سعودی عرب میں فرینڈز آف ریاض کے زیر اہتمام ’کنیکٹڈ پاکستان‘ کے عنوان سے سیمینار کا انعقاد
اشاعت کی تاریخ: 27th, April 2025 GMT
سعودی عرب کے دارالحکومت ریاض میں فرینڈز آف ریاض کے زیر اہتمام ’کنیکٹڈ پاکستان‘ کے عنوان سے ایک اہم سیمینار منعقد ہوا، جس میں سعودی عرب میں مقیم پاکستانی کمیونٹی کے اراکین، پاکستانی سفارتخانے کے افسران، کاروباری شخصیات اور میڈیا نمائندوں نے بڑی تعداد میں شرکت کی۔
تقریب کے مہمان خصوصی سعودی عرب میں تعینات منسٹر آف ٹریڈ ڈاکٹر شگفتہ زرین، مولانا عبدالمالک مجاہد، سید ثاقب زبیر نے شرکت کی۔
یہ بھی پڑھیں: ’فرینڈز آف ریاض‘ کے زیر اہتمام تقریب
شرکا کا کہنا تھا کہ یہ تقریب پاکستانی کمیونٹی کے لیے ایک اہم قدم ثابت ہوئی، جس سے نہ صرف مقامی قوانین اور مواقع سے آگاہی ملی بلکہ سعودی عرب اور پاکستان کے درمیان تجارتی و سماجی روابط کو مضبوط بنانے میں بھی مدد ملے گی.
فرینڈز آف ریاض کے اراکین رانا عظیم یونس، وقاص احمد، حسیب گوندل، حمزہ عباس، عمران اعوان اور کامران اشرف نے بھی خطاب کرتے ہوئے کمیونٹی کے مسائل اور ان کے حل پر روشنی ڈالی۔
انہوں نے زور دیا کہ ایسے پلیٹ فارمز نہ صرف پاکستانیوں کو متحد کرتے ہیں بلکہ پاکستان کی مثبت تصویر بھی پیش کرتے ہیں۔
یہ بھی پڑھیں: وژن 2030: سعودی عرب نے 2024 کی سالانہ رپورٹ جاری کردی، ریکارڈ کامیابیاں
اس سیمینار کا بنیادی مقصد سعودی عرب میں مقیم پاکستانیوں کو مقامی قوانین، کاروباری مواقع اور دونوں ممالک کے درمیان تعاون کے نئے راستوں سے آگاہ کرنا تھا۔ خصوصاً آئی ٹی، کنسٹرکشن، تجارت اور روزگار کے شعبوں میں پاکستانیوں کے لیے موجود مواقع پر تبادلہ خیال کیا گیا۔
شرکا نے اس سیمینار کو معلوماتی اور کامیاب قرار دیتے ہوئے مستقبل میں اسی طرح کے مزید پروگرامز کے انعقاد کی خواہش ظاہر کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news سعودی عرب سیمینار کنیکٹڈ پاکستانذریعہ: WE News
کلیدی لفظ: فرینڈز آف ریاض
پڑھیں:
سکردو، تحریک بیداری کے زیر اہتمام امام خمینی کی برسی کی تقریب
علمائے کرام نے زور دیا کہ پاکستانی معاشرے میں بھی فکر امام خمینیؒ کو رائج کرنے کی اشد ضرورت ہے تاکہ نوجوان نسل بیدار ہو اور دشمنانِ اسلام کا شعوری طور پر مقابلہ کر سکے۔ متعلقہ فائیلیںاسلام ٹائمز۔ تحریک بیداری امت مصطفیٰ کے زیر اہتمام امام خمینی کی 36 برسی کے حوالے سے گمبہ سکردو میں عظیم الشان پروگرام کا انعقاد کیا گیا۔ اس اجتماع میں بلتستان بھر سے علماء، سکالرز اور عوام شریک ہوئے۔ مقررین نے امام خمینی کے افکار اور اسلامی انقلاب پر روشنی ڈالی۔ تقریب سے انجمن امامیہ بلتستان کے صدر سید باقر الحسینی، نائب صدر انجمن امامیہ شیخ زاہد حسین زاہدی، مرکزی مسئول تحریک بیداری آغا نقی، چیف آرگنائزر المصطفیٰ سکاوٹس یوسف معروف، معروف عالم دین شیخ سجاد مفتی، شیخ منظور حسین و دیگر نے خطاب کیا۔ مقررین نے کہا کہ فکرِ خمینی میں ہی امتِ مسلمہ کی نجات ہے، کیونکہ یہ فکر ظلم کے خلاف قیام، شعور، استقلال اور اخلاص کا پیغام دیتی ہے۔ علمائے کرام نے زور دیا کہ پاکستانی معاشرے میں بھی فکر امام خمینیؒ کو رائج کرنے کی اشد ضرورت ہے تاکہ نوجوان نسل بیدار ہو اور دشمنانِ اسلام کا شعوری طور پر مقابلہ کر سکے۔
سیالکوٹ: دبئی جانے والے مسافر سے ایک کلو آئس ہیروئن برآمد