نجی ریسٹورنٹ پر حملے کرنے والے 27 ملزمان گرفتار
اشاعت کی تاریخ: 10th, April 2025 GMT
نجی ریسٹورنٹ (کے ایف س) پر حملہ کرنے، پولیس پر پتھراؤ کرنے اور آگ لگانے کی کوشش کرنے والے ملزمان میں سے 27 ملزمان کو پولیس نے گرفتار کرلیا ہے۔
سندھ پولیس کے مطابق بدھ کی رات نجی ریسٹورنٹ کے ایف سی پر مشتعل افراد کی جانب سے حملہ کیا گیا، مشتعل افراد کی جانب سے ریسٹورنٹ کے اندر اور باہر توڑ پھوڑ کی گئی اور شیشے توڑے گئے اور نجی ریسٹورنٹ کافی نقصان پہنچایا گیا۔
یہ بھی پڑھیں: گزشتہ ایک ماہ میں سنگین جرائم میں ملوث 44 گینگز کے 102 ملزمان گرفتار کیے گئے، آئی جی اسلام آباد
مشتعل افراد کو منتشر کرنے کے لیے پولیس نے کارروائی شروع کی تو مشتعل افراد کی جانب سے پولیس پر پتھراؤ اور فائرنگ کی گئی، مشتعل افراد نے پولیس موبائل کے شیشے توڑنے سمیت ایک سرکاری موٹر سائیکل کو آگ لگا دی گئی، جس کے تبادلے میں پولیس کی جانب سے ہوائی فائرنگ اور شیلنگ کی گئی۔
مشتعل افراد کے پتھراؤ کرنے سے ڈی ایس پی سیٹلائٹ ٹاؤن اسلم جاگیرانی، انچارج 15 یامین آرائیں، ایس ایچ او غریب آباد سمیت متعدد پولیس اہلکار زخمی ہوگئے۔
امن وامان کی صورتحال کو کنٹرول کرنے کے بعد پولیس کی جانب سے سرکار کی مدعیت میں پولیس سے مقابلے، کارسرکار میں مداخلت اور دہشتگردی کی دفعات کے تحت مقدمہ درج کرلیا۔
یہ بھی پڑھیں: پی ٹی آئی کارکنان کا پتھراؤ، پنجاب پولیس کے 50 سے زیادہ اہلکار زخمی
مقدمہ تعزیرات پاکستان اور انسداد دہشتگردی کی دفعات کے تحت 16 معلوم اور 170 نامعلوم افراد کے خلاف ٹاؤن پولیس اسٹیشن میں درج کیا گیا
مقدمے کے اندراج کے بعد ایس ایس پی میرپورخاص ڈاکٹر سمیرنور چنہ کی جانب سے ملزمان کی گرفتاری کے لیے متعدد ٹیمیں تشکیل دے دی گئیں، پولیس ٹیموں کی جانب سے چھاپہ مار کارروائیوں کا سلسلہ جاری ہے۔
گزشتہ رات سے اب تک پولیس ٹیموں کی جانب سے سی سی ٹی وی فوٹیج کی مدد سے شناخت ہونے والے 27 ملزمان کو گرفتار کرلیا گیا ہے، جبکہ مزید گرفتاریوں کے لیے بھی سی سی ٹی وی فوٹیج کی مدد سے شناخت کا عمل جاری ہے، جس سے مزید گرفتاریاں متوقع ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پتھراؤ پی ٹی آئی سندھ پولیس کے ایف سی گرفتاریاں نجی ریسٹورنٹ.ذریعہ: WE News
کلیدی لفظ: پتھراؤ پی ٹی ا ئی سندھ پولیس کے ایف سی گرفتاریاں نجی ریسٹورنٹ نجی ریسٹورنٹ مشتعل افراد کی جانب سے کے لیے
پڑھیں:
لاہور؛ دو ماہ کا بچہ اغواء کرنے والی خاتون گرفتار
لاہور:سندر پولیس نے بروقت کارروائی کرتے ہوئے 2 ماہ کا بچہ اغواء کرنے والی خاتون کو گرفتار کرکے بچہ بازیاب کروا لیا۔
پولیس کے مطابق شہری کاشف کو زنیرہ نامی خاتون نے بے نظیر انکم سپورٹ پروگرام کا کارڈ بنوا کر دینے کا جھانسہ دیا۔
شہری اپنی بیوی اور دو ماہ کے بیٹے آصف کے ہمراہ لوہاراں والا کھوہ پہنچا، جہاں ملزمہ اپنی پڑوسن کو بچہ دکھانے کے بہانے اسے لے کر فرار ہوگئی۔
پولیس نے مقدمہ درج کر کے انٹیلیجنس بیسڈ کارروائی کرتے ہوئے ملزمہ کو گرفتار کر لیا۔ ملزمہ سے اغواء شدہ معصوم بچہ بازیاب کرکے لواحقین کے سپرد کر دیا گیا۔
خیبر پختونخوا کے بیشتر اضلاع میں گرج چمک، آندھی کے ساتھ بارش کا امکان