سابق بنگلا دیشی کپتان تمیم اقبال دوران میچ سینے میں تکلیف کے باعث اسپتال داخل
اشاعت کی تاریخ: 24th, March 2025 GMT
بنگلا دیش کے سابق کپتان تمیم اقبال کو میچ کے دوران سینے میں درد کی شکایت پر فوری اسپتال داخل کر دیا گیا۔
تمیم اقبال کو ڈھاکا پریمیئر لیگ کے میچ میں فیلڈنگ کے دوران سینے میں تکلیف ہوئی۔
ابتدائی طور پر تمیم کی اسپتال منتقلی کے لیے ایک ہیلی کاپٹر کا انتظام کیا گیا تاہم ہیلی کاپٹر کی اڑان کے مسئلے کی وجہ سے انہیں قریبی اسپتال پہنچایا گیا۔
واقعہ ٹاس کے فوراً بعد 50 اوورز کے میچ کی پہلی اننگز میں پیش آیا تمیم اقبال محمڈن اور شائن پوکر کے درمیان میچ کی پہلی اننگز میں فیلڈنگ کر رہے تھے۔
تمیم اقبال نے بنگلا دیش کے لیے 70 ٹیسٹ، 243 ون ڈے اور 78 ٹی ٹوئنٹی انٹرنیشنل کھیل رکھے ہیں۔
.ذریعہ: Express News
کلیدی لفظ: تمیم اقبال
پڑھیں:
کوڈ آف کنڈکٹ کی خلاف ورزی: بنگلہ دیشی کرکٹر توحید ہریدوئے پر 4 میچز کی فوری پابندی عائد
ڈھاکا:بنگلہ دیشی کرکٹر توحید ہریدوئے پر کوڈ آف کنڈیکٹ کی مزید خلاف ورزی پر 4 میچز کی فوری پابندی عائد کردی گئی۔
بنگلہ دیش کی جانب سے 77 ون ڈے اور ٹی 20 میچز کھیلنے والے توحید اس وقت ڈھاکا کرکٹ لیگ میں محمڈن اسپورٹنگ کلب کی قیادت کررہے ہیں، پہلے ان پر ایک میچ کی پابندی عائد کی گئی تھی تاہم پلیئرز کی جانب سے اس پر احتجاج کے بعد اسے ایک برس کیلیے موخر کردیا گیا تھا مگر وہ باز نہیں آئے اور ہفتے کے روز غازی گروپ کے خلاف میچ میں دوبارہ کوڈ آف کنڈکٹ کی خلاف ورزی کر بیٹھے۔
توحید کو امپائر کے فیصلے سے اختلاف کا مرتکب قرار دیا گیا، ان پر آن فیلڈ امپائرز منیر الزماں اور علی ارمان راجن، تھرڈ امپائر محمد قمرالزماں اور فورتھ آفیشل اکرام نے چارج عائد کیا، توحید ہریدوئے اس میچ میں کیچ ہونے کے بعد کچھ دیر کریز پر کھڑے رہے تھے،
اتوار کو جاری ہونے والے بی سی بی کے اعلامیہ میں کہا گیا ہے کہ ہریدوئے نے اپنے خلاف چارج کو رد کرتے ہوئے فل ڈسپلنری سماعت کا مطالبہ کیا، جس پر انہیں امپائر ڈریسنگ روم میں معاملے کی سماعت کے شیڈول سے آگاہ کیا گیا مگر وہ وقت پر نہیں پہنچے۔
کوڈ آف کنڈکٹ کے تحت میچ ریفری نے کارروائی کرتے ہوئے توجید ہریدوئے کے ڈسپلنری ریکارڈ میں ایک پوائنٹ شامل کرنے کے ساتھ 10 ہزار ٹکا جرمانہ بھی کیا، اس ایک ڈی میرٹ پوائنٹ سے ہریدوئے کے ڈی میرٹ پوائنٹس کی مجموعی تعداد 8 ہوگئی، 7 ان کو سابقہ خلاف ورزیوں پر دیے گئے تھے، اس طرح ان پر 4 میچز کی پابندی عائد کردی گئی جس کا فوری طور پر اطلاق ہوگا۔
صدر اور وزیر اعظم کا پوپ فرانسس کے انتقال پر اظہار افسوس