کولمبیا یونیورسٹی کی عبوری صدر نے متازعہ اقدامات پر ردعمل پر استعفیٰ دے دیا
اشاعت کی تاریخ: 29th, March 2025 GMT
واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔29 مارچ ۔2025 )کولمبیا یونیورسٹی کی عبوری صدر کترینہ آرمسٹرانگ نے ٹرمپ انتظامیہ کی حمایت کے الزامات اور متازعہ اقدامات پر ردعمل کے بعد استعفیٰ دے دیا ہے قطری نشریاتی ادارے”الجزیرہ“ کے مطابق کولمبیا یونیورسٹی کی صدر کترینہ آرمسٹرانگ نے اگست2024میں یہ عہدہ سنبھالا تھا انہوں نے کہا کہ وہ ٹرمپ انتظامیہ کے ساتھ بہت تیزی سے منسلک ہونے کے الزامات کے بعد استعفیٰ دے رہی ہیں.
(جاری ہے)
انہوں نے کہا کہ گزشتہ ہفتے کولمبیا یونیورسٹی نے اعلان کیا تھا کہ وہ وفاقی حکومت کی جانب سے طلب کردہ اصلاحات کی ایک فہرست تیار کرے گی جس میں کیمپس پولیس کو گرفتاری کے اختیارات دینا اور مڈل ایسٹ اسٹڈیز ڈیپارٹمنٹ کے لیے نئی نگرانی شامل ہے رپورٹ میں کہا گیا ہے کہ یہ اقدام ٹرمپ انتظامیہ کی جانب سے کولمبیا کے لیے منسوخ کی جانے والی 40 کروڑ ڈالر کی سالانہ وفاقی گرانٹ کی بحالی کا عمل شروع کرنے کے لیے کیا گیا تھا یہ اس کے آپریٹنگ بجٹ کا پانچواں حصہ ہے. ان کا کہنا تھا کہ یہ سزا مبینہ طور پر یہود دشمنی اور غزہ پر اسرائیل کی جنگ کے خلاف مظاہرہ کرنے والے مظاہرین کے خلاف یونیورسٹی کے ردعمل کے لیے دی گئی تھی کولمبیا یونیورسٹی کے بہت سے اساتذہ اس بات سے خوش نہیں تھے کہ انہوں نے صدر کی رضامندی کو قانونی جنگ کے بغیر قبول کر لیا اس بات پر بھی تشویش پائی جاتی ہے کہ اس عمل سے ٹرمپ انتظامیہ کے دیگر یونیورسٹیوں کے پیچھے پڑجانے کے حوصلے کو تقویت ملے گی جو اس کے پاس پہلے سے موجود ہے. ادھرہارورڈ یونیورسٹی نے مبینہ طور پر اسرائیل مخالف تعصب پر ٹرمپ انتظامیہ کے دباﺅ کے بعد سینٹر فار مڈل ایسٹرن اسٹڈیز کے فیکلٹی عہدیداروں کو برطرف کر دیا ہے ہارورڈ کریمسن کے مطابق سی ایم ای ایس کے ڈائریکٹر، ترکش اسٹڈیز کے پروفیسر سیمل کیفر اور ان کی ایسوسی ایٹ ڈائریکٹر، تاریخ کی پروفیسر روزی شیر، دونوں کو عہدے چھوڑنے پر مجبور کیا گیا. گلوبل ہیلتھ کے پروفیسر سلمان اے کیشو جی جو مرکز کے عبوری ڈائریکٹر ہیں جب کہ کفدر چھٹی پر تھے وہ اپنے عہدے پر برقرار رہیں گے سوشل سائنس کے عبوری ڈین ڈیوڈ کٹلر نے نیویارک ٹائمز کو موصول ہونے والی ایک ای میل میں اعلان کیا کہ ڈاکٹر کفادر تعلیمی سال کے اختتام پر اپنے عہدے سے مستعفی ہو جائیں گے دونوں پروفیسرز سے بات کرنے والے فیکلٹی ممبران کا کہنا ہے کہ ہر ایک کا ماننا ہے کہ انہیں ان کے عہدوں سے ہٹانے پر مجبور کیا گیا تھا. دوسری جانب ریاست میساچوسٹس کے وفاقی جج نے حکم دیا ہے کہ ٹفٹس یونیورسٹی میں ڈاکٹریٹ کی ترک طالبہ رومیسا اوزترک جس نے فلسطینیوں کی حمایت میں آواز اٹھائی تھی اور اسے رواں ہفتے وفاقی امیگریشن حکام نے حراست میں لیا تھا کو فی الحال ملک بدر نہ کیا جائے امریکی امیگریشن حکام کی جانب سے 30 سالہ اوزترک نامی خاتون کو ان کے میساچوسٹس میں واقع گھر کے قریب سے حراست میں لیا گیا تھا امریکی حکام نے ان کا ویزا منسوخ کر دیا ہے میساچوسٹس ڈسٹرکٹ کی امریکی ڈسٹرکٹ کورٹ میں گزشتہ روز جاری ہونے والے حکم نامے میں کہا گیا ہے کہ عدالت کی جانب سے پٹیشن کا فیصلہ کرنے کے لیے اپنے دائرہ اختیار کے حل کی اجازت دینے کے لیے اوزترک کو اس عدالت کے اگلے حکم تک امریکا سے نہیں ہٹایا جائے گا ہوم لینڈ سیکیورٹی ڈیپارٹمنٹ نے بغیر کسی ثبوت کے اوزترک پر حماس کی حمایت میں سرگرمیوں میں ملوث ہونے کا الزام عائد کیا ہے.
ذریعہ: UrduPoint
کلیدی لفظ: تلاش کیجئے کولمبیا یونیورسٹی ٹرمپ انتظامیہ کی جانب سے دیا ہے کے لیے
پڑھیں:
کولڈ پلے اسکینڈل، ٹیک کمپنی ایسٹرونومر کے سی ای او کے بعد ایچ آر ہیڈ نے بھی استعفیٰ دے دیا
امریکی ٹیکنالوجی کمپنی ایسٹرونومر کی چیف پیپل آفیسر کرسٹن کیبوٹ نے، جنہیں کمپنی کے سابق سی ای او اینڈی بائرن کے ساتھ کولڈ پلے کنسرٹ کی ’کس کیم‘ پر بغلگیر ہوتے دیکھا گیا تھا، مبینہ طور پر استعفیٰ دے دیا ہے۔
میڈیا رپورٹس کے مطابق ایسٹرونومر نے تصدیق کی کہ ہیومن ریسورسز کی سربراہ کرسٹن کیبوٹ اب کمپنی کا حصہ نہیں رہیں اور انہوں نے استعفیٰ دے دیا ہے۔
کرسٹن کیبوٹ کا استعفیٰ، اینڈی بائرن کے استعفیٰ کے بعد سامنے آیا ہے، جنہوں نے گزشتہ ہفتے اس وقت استعفیٰ دیا جب کمپنی نے اعلان کیا تھا کہ انہیں رخصت پر بھیجا جائے گا اور ان کے خلاف تحقیقات کی جائیں گی۔
یہ بھی پڑھیں:
اس دوران، کمپنی کے شریک بانی اور چیف پروڈکٹ آفیسر پیٹ ڈی جوی نے عبوری سی ای او کے طور پر عہدہ سنبھال لیا ہے، ابھی تک نہ تو ایسٹرونومر اور نہ ہی کرسٹن کیبوٹ نے باضابطہ طور پر علیحدگی کا اعلان کیا ہے۔
کرسٹن کیبوٹ اور اینڈی بائرن کو 16 جولائی کو میساچوسٹس کے شہر بوسٹن کے قریب کولڈ پلے ایک کنسرٹ میں ’کس کیم‘ پر ایک دوسرے کے ساتھ جھومتے اور گلے ملتے ہوئے دکھایا گیا۔ جیسے ہی کیمرہ ان پر فوکس ہوا، وہ دونوں اسکرین پر بغلگیر اور موسیقی پر جھومتے دکھائی دیے، لیکن فوراً جھک کر کیمرہ سے چھپنے کی کوشش کی۔
اس پر کولڈ پلے کے مرکزی گلوکار کرس مارٹن نے مزاحاً کہا کہ یا تو ان کے درمیان کوئی تعلق ہے، یا وہ بہت شرمیلے ہیں، یہ ویڈیو سوشل میڈیا پر وائرل ہوگئی اور انٹرنیٹ صارفین نے دونوں کو شناخت کرلیا۔
مزید پڑھیں:
کرسٹن کیبوٹ اور اینڈی بائرن کے مبینہ تعلق کی رپورٹ کے بعد کمپنی نے ایک اندرونی تحقیقات کا اعلان کیا، تاہم ویڈیو کا ذکر نہیں کیا گیا، کمپنی نے کہا کہ سی ای او کو تحقیقات مکمل ہونے تک رخصت پر بھیج دیا گیا ہے۔
چند روز بعد 20 جولائی کو کمپنی نے اعلان کیا کہ اینڈی بائرن نے استعفیٰ دے دیا ہے، کمپنی کے بیان کے مطابق اینڈی بائرن نے اپنا استعفیٰ پیش کیا ہے، جسے بورڈ آف ڈائریکٹرز نے قبول کر لیا ہے۔
’بورڈ ہمارے اگلے چیف ایگزیکٹو آفیسر کی تلاش شروع کرے گا، جبکہ شریک بانی اور چیف پراڈکٹ آفیسر پیٹ ڈی جوی عبوری سی ای او کے طور پر خدمات انجام دیتے رہیں گے۔‘
مزید پڑھیں:
ڈیٹا اینالیٹکس اور مصنوعی ذہانت سے وابستہ کمپنی ایسٹرونومر نے تسلیم کیا کہ اس واقعے کی وجہ سے ایک ہی رات میں ان کی کمپنی کی پہچان بدل گئی، لیکن اس کا ان کے کام یا صارفین پر کوئی اثر نہیں پڑا۔
’ہم وہی کام کر رہے ہیں جس میں ہم بہترین ہیں یعنی اپنے صارفین کو ان کے اے آئی سے متعلق مسائل کے حل میں مدد فراہم کرنا۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایسٹرونومر اینڈی بائرن اے آئی بوسٹن ٹیکنالوجی کمپنی ڈیٹا اینالیٹکس کرسٹن کیبوٹ کس کیم کولڈ پلے مصنوعی ذہانت میساچوسٹس
اسرائیل کی غزہ کی تعمیرِ نو کیلیے دیگر ممالک کو فنڈنگ کی اجازت