بھارت پر جنگی جنون سوار، ٹرمپ مسئلہ کشمیر حل کرانے کیلئے اقدام کریں: پاکستان
اشاعت کی تاریخ: 3rd, May 2025 GMT
بھارت پر جنگی جنون سوار، ٹرمپ مسئلہ کشمیر حل کرانے کیلئے اقدام کریں: پاکستان WhatsAppFacebookTwitter 0 3 May, 2025 سب نیوز
واشنگٹن (آئی پی ایس) امریکا میں پاکستان کے سفیر رضوان سعید شیخ نے کہا ہے کہ امریکی صدر ڈونلڈ ٹرمپ مسئلہ کشمیر حل کرانے کیلئے کردار ادا کریں کیونکہ تنازع کشمیر دونوں ملکوں کے درمیان نیو کلیئر فلیش پوائنٹ ہے۔
امریکی ٹی وی فوکس نیوز سے گفتگو میں رضوان سعید شیخ کا کہنا تھا بھارت نے حملہ کیا تو دوایٹمی طاقتوں کے درمیان جنگ خطرناک صورتحال اختیار کرسکتی ہے، بھارتی حکومت اور میڈیا پراس وقت جنگی جنون سوار ہے، پہلگام حملے کے بعد پاک بھارت سرحدوں پرفائرنگ کا تبادلہ بھی ہوا ہے۔
پاکستانی سفیر نے واضح کیا کہ پاکستان بھارت کی جانب سے پانی بند کرنے کو جنگی اقدام تصور کرے گا، ہم خطے میں عدم استحکام کے متحمل نہیں ہوسکتے، ہم ایک پرامن پڑوس چاہتے ہیں مگر ہماری امن کی خواہش کو کمزوری نہ سمجھا جائے۔
پہلگام واقعے کے حوالے سے بھارت کی جانب سے تاحال کسی قسم کا کوئی ثبوت دنیا کے سامنے پیش نہیں کیا گیا، بغیر کسی ثبوت پاکستان کو موردِ الزام ٹھہرانا اور خطے کو جنگ کی جانب دھکیلنا بھارت کے غیر ذمہ دارانہ رویے کا عکاس ہے، بھارت کے طرزِ عمل میں لاقانونیت واضح طور پر نظر آتی ہے۔
پاکستان نے ایک بار پھر ذمہ داری کا ثبوت دیتے ہوئے پہلگام واقعے کی نیوٹرل، غیر جانبدار اور شفاف انکوائری کا حصہ بننے کی پیشکش کی، اس پیشکش پر بھی بھارت کی جانب سے کوئی جواب موصول نہیں ہوا، واقعہ کے حوالے سے کسی قسم کا کوئی ثبوت پیش نہ کرنا اور پاکستانی پیشکش کا جواب نہ دینا بذات خود ایک واضح امر ہے۔
انہوں نے کہا کہ امریکی انتظامیہ سے توقع کرتے ہیں کہ وہ نہ صرف موجودہ کشیدگی کم کرانے میں اپنا کردار ادا کرے بلکہ دو جوہری طاقتوں کے مابین کئی دہائیوں سے جاری تنازع کشمیر کو حل کرانے میں اپنا کردار ادا کرے، بین الاقوامی برادری کی جانب سے معاملے کو وقتی طور پر ٹھپ کرنا کسی طور مسئلے کا حل نہیں، موجودہ حالات میں مسئلہ کشمیر کے پائیدار حل کے حوالے سے ایک موقع پیدا ہوا ہے، بین الاقوامی برادری اس موقع کو ضائع نہ کرے۔
انٹرویو کے اختتام پر انہوں نے یاد دلایا کہ دہشت گردی کے خلاف میں پاکستان کی قربانیاں کسی بھی ملک سے زیادہ ہیں، پاکستان کا مفاد علاقائی اور عالمی امن سے وابستہ ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربھارت سے بڑھتی کشیدگی؛پاکستان کا سلامتی کونسل اجلاس بلانے پر غور بھارت سے بڑھتی کشیدگی؛پاکستان کا سلامتی کونسل اجلاس بلانے پر غور پاکستان نے بھارت کے میڈیا کو بلاک کر کے دشمن کو منہ توڑ جواب دیدیا پاکستان کی سالمیت کے دفاع کیلئے چین ہرطرح کی مدد کرے گا، وکٹر گا کا بھارتی اینکر کو جواب چیئرمین سی ڈی اے کا رات گئے متعلقہ افسران کے ہمراہ جناح سکوائر مری روڈ انڈر پاس منصوبے کا اچانک دورہ، تعمیراتی کاموں کا... پاک بھارت کشیدگی،ستمبر میں شیڈول ایشیا کپ 2025ملتوی ہونے کا خدشہ سپریم کورٹ نے پی ٹی آئی کے سینیٹر اعجاز چوہدری کی ضمانت منظور کرلی
Copyright © 2025, All Rights Reserved
رابطہ کریں ہمارے بارے ہماری ٹیمذریعہ: Daily Sub News
کلیدی لفظ: مسئلہ کشمیر
پڑھیں:
بھارتی جنگی جنون اور ایٹمی پاکستان
اسلام ٹائمز: وزیر دفاع خواجہ آصف کی طرف سے پاکستان کا پانی روکنے کیلئے کسی بھی ڈھانچے کی تعمیر کو تباہ کرنے کا اعلان بھی قوم کے جذبات کی ترجمانی ہے۔ وزیراعظم کی طرف سے دوست ممالک کو اعتماد میں لینے کیلئے سفارتی رابطے بھی کامیابی کیساتھ جاری ہیں۔ افغانستان نے بھی پاکستان کا ساتھ دینے کا اعلان کیا ہے، جو کہ خوش آئند ہے۔ لیکن ساتھ کس حد تک دیتا ہے، یہ بعد کی بات ہے۔ ہم ان شاء اللہ توقع رکھتے ہیں کہ قوم کے تعاون کیساتھ افواج پاکستان یہ جنگ جیتیں گے اور اب تک کا ماحول بتا رہا ہے کہ پاکستان نفسیاتی حوالے سے اپنا ماحول بنانے اور اپنا کیس عالمی سطح پر لے جانے میں کامیاب ہوا ہے۔ تحریر: سید منیر حسین گیلانی
برصغیرمیں باہر سے آنیوالی قوتوں نے ایک لمبا عرصہ یہاں حکمرانی کی ہے۔ مختلف ادوار میں یہاں کے عوام مسلط حکومتوں کو گرا کر اپنے باسیوں کی حکومت کے قیام کی خواہش کا اظہار کرتے رہے۔ سوری، مغل، تغلق اور رنجیت سنگھ کی حکومتیں یہاں قائم رہیں، جبکہ آخر میں برطانوی سامراج، جس کا پوری دنیا میں طوطی بولتا تھا، نے بھی ظلم و ستم کے ذریعے لمبا عرصہ اپنا اقتدار برقرار رکھا۔ دوسری جنگ عظیم کے بعد برطانوی حکمران کمزور ہوئے تو برصغیر میں بھی ان کے خلاف آزادی کی تحریک شروع ہوئی۔ برطانوی حکومت نے آزادی برصغیر کی طرف پیش قدمی کرتے ہوئے خلفشار کو ختم کرنے کیلئے آمادگی کا اظہار کر دیا۔ اسی طرح ہندووں کے متعصبانہ اقدامات کی وجہ سے مسلمانوں کو اپنا وجود اور مذہب خطرے میں محسوس ہوا، تو ان کے اندر بھی ’لا الہ الا اللہ ‘ کی بنیاد پر ایک خود مختار مسلم مملکت کا جذبہ امڈ آیا، تو پاکستان 1947ء میں معرض وجود میں آگیا۔ اس کے سرحدی اور نظریاتی خطوط بھی واضح کر دیئے گئے۔
یہ اسلام کے نام اور نظریات پر مشتمل نئی مملکت ہے، جس کے سرحدی تحفظ کی ذمہ داری افواج پرعائد ہوتی ہے۔ جبکہ نظریاتی سرحدوں کی ذمہ داری دینی طبقے کی ہے۔ اس ذمہ داری کو پورا کرنے کیلئے 21 تا 24 جنوری 1951ء چار روزہ اجلاس میں سنی شیعہ اہل حدیث دیوبندی مکاتب فکر کے 31 علماء نے 22 نکات پر اتفاق کرکے اسلامی مملکت کے خدوخال پیش کردیئے۔ مگر ایک مملکت جو اسلام کے نام پر بنی سامراجی سازش کے تحت مختلف فرقوں میں تقسیم ہوگئی۔ خاص طور پر مارشل لاء حکومتوں کے دوران ہر مسلک نے مشترکہ میراث اسلام کی بجائے اپنے اپنے فرقے کا نقطہ نظر نمایاں کرنا شروع کر دیا اور نئی تشریحات میں اپنے علاوہ کسی کو مسلمان سمجھنے سے گریزاں ہونے لگے۔ جس کی وجہ سے معاشرے میں فرقہ واریت اور نفرت نے جگہ بنانا شروع کر دی۔ میری توجہ اس پر نہیں کہ مشرقی پاکستان الگ ہو کر بنگلہ دیش کیوں بن گیا اور باقی ماندہ ملک انتشار کی اماجگاہ کیوں بن گیا۔ مجھے ان دنوں کے حالات کی طرف زیادہ توجہ دینے کی ضرورت محسوس ہو رہی ہے کیونکہ افواج پاکستان اپنی ذمہ داری کو اپنے نوجوانوں کی شہادتوں کی صورت میں پیش کر رہی ہیں۔
ہمارا ازلی دشمن بھارت ہماری سرحدوں کو پامال کرنے کی تیاری کر رہا ہے۔ الحمدللہ ! افواج پاکستان ہر قسم کی بھارتی جارحیت کا منہ توڑ جواب دینے کی صلاحیت رکھتی اور آمادہ ہیں۔ یہ بھی ایک خوشگوار حقیقت ہے کہ جب بھی ملکی سلامتی پر کوئی مشکل آن پڑی تو مختلف فرقوں اور برادریوں میں تقسیم قوم ہندو سامراج کیخلاف یکجا ہوئی اور سیسہ پلائی دیوار بن گئی۔ آج ہم دیکھتے ہیں کہ تمام مکاتب فکر کے علماء، دانشور، صحافی، تاجر، صنعتکار اور سیاستدان یکسوئی کیساتھ افواج پاکستان کی پشت پر کھڑے ہیں۔ جب بھی کبھی بھارت نے پاکستان کو نقصان پہنچانے کی کوشش کی تو عوام نے جذبہ حب الوطنی سے سرشار ہوکر اپنی فوج کے شانہ بشانہ جنگ میں حصہ لیا۔ مجھے وہ وقت یاد ہے کہ جب 1965ءکی جنگ شروع ہوئی تو پاکستانی عوام خصوصا ًزندہ دلان لاہور نے فوج کا بھرپور ساتھ دیا۔ ان دنوں میں نے عملی طور پر لاہور میں تنظیم شہری دفاع کے پلیٹ فارم سے اپنی استطاعت کے مطابق کردار ادا کیا۔ گارڈن ٹاؤن اور ماڈل ٹاؤن کا علاقہ میری ذمہ داری میں تھا۔ ہم نے جنگ میں ’’ایل‘‘ اور ’’ڈبلیو‘‘ شکل کی خندقیں بنائیں تاکہ کسی فضائی حملے کی صورت میں شہری محفوظ پناہ گاہ حاصل کر سکیں۔
میں پہلے وارڈن، پھر ہیڈ وارڈن اور ڈویژنل ہیڈ وارڈن میاں اسحاق نرسری والے کیساتھ ڈپٹی ڈویژنل ہیڈ وارڈن بھی مقرر ہوا۔ اس دوران بھارتی جہازوں نے گولہ باری کی تو کلمہ چوک کے پاس بڑا گولہ بھی گرایا گیا، جبکہ کوٹ لکھپت ریلوے اسٹیشن کو بھی نشانہ بنایا گیا لیکن سول ڈیفنس کے جوانوں نے جواں مردی کیساتھ عوام کو ذہنی طور پر خوفزدہ ہونے سے بچایا اور قومی تحفظ میں اپنا حصہ ڈالتے رہے۔ اسی طرح افواج پاکستان کے جوان جہاں بارڈر پر جنگ لڑتے تھے تو لاہور کے جوان گوداموں سے اسلحہ نکال کر آرمی کے ٹرکوں میں لوڈ کر کے فوج کے مددگار بنتے رہے۔ بھارتی فوج نے شکرگڑھ کے علاقے میں آگے بڑھنے کی کوشش کی تو بارڈر کے دونوں اطراف بڑی جنگ ہوئی۔ اس میں ہمارے فوجی جوانوں نے سینے پر بم باندھ کربھارتی ٹینکوں کے آگے لیٹ کر انہیں تباہ کیا اور حملے کو روکا۔ پھر قصور کی طرف دریائے ستلج کے کنارے انڈیا کا بڑا رقبہ جو کہ کھیم کرن تک پھیلا ہوا تھا پاکستان نے اپنے قبضے میں لے لیا۔ میں بذات خود سول ڈیفنس کے نوجوانوں کو لے کر کھیم کرن تک پہنچا۔ ظاہر ہے جنگوں میں تباہی ہوتی ہے اور وہ ہم نے اپنی آنکھوں سے یہ دیکھی بھی ہے۔ لیکن ہم خود قوم کو کتنا بچا سکتے ہیں مد نظر رہنا چاہیے۔
مجھے خوشی ہوئی کہ وزیر داخلہ محسن نقوی سول ڈیفنس کے مرکز میں انتظامیہ کو کچھ احکامات جاری کرتے ہوئے ٹی وی پر دکھائی دیئے۔ اس واقعہ کو دیکھ کر 82 سال کا بزرگ منیرحسین گیلانی، دفاع وطن کیلئے آج بھی اسی جذبہ کے ساتھ تیار ہے۔ میں کوئی بڑی بات نہ کہتے ہوئے عاجزی سے عرض کرنا چاہتا ہوں کہ اپنی عمر، قد اور بڑھاپے کی صورت میں ہمہ وقت تیار آمادہ ہوں۔ میں شکر گزار ہوں تمام مکاتب فکر کے علماء اور سیاسی جماعتوں کے رہنماوں کا کہ وہ انڈیا کی دہشتگردی کا مقابلہ کرنے کیلئے آمادہ اور یکسو ہیں اور قوم میں جذبہ حب الوطنی پیدا کر رہے ہیں۔ ہم سمجھتے ہیں کہ مقبوضہ کشمیر کے علاقے پہلگام میں دہشتگردی کے واقعہ کو بنیاد بنا کر گجرات کے قصائی نریندر مودی اپنی بری خصلت سے باز نہیں آ رہا، حالانکہ اب تک انڈیا کو کوئی بھی ثبوت پاکستان کیخلاف دہشتگردی کے واقعہ میں شمولیت کا پیش نہیں کر سکا، جبکہ دوسری طرف ایران اور سعودی عرب نے دونوں ممالک کے درمیان ثالثی کروانے کی پیش بھی کی ہے۔ اقوام متحدہ کے سیکرٹری جنرل انتونیو گوتریس نے بھی اچھے جذبات کا اظہار کیا ہے لیکن سب سے بڑی بات چین کی طرف سے دوستی کے عزم کا اظہار ہے، کہ اس نے دوٹوک الفاظ میں کہہ دیا ہے کہ وہ پاکستان کیساتھ کھڑا ہے۔ بھارتی میڈیا کا کردار انتہائی بھیانک ہے جو جنگ کا ماحول بنانے کیلئے حقائق کو توڑ مروڑ کر پیش کر رہا ہے۔ اسی طرح سے کشمیری عوام کا ردعمل جب بھارتی میڈیا لینا شروع کرتا ہے، تو اپنے مطلب کی بات نہ پا کر مایوس ہو جاتا ہے۔
وزیر دفاع خواجہ آصف کی طرف سے پاکستان کا پانی روکنے کیلئے کسی بھی ڈھانچے کی تعمیر کو تباہ کرنے کا اعلان بھی قوم کے جذبات کی ترجمانی ہے۔ وزیراعظم کی طرف سے دوست ممالک کو اعتماد میں لینے کیلئے سفارتی رابطے بھی کامیابی کیساتھ جاری ہیں۔ افغانستان نے بھی پاکستان کا ساتھ دینے کا اعلان کیا ہے جوکہ خوش آئند ہے۔ لیکن ساتھ کس حدتک دیتا ہے یہ بعد کی بات ہے۔ ہم ان شاءاللہ توقع رکھتے ہیں کہ قوم کے تعاون کیساتھ افواج پاکستان یہ جنگ جیتیں گے اور اب تک کا ماحول بتا رہا ہے کہ پاکستان نفسیاتی حوالے سے اپنا ماحول بنانے اور اپنا کیس عالمی سطح پر لے جانے میں کامیاب ہوا ہے۔ ہماری دعائیں اپنی افواج کیساتھ ہیں۔ ایک بات واضح کرنا چاہتے ہیں کہ ہم جنگ نہیں چاہتے، جنگ کبھی بھی مسائل کا حل نہیں ہوتا اور نہ ہی یہ کسی صورت ہونی چاہیے لیکن ایٹمی قوت کو جب للکاریں گے اور جھوٹے الزامات لگائے گئے تو ایٹمی ہتھیار ہم نے بھی کوئی شوکیس میں سجانے کیلئے نہیں، بلکہ اپنے دفاع کیلئے رکھے ہیں۔ جب کبھی اپنے وطن کی سالمیت اور وجود کو خطرہ ہوا تو ہم یقیناً اپنے ایٹمی اثاثے استعمال کریں گے۔
یہاں مجھے بہت یاد آرہے ہیں ذوالفقارعلی بھٹو شہید، جنہوں نے ایٹمی پروگرام کی بنیاد رکھی، بے نظیر بھٹو شہید جنہوں نے میزائل سسٹم کو مضبوط کیا اور سب سے بڑھ کر محسن پاکستان ڈاکٹر عبدالقدیرخان رحمتہ اللہ علیہ کہ جنہوں نے اس وقت کے وفاقی وزیر خزانہ ڈاکٹر مبشر حسن مرحوم کے توسط سے وزیراعظم ذوالفقارعلی بھٹو سے ملاقات کی اور انہیں بتایا کہ وہ کس طریقے سے ایٹم بم بنا سکتے ہیں۔ جب ایٹم بم پاکستان نے بنایا تو اس میں بہت تسلسل اور رازداری رہی، چاہے پاکستان میں مختلف حکومتیں آئیں لیکن ہر حکومت نے ایٹمی پروگرا م کو جاری رکھا۔ اللہ تعالیٰ ان تمام شخصیات کو جنت الفردوس میں جگہ عطا فرمائے کہ جن کے مخلصانہ کردار کی وجہ سے آج ہم فخر کیساتھ سر اٹھا کر چل سکتے ہیں کہ ہم ایک ناقابل تسخیر پاکستان کے باسی ہیں۔
ٹرمپ کی لاعلمی، کشمیر تنازع کو 1500 سال پرانا بنا دیا