چین برطانیہ کی جانب سے نام نہاد “ہانگ کانگ کے مسائل پر ششماہی رپورٹ” کی سختی سے مخالفت کرتا ہے، چینی وزارت خارجہ
اشاعت کی تاریخ: 28th, March 2025 GMT
چین برطانیہ کی جانب سے نام نہاد “ہانگ کانگ کے مسائل پر ششماہی رپورٹ” کی سختی سے مخالفت کرتا ہے، چینی وزارت خارجہ WhatsAppFacebookTwitter 0 28 March, 2025 سب نیوز
بیجنگ :چینی وزارت خارجہ کے ترجمان گو جیاکھون نے یومیہ پریس کانفرنس میں برطانوی حکومت کی جانب سے جاری کردہ نام نہاد”ہانگ کانگ کے مسائل کی ششماہی رپورٹ” کے حوالے سے ایک سوال کا جواب دیتے ہوئے کہا کہ چین اپنے اندرونی معاملات میں مداخلت اور ہانگ کانگ خصوصی انتظامی علاقے میں انسانی حقوق اور قانون کی حکمرانی کو داغدار کرنے والی اس رپورٹ کی سختی سے مخالفت کرتا ہے۔
حقیقت یہ ہے کہ ہانگ کانگ خصوصی انتظامی علاقہ افراتفری سے ترتیب اور پھر ترتیب سے خوشحالی کی طرف بڑھ چکا ہے۔ ہانگ کانگ خصوصی انتظامی علاقے میں سلامتی، جمہوریت اور لوگوں کی آزادی اور حقوق کا زیادہ مؤثر طریقے سے تحفظ کیا گیا ہے، اور اس کی ترقی کے امکانات انتہائی روشن ہیں۔ اس نے دنیا کو ایک محفوظ، آزاد، زیادہ کھلا اور زیادہ متوقع کاروباری ماحول فراہم کیا ہے۔ ہانگ کانگ میں رجسٹرڈ غیر مقامی کمپنیوں کی کل تعداد ریکارڈتاریخی بلندی پر پہنچ گئی ہے۔
کچھ لوگوں کو جلد از جلد نوآبادیاتی سوچ سے باہر نکلنا چاہیے، چین کی خودمختاری کا احترام کرنا چاہیے، ہانگ کانگ خصوصی انتظامی علاقے میں قانون کی حکمرانی کا احترام کرنا چاہیے، ہانگ کانگ خصوصی انتظامی علاقے میں عدالتی مقدمات کی سماعت پر غیر ذمہ دارانہ ریمارکس دینا بند کرنا چاہیے، اور ہانگ کانگ میں خلل ڈالنے والوں کو پناہ دینا اور ان کی سپورٹ بند کرنی چاہیئے۔
.ذریعہ: Daily Sub News
کلیدی لفظ: ہانگ کانگ
پڑھیں:
اسرائیل کی جانب سے فلسطینیوں پر سنگین ظلم اور ایران پر حملے کی مذمت کرتا ہوں، وزیراعلی سندھ
بجٹ اجلاس کے دوران اپنے خطاب میں مراد علی شاہ نے عالمی طاقتوں کے دوہرے معیار کو تنقید کا نشانہ بنایا اور کہا کہ امریکہ بھی اس جنگ میں کود پڑا ہے حالانکہ وہ غیر جانبداری کا دعوی کرتا ہے، پاکستان نے بروقت اسرائیلی حملے کی مذمت کی اور چیئرمین بلاول بھٹو زرداری نے بھی امریکی اقدام کو بین الاقوامی قوانین کی صریح خلاف ورزی قرار دیا۔ اسلام ٹائمز۔ وزیراعلیٰ سندھ سید مراد علی شاہ نے کہا ہے کہ اسرائیل کی جانب سے فلسطینیوں پر سنگین ظلم اور ایران پر حملے کی مذمت کرتا ہوں، عالمی طاقتوں کا دوہرا معیار ہے، امریکہ بھی اس جنگ میں کود پڑا ہے حالانکہ وہ غیر جانبداری کا دعوی کرتا ہے، بھارت یا تو سندھ طاس معاہدے کی پاسداری کرو یا جنگ کے لیے تیار ہو جاؤ، آئین اپوزیشن کو بجٹ پر احتجاج کا حق دیتا ہے، احتجاج کی واضح حدیں طے کی گئی ہیں، ایوان کا ماحول خراب نہیں ہونا چاہیئے، اگرچہ پیپلز پارٹی کو بجٹ منظور کرانے کے لیے مکمل اکثریت حاصل ہے، ہم چاہتے تو تمام قواعد کو روند سکتے تھے لیکن ہمارا طریقہ یہ نہیں، ہم سب کو ساتھ لے کر چلنا چاہتے ہیں، وفاقی حکومت نے کراچی میں گرین لائن منصوبے کے لیے ایک وفاقی ادارہ قائم کیا تھا اس انتظام پر تشویش ہے، بھارت یہ تاثر دے رہا ہے کہ پاکستان تباہ حال ہے، ارکان اسمبلی دشمن کے بیانیے کو آگے نہ بڑھائیں، ہم سب کو بیرونی پروپیگنڈے کا مقابلہ کرنا ہوگا، بلاول بھٹو زرداری ایک سچا قومی رہنما ہیں، جنہوں نے بین الاقوامی سطح پر پاکستان کی مؤثر نمائندگی کی۔ ان خیالات کا اظہار انہوں نے سندھ اسمبلی میں بجٹ 26-2025ء پر بحث سمیٹتے ہوئے ایک جامع خطاب کرتے ہوئے کیا۔
وزیراعلیٰ سندھ نے فلسطین میں اسرائیلی مظالم کی شدید مذمت کی۔ انہوں نے کہا کہ اسرائیل نامی دہشت گرد ریاست نے فلسطینیوں پر سنگین ظلم کیا ہے، حال ہی میں اسرائیل نے ایران پر حملہ کیا ہے، میں اس کی پوری اسمبلی کی جانب سے مذمت کرتا ہوں۔ وزیر اعلیٰ نے عالمی طاقتوں کے دوہرے معیار کو تنقید کا نشانہ بنایا اور کہا کہ امریکہ بھی اس جنگ میں کود پڑا ہے حالانکہ وہ غیر جانبداری کا دعوی کرتا ہے۔ مراد علی شاہ نے کہا کہ پاکستان نے بروقت اسرائیلی حملے کی مذمت کی اور چیئرمین بلاول بھٹو زرداری نے بھی امریکی اقدام کو بین الاقوامی قوانین کی صریح خلاف ورزی قرار دیا۔ وزیر اعلی نے بھارت کی آبی جارحیت پر بلاول کے دوٹوک مؤقف کا حوالہ دیتے ہوئے کہا کہ انہوں نے بھارت کو واضح طور پر کہا ہے کہ یا تو سندھ طاس معاہدے کی پاسداری کرو یا جنگ کے لیے تیار ہو جاؤ۔ وزیر اعلی سندھ نے شہید بینظیر بھٹو کو خراجِ عقیدت پیش کرتے ہوئے کہا کہ وہ اپنی قوم کا دفاع کرنا جانتی تھیں، وہ اتنی بہادر وزیر اعظم تھیں کہ چند ہی مہینوں میں ان کی حکومت ختم کر دی گئی۔
مشکل کی گھڑی میں ایران کو تنہا نہیں چھوڑیں گے، گورنر پنجاب