بھارتی ریاستوں میں کشمیری طلبہ پر حملے افسوسناک ہیں، راہل گاندھی
اشاعت کی تاریخ: 25th, April 2025 GMT
کانگریس لیڈر نے پہلگام حملے کے بعد ملک کے دیگر حصوں میں کشمیری طلباء پر حملوں پر افسوس کا اظہار کرتے ہوئے کہا کہ کچھ لوگ میرے کشمیری بھائیوں اور بہنوں پر حملے کر رہے ہیں۔ اسلام ٹائمز۔ کانگریس کے سینیئر لیڈر اور پارلیمنٹ میں حزبِ اختلاف کے لیڈر راہل گاندھی نے جمعہ کو سرینگر میں وزیراعلٰی عمر عبداللہ اور لیفٹیننٹ گورنر منوج سنہا سے ملاقات کی اور حکومت کو ہر ممکن تعاون کا یقین دلایا۔ راہل گاندھی نے پہلگام حملے کے پیش نظر آج کشمیر کا دورہ کیا اور پہلگام حملے میں زخمی ہوئے افراد کی عیادت کی۔ راہل گاندھی آج دوپہر ایک بجے سرینگر ایئرپورٹ پہنچے اور فوری طور پر آرمی اسپتال، بی بی کینٹ پہنچے جہاں انہوں نے ایک زخمی سیاح کی عیادت کی۔ بعد ازاں وہ وزیراعلٰی عمر عبداللہ اور ایل جی منوج سنہا سے ملاقات کے لئے روانہ ہوئے۔ میڈیا سے مختصر بات چیت میں راہل گاندھی نے کہا "میں نے وزیراعلٰی اور ایل جی سے ملاقات کی، انہوں نے تفصیلات سے آگاہ کیا، میں نے انہیں یقین دلایا کہ میں اور میری جماعت ان کے ساتھ کھڑے ہیں"۔
کانگریس لیڈر نے پہلگام حملے کے بعد ملک کے دیگر حصوں میں کشمیری طلباء پر حملوں پر افسوس کا اظہار کرتے ہوئے کہا کہ افسوس ہے کہ کچھ لوگ میرے کشمیری بھائیوں اور بہنوں پر حملے کر رہے ہیں۔ انہوں نے کہا کہ ہمیں متحد ہو کر دہشت گردی کو شکست دینی ہے۔ انہوں نے کہا کہ ان حملوں کا مقصد سماج کو تقسیم کرنا اور لوگوں کو ایک دوسرے کے خلاف کھڑا کرنا ہے، جسے ہر ہندوستانی کو ناکام بنانا ہوگا۔ راہل گاندھی نے بتایا کہ انہوں نے ایک زخمی سے ملاقات کی، جبکہ دیگر زخمیوں اور ان کے اہل خانہ سے ملاقات ممکن نہ ہو سکی کیونکہ وہ اسپتال سے ڈسچارج ہو چکے تھے۔ کانگریس لیڈر نے اس بات کی بھی تصدیق کی کہ اپوزیشن جماعتوں نے جمعرات کو حکومت کے ساتھ میٹنگ میں شرکت کی اور جو بھی اقدام حکومت کرنا چاہتی ہے، ہم اس کی مکمل حمایت کرتے ہیں۔
یاد رہے کہ 22 اپریل کو پہلگام کے بائسرن علاقے میں پیش آئے حملے میں 26 افراد مارے گئے۔ ہلاک شدگان میں ایک کشمیری گھوڑے بان سید عدیل حسین شاہ بھی شامل تھا، جبکہ ہلاک ہوئے سبھی سیاح تھے، حملہ میں 17 دیگر زخمی ہوگئے۔ اس واقعے کی عالمی سطح پر مذمت ہوئی اور جموں و کشمیر میں بھی ایک روزہ ہڑتال کی گئی و تقریباً ہر چھوٹے بڑے قصبے میں احتجاجی جلوس برآمد کیے گئے۔ حملے کے حوالہ سے راہل گاندھی نے کہا کہ جموں و کشمیر کے لوگوں نے اس دہشت گردی کی کھلے عام مذمت کی اور قومی یکجہتی کا بھرپور مظاہرہ کیا۔
ذریعہ
ذریعہ: Islam Times
کلیدی لفظ: راہل گاندھی نے پہلگام حملے سے ملاقات انہوں نے حملے کے کہا کہ نے کہا
پڑھیں:
کشمیر کا فیصلہ صرف کشمیری عوام کریں گے،بلاول بھٹو
پاکستان پیپلز پارٹی کے چیئرمین بلاول بھٹو زرداری نے کہا ہے کہ کشمیر کے مستقبل کا فیصلہ صرف کشمیری عوام کا حق ہے اور اس بارے میں کوئی دوسرا فیصلہ نہیں کر سکتا۔سماجی رابطے کی ویب سائٹ ایکس پر جاری اپنے بیان میں بلاول بھٹو زرداری نے کہا کہ کشمیر کا فیصلہ صرف و صرف کشمیر کرے گا، نہ اسلام آباد، نہ پنجاب، نہ سندھ، نہ بلوچستان اور نہ ہی خیبرپختونخوا اس کا فیصلہ کر سکتے ہیں۔
انہوں نے کہا کہ کشمیر کے مستقبل کا فیصلہ صرف کشمیری عوام کی مرضی اور رائے کے مطابق ہونا چاہیے، کیونکہ یہی ان کا بنیادی اور جمہوری حق ہے۔
بلاول بھٹو زرداری نے آزاد جموں و کشمیر قانون ساز اسمبلی کے انتخابات کے حوالے سے عوام سے اپیل کرتے ہوئے کہا کہ27 جولائی کو برابری کے حق اور عوامی نمائندگی کے لیے تیر کے نشان پر مہر لگا کر پاکستان پیپلز پارٹی کے نامزد امیدواروں کو کامیاب بنایا جائے۔
پیپلز پارٹی کے چیئرمین کا کہنا تھا کہ عوام کی حمایت سے منتخب ہونے والے نمائندے کشمیری عوام کے حقوق اور مستقبل کے فیصلوں میں مؤثر کردار ادا کریں گے۔
واضح رہے کہ آزاد جموں و کشمیر قانون ساز اسمبلی کے انتخابات مرحلہ وار منعقد کیے جا رہے ہیں، جن کے پہلے مرحلے میں 27 جولائی کو میرپور ڈویژن میں پولنگ ہوگی، جبکہ دیگر مراحل اگست کے پہلے عشرے میں مکمل کیے جائیں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع