راولپنڈی؛ مریم نواز نے پنجاب کے پہلے خاتون کے نام سے منسوب اسپورٹس کمپلیکس کی منظوری دیدی
اشاعت کی تاریخ: 30th, April 2025 GMT
اسلام آباد:
وزیر اعلیٰ پنجاب مریم نواز شریف نے سابق سنیٹر و پاکستان مسلم لیگ نواز کی سنیر ترین رہنما نجمہ حمید (مرحومہ )کے نام سے منسوب پنجاب کی تاریخ کا پہلا نجمہ حمید اسپورٹس کمپلیکس راولپنڈی تعمیر کرنے کی منظوری دے دی۔
باخبر ذرائع سے معلوم ہوا ہے کہ پاکستان مسلم لیگ نواز کی اہم ترین رہنما نجمہ حمید کی پارٹی کے لئے گراں قدر خدمات سر انجام دینے اور راولپنڈی میں مسلم لیگ نواز کو مضبوط بنانے میں اہم ترین کردار ادا کرنے والی خاتون رہنما کے نام سے اسپورٹس اسٹیڈیم ریلوے گراؤنڈ کی ستر کنال زمین پر تعمیر کیا جائے گا یہ کسی خاتون کے نام سے منسوب پہلا اسٹیٹ آف دی آرٹس نجمہ حمید اسپورٹس کمپلیکس کا پی سی ون تیار کرلیا گیا ہے۔
آئندہ مالی سال کے بجٹ میں اس نئی اسکیم کو شامل کرکے اگست کے مہینے میں اس پروجیکٹ پر کام کا آغاز کیا جائے گا، اسپورٹس کمپلیکس میں کرکٹ گراؤنڈ ہاکی گراؤنڈ فٹبال گراؤنڈ انڈور جمنازیم سوئمنگ پول سنوکر رومز کے لئے علاوہ دیگر انڈورز گیمز کے لئے ارینا تعمیر کئے جائیں گے۔
اس پروجیکٹ کی تعمیر سے ڈھوک مٹکیال چوہتر چکی ویسٹریج رتہ امرال ڈھوک رتہ سیام ہزارہ کالونی کے نوجوان کو صحت مند سرگرمیوں کی جانب راغب کرنے کے موقع ملیں گے۔
رکن صوبائی اسمبلی ملک افتخار کا کہنا ہے کہ قائد نواز شریف وزیر اعظم شہباز شریف اور پنجاب کی شان مریم نواز نے ہمیشہ راولپنڈی کو اہمیت دی ہے اربوں روپے کے پروجکیٹس اس کی روشن مثال ہیں۔
ایکسپریس سے گفتگو کرتے ہوئے انہوں نے کہا کہ راولپنڈی پاکستان مسلم لیگ کا قلعہہے ہمارا مشن عوام کی خدمت ہے نجمہ حمید کی خدمات کے صلے میں یہ پروجکیٹ ایک تحفہ ہے ہم راولپنڈی کینٹ کو پاکستان کا جدید سہولیات سے آراستہ بنا دیں گے۔
پاکستان مسلم لیگ کے رہنما ملک ناصر اعوان کا کہنا تھا کہ یہ میگا پروجکیٹ نوجوانوں کو صحت مند سرگرمیوں کی جانب راغب کرنے میں معاون ثابت ہوگا وارڈ نمبر تین کے ممبر کینٹ بورڈ ملک طاہر ایوب کا کہنا تھا کہ ہمارے علاقے میں گراونڈز کی تعداد نہ ہونے کے برابر ہے شکیل شیخ کا کہنا تھا کہ نواز شریف پاکستان کے محسن ہیں سابق رکن صوبائی اسمبلی تحسین فواد کا کہنا تھا کہ نجمیہ حمید ہمارا فخر تھیں۔
.
ذریعہ
ذریعہ: Express News
کلیدی لفظ: پاکستان مسلم لیگ اسپورٹس کمپلیکس کا کہنا تھا کہ کے نام سے
پڑھیں:
نواز شریف پہلے یہ بتائیں ووٹ کو عزت کب دینی ہے؟ شرجیل میمن کا ردعمل
سندھ کے سینئر وزیر شرجیل انعام میمن نے میر پور جلسے میں مسلم لیگ (ن) کے قائد نواز شریف کے خطاب پر ردعمل دیتے ہوئے کہا کہ ن لیگ خیراتی مینڈیٹ والی جماعت ہے، اس کے منہ سے الیکشن اور ووٹوں کی باتیں اچھی نہیں لگتیں، میاں نواز شریف صاحب یہ بتائیں کہ ووٹ کو عزت کب دینی ہے؟
شرجیل انعام میمن نے کہا کہ نواز شریف صاحب، سیاست ہوتی رہے گی، سندھ اور کشمیر کی سرزمین و عوام کو طنز و مزاح کا موضوع مت بنائیں، سیاسی اختلاف اپنی جگہ، مگر کسی بھی صوبے، شہر یا علاقے کی تضحیک کسی صورت قابلِ قبول نہیں، سابق وزیر اعظم کا یہ رویہ نہ صرف غیر سنجیدہ بلکہ مضحکہ خیز بھی ہے۔
سینئر صوبائی وزیر نے کہا کہ آپ کے بیان نے لاکھوں پاکستانیوں، کشمیر اور سندھ کے عوام جذبات کو مجروح کیا ہے،کسی بھی شہر یا ضلع کا نام سیاسی تقریر میں مذاق یا تقابل کے انداز میں استعمال کرنا شعوری پسماندگی ہے، کشمیر پاکستان کی قومی جدوجہد کی علامت ہے ، سندھ کا ہر شہر بھی اتنا ہی محترم اور عزیز ہے۔
مزید پڑھیںآزاد کشمیر میں مخالفین کی کانپیں ٹانگ رہی ہیں، اب کشمیر کے وارث آگئے ہیں، مریم نواز
بلاول برخودار! کشمیر کو کشمور، میرپور کو میرپور خاص نہ سمجھنا، نواز شریف
شرجیل انعام میمن نے کہا کہ اگرچہ نواز شریف نے اپنی تقریر میں یہ بھی کہا کہ "تلخی نہیں ہونی چاہیے"، لیکن ان کے اپنے الفاظ ہی سیاسی تلخی اور غیر ضروری تقسیم کا باعث بن رہے ہیں، قومی رہنماؤں کو ایسے بیانات سے گریز کرنا چاہیے جو مختلف علاقوں کے عوام میں احساسِ محرومی یا تفریق کو جنم دیں۔
انہوں نے کہا کہ پاکستان سیاسی پوائنٹ اسکورنگ نہیں بلکہ قومی یکجہتی، باہمی احترام اور سنجیدہ سیاسی رویوں کا متقاضی ہے۔ سندھ اور کشمیر کے عوام اپنی سرزمین و شناخت پر فخر کرتے ہیں اور کسی کو یہ حق نہیں کہ وہ انہیں سیاسی طنز کا نشانہ بنائے، جو سیاست تقسیم اور تمسخر پر مبنی ہو، وہ قومی مفاد کے بجائے سیاسی نقصان کا سبب بنتی ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم