کراچی: غیر ملکی پرواز کئی گھنٹوں کی تاخیر کے بعد منسوخ، مسافروں کی شدید ہنگامہ آرائی
اشاعت کی تاریخ: 11th, April 2025 GMT
— فائل فوٹو
غیر ملکی ایئر لائن کی کراچی سے دوحہ کی پرواز کئی گھنٹوں کی تاخیر کے بعد منسوخ کر دی گئی۔
غیر ملکی ایئر لائن کی پرواز کو صبح 3 بج کر 50 منٹ پر روانہ ہونا تھا۔
ایئر پورٹ ذرائع کے مطابق غیر ملکی ایئر لائن کا طیارہ ٹیکسی کے دوران فنی خرابی کا شکار ہو گیا۔
ایئر لائن ذرائع کے مطابق منسوخ ہونے والی آج کی پرواز کے مسافروں کو اگلی پرواز سے بھیجا جائے گا۔
پرواز نے شیڈول کے مطابق شام 7 بجکر 10 منٹ پر لاہور کے علامہ اقبال ایئرپورٹ پر لینڈ کرنا تھا۔
مسافروں کا کہنا ہے کہ ایئر لائن کے عملے نے ہوٹلوں میں گنجائش نہیں کہہ کر انہیں گھر جانے کا کہا ہے۔
پرواز منسوخ ہونے کی وجہ سے دوسرے شہر سے آنے والے مسافر سخت پریشان ہیں جبکہ پرواز منسوخ ہونے پر ایئرلائن مسافروں کو ہوٹل دینے کی پابند ہے۔
پرواز منسوخ کر دی گئی لیکن اگلی پرواز کب جائے گی، یہ نہیں بتایا جا رہا جبکہ مسافر رات 1 بجے سے ایئر پورٹ پر موجود تھے، انہیں ناشتہ تک نہیں دیا گیا، کئی مسافروں کی دوحہ سے آگے کنکٹنگ فلائٹ بھی تھی، جو نکل گئی۔
ذرائع کے مطابق دوحہ جانے والی پرواز کے 325 مسافروں کو 2 گھنٹے طیارے میں بٹھانے کے بعد لاؤنج میں بھیجا گیا۔
پرواز میں تاخیر پر مسافروں نے احتجاج اور ہنگامہ آرائی کی جبکہ دیگر فلائٹس کے مسافروں کو بھی روکا گیا۔
مسافروں کے شدید احتجاج کے بعد اے ایس ایف کے عملے کو طلب کیا گیا۔
بورڈنگ روکنے پر مختلف پروازوں کے مسافروں کی آپس میں ہاتھاپائی بھی ہوئی۔
.ذریعہ: Jang News
کلیدی لفظ: مسافروں کو ایئر لائن غیر ملکی کی پرواز کے مطابق کے بعد
پڑھیں:
سورج قہر ڈھانے لگا، ملک بھر میں گرمی کی شدید لہر، پارہ 50 ڈگری کے قریب پہنچ گیا
data-id="863a0a8" data-element_type="widget" data-widget_type="theme-post-content.default">
ملک بھر شدید گرمی کی لپیٹ میں ہے، درجہ حرارت 50 ڈگری کے قریب جا پہنچا ہے جبکہ گرمی کی شدت 57 ڈگری سینٹی گریڈ تک محسوس کی جا رہی ہے۔ سورج کی تپش نے معمولاتِ زندگی مفلوج کر کے رکھ دیے ہیں۔
محکمہ موسمیات کے مطابق بھکر میں پارہ 49.5 ڈگری تک جا پہنچا جبکہ جسمانی طور پر 53 ڈگری کی شدت محسوس کی جا رہی ہے۔ سرگودھا میں درجہ حرارت 46 جبکہ ڈیرہ اسماعیل خان میں 48 ڈگری ریکارڈ کیا گیا ہے۔
شہید بے نظیر آباد میں درجہ حرارت کی شدت 57 ڈگری تک جا پہنچی، بہاولپور میں اگرچہ تھرمامیٹر 45 ڈگری پر رکا رہا، مگر گرمی کی شدت 56 ڈگری جیسی محسوس کی گئی۔ لاڑکانہ میں 44 ڈگری کے درجہ حرارت کے ساتھ جسم پر پڑنے والی حدت 51 ڈگری جیسی محسوس ہوئی۔
دیگر شہروں کی صورتحال بھی کچھ مختلف نہیں۔ سبی میں 46، فیصل آباد میں 45، لاہور میں 46 اور ملتان میں 44 ڈگری سینٹی گریڈ ریکارڈ کیا گیا۔ دارالحکومت اسلام آباد اور پشاور میں بھی گرمی نے 43.5 ڈگری کی حد چھو لی۔ مظفرآباد میں پارہ 40.5 ڈگری تک پہنچا جبکہ نسبتاً بہتر موسم والے کراچی اور کوئٹہ میں درجہ حرارت 33.5 ڈگری ریکارڈ کیا گیا۔
محکمہ موسمیات نے 14 جون تک ہیٹ ویو کے برقرار رہنے کی پیش گوئی کرتے ہوئے الرٹ جاری کر دیا ہے، عوام کو غیر ضروری طور پر باہر نکلنے سے گریز اور احتیاطی تدابیر اختیار کرنے کی ہدایت کی گئی ہے۔
ہماری معاشی خود انحصاری کا دارومدار سستی بجلی اور زراعت پر ہے: وزیراعظم