ملتان سلطانز کی پوزیشن، اسپن بولنگ کوچ کا بیان سامنے آگیا
اشاعت کی تاریخ: 26th, April 2025 GMT
پاکستان سپر لیگ کی ٹیم ملتان سلطانز کی اسپن بولنگ کوچ الیکس ہارٹلے نے اس امید کا اظہار کیا ہے کہ ٹیم اب بھی پلے آف کے لیے کوالیفائی کرسکتی ہے۔
پی ایس ایل 10 میں اس مرتبہ اب تک ملتان سلطانز کی ٹیم نے 5 میچز کھیل لیے ہیں جن میں سے صرف اس نے ایک میچ جیتا ہے۔
لاہور کے ایل سی سی اے گراؤنڈ میں ٹریننگ سیشن کے موقع پر میڈیا سے گفتگو کرتے ہوئے اسپن بولنگ کوچ الیکس ہارٹلے نے کہا کہ ملتان سلطانز کے ساتھ یہ میرا دوسرا سیزن ہے۔
الیکس ہارٹلے نے کہا کہ تھوڑا دباؤ میں ہیں اس سال فتوحات کم ہیں گزشتہ سیزن ہم زیادہ میچز جیتے تھے لیکن اس وقت اچھی بات یہ ہے کہ ہم اب بھی پلے آف کے لیے کوالیفائی کر سکتے ہیں، ہم سب پازیٹیو ہیں سب کے چہروں پر مسکراہٹ یے جو کہ بہت اچھی بات ہے۔
الیکس ہارٹلے کا کہنا ہے کہ مینز ٹیم کے ساتھ ویمن کوچ کی وجہ سے مجھے کوئی مسئلہ پیش نہیں آتا، ہر کوئی کھل کر گفتگو کرتا ہے، ٹیم میں مقامی کھلاڑی بھی ہیں اوورسیز بھی سب سے اچھے تعلقات ہیں اور مجھ سے بات چیت کرتے رہتے ہیں۔
انہوں نے کہا کہ میرے نزدیک سب سے اہم عزت دینا ہوتا ہے ہم سب ایک دوسرے کی عزت کرتے ہیں میں نے سترہ اٹھارہ برس کرکٹ کھیلی ہے اگرچہ یہ کوچنگ مختلف کام ہے مجھے بعض اوقات خود سے بڑوں اور زیادہ تجربہ کار لوگوں سے بات کرنا پڑتی ہے لیکن پھر ساری بات عزت دینا ہوتی ہے جو کہ ہم کرتے ہیں، مجھے کوچنگ سے پیار ہے، کوچنگ میں مہارت حاصل کر رہی ہوں اور اب بھی سیکھ رہی ہوں۔
الیکس ہارٹلے کا ماننا ہے کہ اسامہ میر کو پاکستان ٹیم میں ہونا چاہیے، گزشتہ سیزن میں اس نے بہت وکٹیں حاصل کی تھیں، قومی ٹیم کی طرف سے انہیں موقع ملا تو وہ زیادہ وکٹیں نہ لے سکے لیکن اسامہ میر نے عمدہ بولنگ کی انہیں تسلسل کے ساتھ بولنگ کرنے کی ضرورت ہے۔
الیکس ہارٹلے پاکستان ویمن کرکٹ ٹیم کی معترف ہیں کہتی ہیں کہ آئی سی سی ویمن کرکٹ ورلڈ کپ کوالیفائر میں پاکستان ویمن ٹیم نے شاندار کھیل کا مظاہرہ کیا، پاکستان ویمن ٹیم 5 میچز میں ناقابل شکست رہی، میری ملتان سلطانز کی ٹریننگ کے دوران کپتان فاطمہ ثناء اور کوچ محمد وسیم کے ساتھ بات ہوئی، پاکستان ویمن ٹیم بہت اچھی ہے اُمید ہے یہ ٹیم ورلڈ کپ میں اچھا کرے گی۔
Post Views: 1.ذریعہ: Daily Mumtaz
کلیدی لفظ: ملتان سلطانز کی پاکستان ویمن کے ساتھ
پڑھیں:
آئی سی سی ٹی20 رینکنگ: بنگلہ دیش نے بھارت سے نویں پوزیشن چھین لی
انٹرنیشنل کرکٹ کونسل (آئی سی سی) کی تازہ ترین ٹی20 رینکنگ میں بنگلہ دیش نے افغانستان کو پیچھے چھوڑتے ہوئے نویں پوزیشن حاصل کرلی۔
یہ بھی پڑھیں: آئی سی سی ٹی20 انٹرنیشنل رینکنگ جاری، ٹاپ 10 میں کتنے پاکستانی کرکٹر شامل؟
بین الاقوامی کرکٹ کونسل کی جانب سے جاری کردہ تازہ رینکنگ میں بنگلہ دیش کو افغانستان کے خلاف گزشتہ روز حاصل ہونے والی کامیابی کا صلہ مل گیا، جس کے نتیجے میں وہ ایک درجہ ترقی پا کر نویں نمبر پر آ گیا، جبکہ افغانستان ایک درجہ نیچے جا کر دسویں پوزیشن پر پہنچ گیا۔
بیٹنگ کے شعبے میں بھارت کے اوپنر ابھشیک شرما نے اپنی پہلی پوزیشن مزید مستحکم کرلی۔ جبکہ قومی کرکٹ ٹیم کے سابق کپتان بابر اعظم کو 2 درجے تنزلی کا سامنا رہا اور وہ چھبیسویں نمبر پر آ گئے ہیں، جبکہ محمد رضوان پانچ درجے نیچے جا کر 33ویں پوزیشن پر پہنچے ہیں۔
اسی طرح صائم ایوب 5 درجے تنزلی کے بعد 46ویں نمبر پر آ گئے، اور حسن نواز 12 درجے نیچے گر کر 47ویں پوزیشن پر پہنچے ہیں۔
دوسری جانب صاحبزادہ فرحان نے نمایاں بہتری دکھاتے ہوئے 18 درجے ترقی حاصل کی اور اب وہ 55ویں نمبر پر موجود ہیں۔
بولرز کی تازہ فہرست میں بھارت کے ورون چکرورتی نے نیوزی لینڈ کے جیکب ڈفی سے پہلا مقام چھین لیا ہے۔ جیکب ڈفی اب دوسرے نمبر پر چلے گئے ہیں، جبکہ ویسٹ انڈیز کے اسپنر عقیل حسین بدستور تیسرے نمبر پر موجود ہیں۔
یہ بھی پڑھیں: ایشیا کپ کے ٹی20 مرحلے میں بننے والے اہم ریکارڈ، پاکستانی کھلاڑی کہیں موجود نہیں
پاکستانی بولرز کی بات کی جائے تو سفیان مقیم نے 4 درجے بہتری کے بعد گیارہویں پوزیشن حاصل کرلی ہے، جب کہ ابرار احمد نے 11 درجے ترقی کرکے سولہویں مقام پر جگہ بنا لی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی انٹرنیشنل کرکٹ کونسل پوزیشن چھین لی ٹی20 رینکنگ قومی کھلاڑی وی نیوز
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام