کراچی، آئی ایس او کا تین تلوار پر اسرائیل نواز تنظیم شراکا کے خلاف احتجاج
اشاعت کی تاریخ: 26th, April 2025 GMT
اپنے خطاب میں ترجمان آئی ایس او کراچی کا کہنا تھا کہ مظاہرے کا مقصد عوام میں بیداری پیدا کرنا، ظالم قوتوں کے خلاف آواز بلند کرنا، اور مظلوم فلسطینی عوام کے ساتھ اظہار یکجہتی کرنا تھا، دنیا بھر کے باشعور نوجوانوں کو چاہیئے کہ وہ فلسطینی عوام کے حق میں اور اسرائیلی ظلم کے خلاف اپنی آواز مزید بلند کریں۔ اسلام ٹائمز۔ امامیہ اسٹوڈنٹس آرگنائزیشن پاکستان کراچی ریجن کی جانب سے کراچی کے معروف مقام "تین تلوار" پر پرامن احتجاجی مظاہرہ منعقد ہوا۔ مظاہرے میں نوجوان شہریوں نے شرکت کی، جنہوں نے ہاتھوں میں پلے کارڈز اٹھا رکھے تھے جن پر اسرائیل اور اسرائیل نواز تنظیم شراکا کے خلاف نعرے درج تھے۔ شرکاء نے فلسطینی عوام سے اظہار یکجہتی کیا اور اسرائیلی جارحیت کی شدید مذمت کی۔ عوامی آگاہی کے لیے ہینڈ بلز بھی تقسیم کیے گئے جن میں اسرائیل نواز تنظیم شراکا کے حوالے سے اور انکی پاکستان میں بڑھتی سرگرمیوں کے حوالے سے آگاہی فراہم کی گئی۔
اس موقع پر ترجمان آئی ایس او کراچی کا کہنا تھا کہ مظاہرے کا مقصد عوام میں بیداری پیدا کرنا، ظالم قوتوں کے خلاف آواز بلند کرنا، اور مظلوم فلسطینی عوام کے ساتھ اظہار یکجہتی کرنا تھا۔ انہوں نے مزید کہا کہ دنیا بھر کے باشعور نوجوانوں کو چاہیئے کہ وہ فلسطینی عوام کے حق میں اور اسرائیلی ظلم کے خلاف اپنی آواز مزید بلند کریں۔ مظاہرہ پرامن طور پر مکمل ہوا اور شرکاء نے آئندہ بھی فلسطین کے حق میں اپنی جدوجہد جاری رکھنے کے عزم کا اظہار کیا۔
ذریعہ: Islam Times
کلیدی لفظ: فلسطینی عوام کے اور اسرائیل کے خلاف
پڑھیں:
چوہان برادری سے تعلق رکھنے والوں کا پولیس زیادتی کے خلاف احتجاج
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت)پرانہ سکھر کے علاقے وسپور محلہ کی رہائشی چوہان برادری سے تعلق رکھنے والے مرد و خواتین نے اپنے قریبی رشتہ داروں اور سی سیکشن تھانے کی پولیس کے مبینہ ظلم و زیادتیوں کے خلاف سکھر پریس کلب کے سامنے احتجاجی مظاہرہ کیا۔ مظاہرے میں وقار علی چوہان، جاوید علی، نادر علی چوہان، مسمات پروین زاہد، مسمات شہناز اور مائی صبائی سمیت دیگر افراد شریک تھے۔مظاھرین میں شامل جاوید علی چوہان اور مسمات پروین زاہد نے میڈیا کو بتایا کہ ایک روز قبل محلے میں بچوں کے درمیان معمولی جھگڑے کے بعد معاملہ پر نامعلوم افراد نے مسلح ہو کر ہمارے گھر پر دھاوا بولا اور خواتین و بچوں کو پستول کے بٹ مار کر شدید زخمی کر دیا۔انہوں نے مزید بتایا کہ جب واقعے کی رپورٹ درج کروانے سی سیکشن تھانے پہنچے تو متعلقہ پولیس اہلکاروں نے رشوت طلب کی اور ہماری بات سننے کے بجائے ہمارے چھوٹے بھانجے سجاد چوہان اور زاہد علی چوہان کو بلاجواز گرفتار کر کے حوالات میں بند کر دیا۔ اس کے علاوہ ہمیں تھانے سے دھکے دے کر نکال دیا گیا۔اعلیٰ حکام سے فوری نوٹس لینے کا مطالبہ کیا ۔
کراچی: جانوروں کا بیوپاری ڈکیتی مزاحمت پر زخمی