کرپٹوکونسل کا شاندار کارنامہ، محض 50 دن میں عالمی کرپٹو انڈسٹری میں پاکستان کا پرچم سربلند کردیا
اشاعت کی تاریخ: 5th, May 2025 GMT
پاکستان کرپٹوکونسل (پی سی سی) نے شاندار کارنامہ انجام دیتے ہوئے محض پچاس دن میں عالمی منظر نامے میں کرپٹو انڈسٹری میں پاکستان کاپرچم سربلند کرکے سب کو ورطہ حیرت میں ڈال دیا۔
پریس ریلیز کے مطابق پاکستان کرپٹوکونسل کا آغاز 14 مارچ 2025 کو ہوا لیکن اس مختصرعرصے میں اس ادارے نے جوکچھ کر دکھایا ہے اس سے دنیا بھرکے مبصرین اورناقدین متاثر ہیں ۔ یہ محض ایک ادارے کی کامیابی نہیں بلکہ ریاستی سطح پر وژن،رفتاراورعمل کی ایک زندہ مثال ہے۔
جہاں بیشترسرکاری ادارے برسوں تک صرف مفاہمتی یادداشتوں(ایم او یوز) اورگول میزکانفرنسوں تک محدود رہتے ہیں، وہاں پی سی سی نے نہ صرف عملدرآمدکیا بلکہ عالمی منظرنامے پر پاکستان کاپرچم کرپٹو انڈسٹری میں بلندکردیاہے۔
عالمی سطح پربڑا قدم ہے کہ کونسل کی طرف سے ایک ایسا اعلان ہواجس نے دنیابھرکی نظریں پاکستان پرمرکوزکردی ہیں، بائنانس کے بانی چانگ پین گژا (سی زیڈ) کواسٹریٹجک ایڈوائزر مقررکردیاگیا ہے۔
یہ وہ شخصیت ہیں جنہوں نے دنیاکے سب سے بڑے کرپٹو ایکسچینج کی بنیاد رکھی اورجنکی ذاتی دولت بسا اوقات 100 ارب ڈالر سے بھی تجاوزکرچکی ہے۔ پاکستان جیسے ترقی پذیر ملک کیلئے ایسی عالمی شخصیت کوریاستی سطح پر مشیر مقرر کرنا ایک غیرمعمولی پیشرفت ہے۔
دلچسپ بات یہ ہے کہ خطے کا کوئی دوسرا ملک، حتی کہ بھارت بھی ایسی کامیابی حاصل نہیں کرسکا۔ ٹرمپ کی حمایت یافتہ بلاک چین کا ساتھ ایک اورحیران کن پیشرفت ہے جس میں پی سی سی نے ورلڈ لبرٹی فنانشل (ڈبلیو ایف ایل) کے ساتھ لیٹر آف انٹینٹ پر دستخط کئے۔
یہ ایک امریکی بلاک چین منصوبہ ہے جسے امریکی صدرڈونلڈ ٹرمپ کی حمایت حاصل ہے۔
اس وفد میں زیکر یوٹکوف شامل تھے، جوامریکی ریئل اسٹیٹ ٹائیکون اسٹیووٹکوف کے صاحبزادے ہیں اورمشرق وسطی امن ٹیم کے رکن بھی رہ چکے ہیں۔
یہ اشتراک پاکستان میں اسٹیبل کوائنز، ڈیسینٹرلائزڈ فنانس (DeFi) اورکراس بارڈر بلاک چین انفرااسٹرکچر کوفروغ دینے کیلئے کیا گیا ہے۔ اس نوعیت کا معاہدہ پاکستان کے کسی ادارے اورامریکی بلاک چین منصوبے کے مابین پہلی بار طے پایا ہے۔
خطے میں پاکستان کا ابھرتا ہوا کردار جس وقت خطے میں سرحدی تنائو کی خبریں گرم تھیں، اس وقت پاکستان کی یہ اسٹریٹجک پیشرفت عالمی میڈیا میں موضوع بنی۔
بھارت جیسے ملک کے اخبارات بشمول ٹائمز آف انڈیا نے اس خبرکوشائع کرنے پرمجبورہوکر پاکستان کی کامیابی کو نہ صرف تسلیم کیا بلکہ اپنی کرپٹو پالیسیوں پرتنقید بھی کی۔
جیسے ماضی میں کرکٹ ڈپلومیسی نے جنوبی ایشیاکے بیانیے کو تبدیل کیا تھا، ویسے ہی آج پاکستان ”کرپٹو ڈپلومیسی” کے ذریعے ایک نیا میدان مار رہا ہے اور اس باردائو بہت بڑا ہے۔
اسلامی مالیات اور ڈیجیٹل معیشت کا اشتراک پاکستان کرپٹو کونسل کے چیف ایگزیکٹو بلال بن صاقب نے حال ہی میں ملائشیا کے وزیر خارجہ، محمد بن حاجی حسن سے کوالالمپور میں ملاقات کی۔ اس ملاقات میں بلاک چین ٹیکنالوجی، ڈیجیٹل اثاثے اور شریعت سے ہم آہنگ مالیاتی نظام کے اشتراک پر تبادلہ خیال کیا گیا۔
اس ملاقات کا مقصد پاکستان۔ملائشیا ڈیجیٹل فنانس پارٹنرشپ کی بنیاد رکھنا تھا، جس کے ذریعے ایف اے ٹی ایف سے ہم آہنگ اور اسلامی مالیات کے اصولوں پر مبنی ڈیجیٹل اثاثہ جات کا فریم ورک تیار کیاجائے گا۔
توانائی سے معیشت کی طرف کرپٹومائننگ اور اے آئی سینٹرز کونسل بین الاقوامی بٹکوائن مائننگ کمپنیوں سے مذاکرات کر رہی ہے تاکہ پاکستان کی اضافی بجلی کو استعمال کرتے ہوئے ڈیٹا سینٹرز اورمائننگ فارمز قائم کیے جائیں۔ ملک بھر میں مختلف مقامات کا جائزہ لیا جارہا ہے تاکہ ضائع ہونے والی توانائی کومعیشت میں بدلاجاسکے۔
اسی دوران، رئیل ورلڈ اثاثوں(زمین، اجناس وغیرہ) کو ٹوکنائز کرنے والے اداروں سے بھی بات چیت جاری ہے تاکہ حقیقی اثاثوں کو بلاک چین پر لایا جاسکے۔ شفا ف قوانین کی تشکیل اورعالمی توجہ کونسل ایک جامع اور ایف اے ٹی ایف کمپلائنٹ ریگولیٹری فریم ورک پر کام کر رہی ہے۔
اس میں عالمی ماہرین کی مدد سے اے ایم ایل، کے وائی سی معیارات، خطرے پر مبنی ضوابط اور پائیدار جدت کی پالیسیوں کوشامل کیا جارہا ہے۔
اس کا نفاذ اتنے کم وقت میں متوقع ہے جو عالمی جنوبی ممالک میں کم ہی دیکھنے کو ملتا ہے۔ ٹران نیٹ ورک کے بانی جسٹن سن،جنکا نیٹ ورک 24 ارب ڈالرسے زائدکی مارکیٹ ویلیو رکھتا ہے، پاکستان کا دورہ کرنے کیلئے تیارہیں۔ دیگر کرپٹو موجدین اور ادارہ جاتی پارٹنرز بھی دعوت نامے پر لبیک کہہ چکے ہیں۔
بھارت میں کرپٹو پرسختی ہے جبکہ پاکستان میں وسعت ہے۔ جہاں بھارت نے کرپٹو پر 30 فیصد ٹیکس نافذ کرکے اپنے ڈیویلپرز اورسرمایہ کاروں کو باہر دھکیل دیا، وہاں پاکستان کا کھلا اور منظم رویہ خطے میں سرمایہ، ٹیلنٹ اور اختراع کو اپنی جانب متوجہ کر رہا ہے۔
.ذریعہ: Express News
کلیدی لفظ: پاکستان کا بلاک چین
پڑھیں:
سری لنکا کیخلاف پہلے ون ڈے میں بابر اعظم کا ایک ہاتھ سے شاندار کیچ
پاکستانی کرکٹ ٹیم کے مایاز بیٹر بابر اعظم نے اپنی عمدہ فیلڈنگ سے شائقین کو ناصرف حیران کر دیا بلکہ یہ بھی بتا دیا کہ ’کنگ از بیک‘ وہ بھی فل فارم میں۔
گزشتہ روز راولپنڈی کرکٹ اسٹیڈیم میں سری لنکا کے خلاف3 ون ڈے میچوں کی سیریز کا پہلا میچ کھیلا گیا، جس میں انہوں نے ایک ہاتھ سے شاندار کیچ پکڑا۔
قومی کرکٹ ٹیم کے قابلِ اعتماد فیلڈرز میں شمار کیے جانے والے بابر اعظم نے سری لنکا کی اننگز کے 27ویں اوور میں شاندار کیچ لیا۔
???????????????????????????????? ???????????????????????????? ⚡@babarazam258, how did you pull this off?! ????
???? Watch live in the UK region, sign up now at https://t.co/Z0RXSR7gYM#PAKvSL | #JeetKaScene | #BackTheBoysInGreen pic.twitter.com/CSIsvnNB01
— Pakistan Cricket (@TheRealPCB) November 11, 2025
ہوا کچھ یوں کہ بالر حارث رؤف نے آف اسٹمپ کے باہر لینتھ بال کرائی جو تھوڑی سیدھی ہو گئی، تاہم سری لنکن کھلاڑی سدیرا سماراوکراما نے شاٹ کھیلنے کی کوشش کی، تو گیند ان کے بیٹ کے کنارے سے ٹکرائی، نتیجتاً وائیڈ سلپ پر کھڑے بابراعظم نے دائیں جانب ڈائیو لگاتے ہوئے ایک ہاتھ سے ناقابلِ یقین کیچ پکڑ لیا۔
بابراعظم کے اس شاندار کیچ نے پاکستان کو 300 رنز کے ہدف کے دفاع میں سری لنکا کو 4 وکٹوں کے نقصان پر 147 رنز پر محدود کرنے میں مدد فراہم کی۔
اس سے قبل پاکستان نے پہلے بیٹنگ کرتے ہوئے 5 وکٹوں کے نقصان پر 299 رنز بنائے۔ سلمان علی آغا نے شاندار سنچری اسکور کی، جبکہ حسین طلعت نے تیز رفتار نصف سنچری بنائی۔
آغا 87 گیندوں پر 105 رنز کے ساتھ ناٹ آؤٹ رہے، جن میں 9 چوکے شامل تھے۔ حسین طلعت نے 63 گیندوں پر 62 رنز بنائے، جس میں 6 چوکے اور ایک چھکا شامل تھا۔
آخر میں آل راؤنڈر محمد نواز نے بھی 23 گیندوں پر ناقابلِ شکست 36 رنز کی برق رفتار اننگز کھیلی، جس میں 5 چوکے اور ایک چھکا شامل تھا۔
سندھ: حکومت کا 17 نومبر کو تعطیل کا اعلان