سوات میں غیرت کے نام پر‘ 2 افراد کا قتل
اشاعت کی تاریخ: 22nd, April 2025 GMT
سوات کی تحصیل بریکوٹ میں دو افراد کو ’غیرت‘ کے نام پر گولی مار کر قتل کر دیا گیا۔
غالیگے تھانے کے اسٹیشن ہاؤس افسر (ایس ایچ او) علی باچا نے ڈان کو بتایا کہ یہ واقعہ سوات کی تحصیل بریکوٹ کے نجیگرام علاقے میں پیش آیا، جہاں دو افراد کو گولی مار کر قتل کر دیا گیا۔
ان کا کہنا تھا کہ اس بارے میں خیال کیا جاتا ہے کہ یہ قتل ’غیرت‘ کے نام پر کیے گئے ۔
ایس ایچ او باچا نے بتایا کہ واقعہ اس وقت پیش آیا جب منیار کا رہائشی ایک نوجوان نجی گرام میں ایک گھر میں داخل ہوا۔
ایس ایچ او علی باچا نے بتایا کہ گھر کے سربراہ نے اسے دیکھتے ہی فائرنگ کر دی، جس کے نتیجے میں اس کی موقع پر ہی موت ہوگئی جبکہ فائرنگ کے دوران گھر کے مالک کا بھائی بھی شدید زخمی ہوا، جو ہسپتال میں زخموں کی تاب نہ لاتے ہوئے چل بسا۔
پولیس نے مقدمہ درج کر کے واقعہ کی تحقیقات شروع کر دی ہے۔
علاقہ مکینوں کے مطابق مقتول کا گھر کی ایک خاتون سے مبینہ طور پر ناجائز تعلق تھا۔
واضح رہے کہ ہیومن رائٹس کمیشن آف پاکستان کے اعداد و شمار سے پتا چلتا ہے کہ 2024 میں ’غیرت کے نام پر قتل‘ ایک سنگین مسئلہ رہا، خاص طور پر سندھ اور پنجاب میں ایسے واقعات کی تعداد زیادہ رہی، جنوری سے نومبر 2024 تک ملک میں 531 افراد ’غیرت‘ کے نام پر قتل کیا گیا۔
ان میں سے 185 مرد تھے جبکہ ملک بھر میں کل 346 خواتین کی موت ہوئی۔
اعداد و شمار کے مطابق ملک بھر میں تشدد سے متعلق ہلاکتوں میں بلوچستان میں 16، اسلام آباد میں ایک، خیبرپختونخوا میں 32، پنجاب میں 53 اور سندھ میں 83 افراد کو قتل کیا گیا۔
ذریعہ: Daily Mumtaz
کلیدی لفظ: کے نام پر
پڑھیں:
انا للہ و انا الیہ راجعون ،14 افراد ڈوب کر جاں بحق
پابندی کے باوجود شہری دریائے راوی اور نہروں میں نہانے لگے
رواں سال دریائے راوی اور نہروں میں ڈوب کر 14 افراد جان سے گئے،ریسکو حکام کے مطابق 25 اپریل کو دریائے راوی میں ڈوب کر 3 بچے جاں بحق ہوئے، ڈوبنے والوں میں 6 سالہ نصیب اللہ، 7 سالہ امیر حمزہ اور 9 سالہ قدرت اللہ شامل تھے ، 23 مئی کو راوی میں نہانے والا 21 سالہ سفیان ڈوب کر جاں بحق ہوا،یکم جون کو بھسین گاؤں کے قریب بی آر بی سے ایک شخص کی لاش ملی،6 جون کو ٹھوکر نیاز بیگ کے قریب نہر میں نہاتے ہوئے 12 سالہ بچہ ڈوب گیا
7 جون کو دھرم پورہ پل کے قریب نہر سے نامعلوم شخص کی لاش ملی،8 جون کو ہربنس پورہ نہر سے نامعلوم شخص کی لاش نکالی گئی، 8 جون کو ایڈن کینال ولاز کے قریب نہر سے ایک نامعلوم بچے کی لاش ملی،10جون گلزار انڈر پاس کے قریب نہر سے نامعلوم خاتون کی لاش ملی، 10جون چوہنگ میں نہر سے 15 سالہ نامعلوم لڑکے کی لاش ملی،11 جون کو سندر کے علاقہ میں نہر سے 35 سالہ نامعلوم شخص کی لاش ملی، 12 جون کو شاہدرہ میں بارہ دری کے قریب نامعلوم شخص کی لاش ملی، 12 جون کو بحریہ ٹاؤن کے قریب نہر سے نامعلوم شخص کی لاش نکالی گئی،
ضلعی انتظامیہ کی جانب سے دریائے راوی اور نہروں میں نہانے پر پابندی عائد ہے ،ضلعی انتظامیہ نے اس حوالے سے دفعہ 144 نافذ کررکھی ہے مگر کوئی عمل درآمد نظر نہیں آتا
شاہ اللہ دتہ کے غاروں کے تحفظ اور ڈویلپمنٹ کے منصوبہ کے لئے 32.074ملین روپے مختص