یورینیم افزودگی کے ایرانی حق پر روس کی تاکید
اشاعت کی تاریخ: 3rd, May 2025 GMT
ایرانی وزیر خارجہ کے بیانات کی تصدیق کرتے ہوئے، عالمی جوہری توانائی ایجنسی (IAEA) میں روسی نمائندے نے عدم جوہری پھیلاؤ کے معاہدے (NPT) کے تحت ایران کے تمام حقوق کو ناقابل تردید قرار دیا ہے اسلام ٹائمز۔ بین الاقوامی ایٹمی توانائی ایجنسی (IAEA) میں روسی نمائندے میخائیل اولیانوف نے مکمل جوہری فیول سائیکل کے حصول پر مبنی ایرانی حق پر ایرانی وزیر خارجہ سید عباس عراقچی کی تاکید کی تصدیق کرتے ہوئے اعلان کیا ہے کہ "ایرانی وزیر خارجہ بالکل درست کہتے ہیں!" اس بارے سوشل میڈیا پر جاری ہونے والے اپنے پیغام میں یہ بیان کرتے ہوئے کہ مَیں ایران و امریکہ کے درمیان جاری جوہری مذاکرات کے اس حساس مرحلے پر تفصیلی تبصرے سے گریز کو ترجیح دیتا ہوں، میخائیل اولیانوف نے لکھا کہ عدم جوہری پھیلاؤ کے معاہدے (NPT) کی بنیاد پر، رکن ممالک کی نہ صرف کچھ بنیادی ذمہ داریاں ہیں، بلکہ وہ متعدد بنیادی حقوق سے بھی لطف اندوز ہوتے ہیں کہ جن پر کسی صورت سوال نہیں اٹھایا جا سکتا!!
واضح رہے کہ ایران میں مقامی یورینیم افزودگی پر پابندی سے متعلق امریکی وزیر خارجہ مارکو روبیو کے حالیہ بیان پر ردعمل کا اظہار کرتے ہوئے ایرانی وزیر خارجہ سید عباس عراقچی نے، اپنے سوشل میڈیا پیغام میں تاکید کی ہے کہ "ایران، NPT کے بانی دستخط کنندگان میں سے ایک ہونے کے طور پر، ایک مکمل نیوکلیئر فیول سائیکل رکھنے کا پورا حق رکھتا ہے!"
ذریعہ: Islam Times
کلیدی لفظ: ایرانی وزیر خارجہ کرتے ہوئے
پڑھیں:
نائب وزیراعظم اسحاق ڈار کی ایرانی وزیر خارجہ سے ملاقات، دوطرفہ تعلقات مزید مضبوط بنانے پر اتفاق
پاکستان کے نائب وزیر اعظم و وزیر خارجہ سینیٹر اسحاق ڈار نے آج ایرانی وزیر خارجہ سید عباس عراقچی سے اسلام آباد میں ملاقات کی۔
ملاقات میں دونوں رہنماؤں نے پاکستان اور ایران کے درمیان قریبی تعلقات کو مزید مضبوط بنانے کے عزم کا اعادہ کیا۔ بات چیت میں خطے میں استحکام، تجارت، اور معاشی تعاون کو فروغ دینے پر خصوصی توجہ دی گئی۔
یہ بھی پڑھیے: ایرانی صدر مسعود پزشکیان لاہور سے اسلام آباد پہنچ گئے، صدر، وزیراعظم سے ملاقاتیں طے
فریقین نے باہمی دلچسپی کے اہم شعبوں میں دوطرفہ روابط کو وسعت دینے اور عملی تعاون بڑھانے پر بھی تبادلہ خیال کیا۔ ملاقات کو برادرانہ تعلقات کے فروغ کی جانب ایک اہم قدم قرار دیا جا رہا ہے۔
واضح رہے کہ ایرانی وزیر خارجہ پاکستان کے سرکاری دورے پر آئے ہوئے صدر ڈاکٹر مسعود پیزشکیان کے وفد کا حصہ ہیں۔
Deputy Prime Minister/Foreign Minister, Senator Mohammad Ishaq Dar @MIshaqDar50, met with Iranian Foreign Minister, Seyyed Abbas Araghchi @araghchi, in Islamabad today. FM Araghchi is part of Iranian President Dr. Masoud Pezeshkian’s delegation for his state visit to Pakistan.… pic.twitter.com/WvHFlZYh2n
— Ministry of Foreign Affairs – Pakistan (@ForeignOfficePk) August 2, 2025
ایران کے صدر ڈاکٹر مسعود پزشکیان 2 روزہ سرکاری دورے پر پاکستان پہنچ گئے۔ ان کے ہمراہ وزیر خارجہ عباس عراقچی سمیت اعلیٰ سطح کا وفد بھی موجود ہے۔ اس دورے کا مقصد پاکستان کے ساتھ تجارتی و سفارتی تعاون کو وسعت دینا اور دو طرفہ تعلقات میں نئی توانائی بھرنا ہے۔
وزیر اعظم شہباز شریف نے خود اسلام آباد پہنچنے پر ایرانی صدر کا استقبال کیا۔ ان کے ساتھ نائب وزیراعظم اسحاق ڈار، وفاقی وزیر اطلاعات عطااللہ تارڑ اور دیگر اعلیٰ حکام بھی موجود تھے۔ ایرانی صدر کو سرخ قالین استقبال کے ساتھ 21 توپوں کی سلامی بھی دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک ایران تعلقات عباس عراقچی مسعود پزشکیان
پاکستان اور چین کا کلیدی ڈیجیٹل شعبوں میں تیکنیکی تعاون پر اتفاق