، 4 سالہ بیٹی فریحہ بتول اب منی اور فرح اب پری کہلاتی ہیں۔
گزشتہ برس سیما کے پاکستانی شوہر غلام حیدر نے ایک بھارتی وکیل کے ذریعے نوئیڈا کی فیملی کورٹ میں درخواست دائر کی تھی، جس میں سچن مینا کے ساتھ سیما کی شادی اور اپنے بچوں کا مذہب تبدیل کرنے کو چیلنج کیا تھا۔
مزیدپڑھیں:تارا کو ‘ٹائم پاس’ کہنے پر آدر جین نے خاموشی توڑ دی
ذریعہ: Daily Ausaf
پڑھیں:
نواز شریف کی بیٹی ہوں کسی کے آگے ہاتھ نہیں پھیلائوں گی، مریم نواز
نواز شریف کی بیٹی ہوں کسی کے آگے ہاتھ نہیں پھیلائوں گی، مریم نواز WhatsAppFacebookTwitter 0 15 September, 2025 سب نیوز
میانوالی (سب نیوز)وزیر اعلی پنجاب مریم نواز کا کہنا ہے کہ پنجاب کے پیسے عوام پر خرچ کروں گی، نواز شریف کی بیٹی ہوں کسی کے آگے ہاتھ نہیں پھیلاوں گی۔
میانوالی میں تقریب سے خطاب کرتے ہوئے وزیر اعلی مریم نواز نے کہا کہ وزرا کو کہا ہے جب تک متاثرین کو ریلیف نہیں ملتا فیلڈ سے واپس نہیں آنا، پہلی بار سن رہے ہیں کہ تنقید کی جارہی ہے وزیر اعلی کام کیوں کررہی ہے۔مریم نواز نے کہا کہ کشتی میں بیٹھی تو تنقید کی گئی کہ وزیر اعلی کشتی میں کیوں بیٹھ گئیں، انہیں کام کرنے کے علاوہ سب کچھ آتا ہے۔
انہوں نے کہا کہ سیلاب میں سب سے زیادہ خراب صورت حال گجرات میں ہے، وہاں 26 ارب روپے سے نیا سیوریج سسٹم ڈال رہے ہیں۔وزیر اعلی نے کہا کہ تنقید اور دعوے کرنا آسان ہوتا ہے، کام کرنے کے لیے بستروں سے نکل کر تیار ہوکر میدان میں آنا ہوتا ہے، وزیر اعلی باہر نکلے تو سب کو کام کرنا پڑتا ہے، باقی صوبوں میں سی ایم کام کرتا ہے نہ سسٹم کام کرتا ہے۔مریم نواز نے مزید کہا کہ 2022 میں سیلاب آتا تو اس وقت کے وزیراعظم نے فضائی دورہ کیا، وزیراعظم نے عینک ٹھیک کی اور کہا او ہو بہت نقصان ہوا ہے، تنقید کرنا آسان لیکن محنت کرنا مشکل ہے کام کرنا پڑتا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچیف جسٹس اسلام آباد ہائیکورٹ کی منظوری کے بعد ہراسمنٹ کمیٹی کا سربراہ تبدیل چیف جسٹس اسلام آباد ہائیکورٹ کی منظوری کے بعد ہراسمنٹ کمیٹی کا سربراہ تبدیل خیبرپختونخوا کی تاریخ میں پہلی بار خاتون ایس ایس پی تعینات خیبر پختونخوا، 1351انتہائی مطلوب دہشت گردوں کے سروں کی قیمت مقرر عرب اسلامی سربراہی اجلاس،قطر پر اسرائیلی حملے کا جواب واضح اور فیصلہ کن ہونا چاہیے، مسلم ممالک کی تجویز اسرائیل کے انسانیت کیخلاف جرائم کو روکنے کیلئے عرب ٹاسک فورس تشکیل دی جائے، وزیراعظم کا عرب اتحاد ہنگامی اجلاس سے خطاب کھیل میں سیاست کو گھسیٹنا اصل روح کے منافی ہے، محسن نقوی کا بھارتی رویے پر سخت ردعملCopyright © 2025, All Rights Reserved
رابطہ کریں ہماری ٹیم
9 مئی و توشہ خانہ کیسز؛ عمران خان اور بشریٰ بی بی کی عبوری ضمانتوں میں توسیع