ملک میں 62 فیصد تک معمول سےکم بارشیں ہوئیں، خشک سالی کا الرٹ
اشاعت کی تاریخ: 24th, March 2025 GMT
ملک میں 62 فیصد تک معمول سےکم بارشیں ہوئیں، محکمہ موسمیات نے خشک سالی الرٹ جاری کردیا۔
محکمہ موسمیات کے مطابق یکم ستمبر 2024 سے21 مارچ 2025 تک معمول سے 40 فیصد کم بارشیں ہوئیں، سندھ میں معمول سے 62 فیصد اور بلوچستان میں معمول سے 52 فیصد کم بارشیں ریکارڈ کی گئیں۔
پنجاب میں معمول سے 38 فیصد کم اور خیبر پختونخوا میں معمول سے 35 فیصد کم بارشیں ریکارڈ کی گئیں جبکہ آزاد کشمیر میں معمول سے 29 فیصد کم بارشیں ہوئیں۔
محکمہ موسمیات کے مطابق حالیہ بارشوں سے وسطی، بالائی علاقوں میں خشک سالی کی صورتحال بہتر ہوئی، سندھ، بلوچستان کے جنوبی حصوں میں خشک سالی اب بھی برقرار ہے، پنجاب کے مشرقی میدانی علاقوں میں بھی خشک سالی برقرار ہے، تربیلا اور منگلا ڈیموں میں پانی کی شدید قلت ہے۔
رواں سال مارچ میں جنوبی علاقوں میں اوسط درجہ حرارت معمول سے 2-3 ڈگری زیادہ ہے، کچھ جنوبی علاقوں میں مسلسل خشک دنوں کی تعداد 200 سے بھی تجاوز کرچکی ہے، خشک سالی سے متاثرہ علاقوں میں صورتحال مزید بگڑ سکتی ہے۔
.ذریعہ: Jang News
کلیدی لفظ: کم بارشیں ہوئیں فیصد کم بارشیں میں معمول سے علاقوں میں خشک سالی
پڑھیں:
15 جولائی کے بعد ۔۔۔۔محکمہ موسمیات نے کراچی والوں کو خبردار کردیا
کراچی(نیوز ڈیسک)پاکستانی محکمہ موسمیات نے کراچی کے شہریوں کے لیے خبردار کرتے ہوئے کہا ہے کہ 15 جولائی کے بعد شہر میں مون سون کی نوعیت میں تبدیلی واقع ہو سکتی ہے متوقع ہے کہ تیز اور موسلادھار بارشوں کا سلسلہ شروع ہو جائے گا۔
مون سون کا آغاز
ملک میں مون سون کی ابتدائی بارشیں 26 جون کے بعد سامنے آئیں، جنہوں نے 30–35 فیصد زائد بارش کی شرح کو جنم دیا — اس ماہ اوسطاً 24.30 ملی میٹر بارش ریکارڈ کی گئی۔
درجہ حرارت میں اضافہ
جون کے دوران ملک کا اوسط درجہ حرارت 32.45 °C رہا، جو اختتامی سومیا (normal) سے 0.47 °C زائد تھا۔ روزانہ کا زیادہ سے زیادہ درجہ حرارت تقریباً 49.09 °C رہا، جب کہ رات کا اوسط 25.7 °C رہا، جو معمول سے 1.09 °C زیادہ تھا۔
گرم ترین دن کی نشاندہی
13 جون کو جیکب آباد میں درجہ حرارت 50.5 °C تک پہنچ گیا، جو اس ماہ کا سب سے گرم دن تھا۔
کیا مستقبل میں موسمی تبدیلیاں متوقع ہیں؟
محکمہ موسمیات کا کہنا ہے کہ اگرچہ مون سون کا آغاز معمول سے تھوڑا سست رہا، مگر جون میں بارشیں اور گرمی دونوں زیادہ رہی ہیں۔
توقع ہے کہ جولائی میں پاکستان میں متعدد شدید برساتی اسپیل (بارشوں کے دورانیے) آئیں گے، اور کراچی میں پندرہ جولائی کے بعد خصوصاً تیز بارشوں کا سلسلہ شروع ہونے کا امکان ہے۔ شہریوں کو مشورہ دیا گیا ہے کہ وہ موسمی تبدیلیوں پر نظر رکھیں، پبلک سروسز اور ڈرینیج سسٹمز کی جانچ کریں، اور ضروری احتیاطی اقدامات اپنائیں۔
مزیدپڑھیں:بلوچستان یوتھ ایمپاورمنٹ اینڈ انگیجمنٹ انیشیٹو کی اسناد تقسیم کی تقریب
لاہور میں زلزلے کے جھٹکے، شہریوں میں خوف و ہراس پھیل گیا