بھارت میں مسلمانوں کے خلاف قتل، تشدد، نفرت انگیز رویے میں شدت آگئی
اشاعت کی تاریخ: 30th, April 2025 GMT
پہلگام فالس فلیگ آپریشن کے بعد بھارت میں مسلمانوں کے خلاف نفرت انگیز مہمات میں شدت آگئی۔
یہ بھی پڑھیں: بھارت میں مذہبی اقلیتوں بالخصوص مسلمانوں کے خلاف نفرت انگیز تقاریر میں حیران کن اضافہ
ذرائع کے مطابق بھارت کی مختلف ریاستوں میں مسلمانوں کے خلاف تشدد میں آئے روز اضافہ ہوتا جا رہا ہے اور مسلمانوں کو حملوں اور دھمکیوں کا بھی سامنا ہے۔
اتر پردیش، ہریانہ، مہاراشٹرا اور اترکھنڈ میں مسلمان ہندو انتہا پسندوں کے نشانے پر ہیں اور بی جے پی کے اراکین مسلمانوں کے خلاف نفرت انگیز تقاریر کرتے نظر آرہے ہیں۔
ذرائع نے کہا کہ نفرت انگیز مواد پھیلانے کا مقصد مسلمانوں کے خلاف تشدد کو جواز فراہم کرنا ہے۔
مسلمان قتل، انتہاپسندوں کی جانب سے بدلہ قرارآگرہ میں ایک مسلمان شخص کا قتل کردیا گیا جس کو حملہ آور نے اسے پہلگام حملے کا بدلہ قرار دیا۔
ایسوسی ایشن فار پروٹیکشن آف سول رائٹس کے مطابق 22 اپریل کے بعد بھارت میں 21 مسلمانوں کے خلاف تشدد، دھمکیوں اور نفرت انگیز تقاریر کے واقعات رپورٹ ہوئے ہیں۔
مسلمانوں کے خلاف معاشی بائیکاٹ بھی جاریپہلگام فالس فلیگ آپریشن کے بعد بھارت میں مسلمانوں کے خلاف نفرت، تشدد، معاشی و معاشرتی بائیکاٹ کی منظم مہم بھی جاری ہے۔
ہندو انتہا پسندوں نے ہریانہ اور اتر پردیش میں مسلم تاجروں اور کارکنان کو نشانے پر رکھ لیا ہے۔
مزید پڑھیے: اردو کو صرف مسلمانوں کی زبان ماننا افسوسناک سوچ ہے، بھارتی سپریم کورٹ
مہاراشٹر کے وزیر نیتیش رانے نے مسلمانوں کا معاشی بائیکاٹ کرنے کی کال دیتے ہوئے کہا ہے کہ صرف ہندووں سے خریداری کی جائے۔
مزید پڑھیں: پاک بھارت کشیدگی: مقبوضہ کشمیر کے مسلمان پاکستان کی محبت سے سرشار
دریں اثنا اتر پردیش میں ایک مسلم ریستوران کے ملازم کا قتل کردیا گای۔ حملہ آوروں کا اس موقعے پر کہنا تھا کہ 26 افراد کی موت (پہلگام واقعہ) کا بدلہ 2600 سےلیا جائے گا۔
مسلم طلبا کی بھی زندگی اجیرنکشمیری اور بھارتی مسلمان طلبا بھارت میں دہشت گرد قرار دیے جا رہے ہیں۔ بھارت کے مختلف شہروں میں مقیم کشمیر کے مسلم طلبا کو ہاسٹلوں میں حملوں اور دھمکیوں کا سامنا ہے۔
مسلم خواتین کے ساتھ بھی بدسلوکی کے واقعات میں بتدریج اضافہ ہو رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت بھارت میں مسلمانوں کے خلاف کارروائیاں پہلگام حملہ فالس فلیگ آپریشن.ذریعہ: WE News
کلیدی لفظ: بھارت بھارت میں مسلمانوں کے خلاف کارروائیاں پہلگام حملہ فالس فلیگ ا پریشن بھارت میں مسلمانوں کے خلاف مسلمانوں کے خلاف نفرت نفرت انگیز
پڑھیں:
قومی اسمبلی: ایران پر اسرائیلی حملے کے خلاف متفقہ قرارداد منظور، مسلم امہ سے بیداری کا مطالبہ
قومی اسمبلی نے ایران پر اسرائیل کے حملے کے خلاف شدید مذمت کرتے ہوئے متفقہ قرارداد منظور کرلی۔ قرارداد میں اسے ایرانی خودمختاری پر حملہ اور بین الاقوامی قوانین کی صریح خلاف ورزی قرار دیا گیا۔
اسپیکر سردار ایاز صادق کی صدارت میں ہونے والے اجلاس میں وزیرِ پارلیمانی امور ڈاکٹر طارق فضل چوہدری نے معمول کی کارروائی مؤخر کرنے کی تحریک پیش کی تاکہ ایوان ایران پر اسرائیلی حملے پر اپنا مؤقف واضح کر سکے۔ تحریک منظور کرلی گئی۔
پیپلز پارٹی کے سینئر رکن سید نوید قمر نے تحریک انصاف کے رکن ملک عامر ڈوگر اور قائد حزبِ اختلاف عمر ایوب خان سے مشاورت کے بعد قرارداد کا مسودہ ایوان میں پیش کیا، جسے متفقہ طور پر منظور کر لیا گیا۔
قرارداد میں کہا گیا کہ پاکستان کی پارلیمنٹ ایران پر اسرائیل کے بلااشتعال حملے کی شدید مذمت کرتی ہے۔ یہ حملہ ایرانی خودمختاری، سلامتی اور بین الاقوامی قوانین کی خلاف ورزی ہے۔ حکومت، عوام اور پارلیمان ایران کے ساتھ مکمل اظہارِ یکجہتی کرتے ہیں۔ قرارداد میں ایرانی افواج اور شہریوں کو نشانہ بنانے، اور ایرانی سائنس دانوں اور فوجی کمانڈروں کی شہادتوں کی بھی شدید مذمت کی گئی۔
مزید پڑھیں: اسرائیلی حملے میں جاں بحق ایرانی سائنسدانوں میں کون کون شامل ہے؟
مسلم دنیا ہوش کے ناخن لے، بیرسٹر گوہرچیئرمین تحریک انصاف بیرسٹر گوہر علی خان نے اظہارِ خیال کرتے ہوئے کہا کہ مسلم دنیا کو بیدار ہونا ہوگا، اور فوری طور پر او آئی سی اور عرب لیگ کی ہنگامی کانفرنس بلانی چاہیے۔
اسرائیل غزہ کو صفحۂ ہستی سے مٹا چکا ہے، شام پر حملہ کر چکا ہے، اور اب ایران پر حملہ کرکے پوری مسلم دنیا کو کھلی دھمکی دے رہا ہے۔ یہ عمل عالمی جنگ کی دعوت ہے۔
دنیا کی خاموشی اسرائیل کو شہ دے رہی ہے، رانا تنویروفاقی وزیر رانا تنویر حسین نے کہا کہ اگر عالمی برادری نے اسرائیل کو غزہ میں بربریت سے نہ روکا ہوتا، تو آج ایران پر حملے کی نوبت نہ آتی۔ دنیا کی خاموشی اسرائیل کی ریاستی دہشت گردی کو تقویت دے رہی ہے۔ پاکستان نے ایران پر حملے کی مذمت کی ہے اور وزیراعظم بھی اپنا مؤقف دے چکے ہیں۔
مزید پڑھیں: اسرائیلی حملے میں جاں بحق ایرانی سائنسدانوں میں کون کون شامل ہے؟
اسرائیل کا حملہ پاکستان کے لیے بھی خطرے کی گھنٹی، راجا پرویز اشرفپیپلز پارٹی کے سینئر رہنما اور سابق وزیراعظم راجا پرویز اشرف نے کہا کہ ایران پر حملے سے اسرائیل کے عزائم کھل کر سامنے آ گئے ہیں۔ یہ حملہ صرف ایران نہیں، بلکہ پورے خطے، خصوصاً پاکستان کے لیے بھی خطرے کی گھنٹی ہے۔
ان کا کہنا تھا کہ اب مسلم دنیا کی نظریں ایک بار پھر پاکستان پر ہیں۔ اگر اسرائیل کو روکنا ہے تو مسلم امہ کو متحد ہو کر قدم اٹھانا ہوگا، کیونکہ مغرب کی جانب سے کوئی روک تھام ممکن نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایران بیرسٹر گوہر علی خان چیئرمین تحریک انصاف راجا پرویز اشرف رانا تنویر حسین قومی اسمبلی
پاکستان میں معیشت کی بہتری کے آثار، جی ڈی پی گروتھ 2.7 فیصدرہ گئی ہے، مشیر خزانہ