متحدہ عرب امارات نے اسکولوں میں آرٹیفیشل انٹیلیجنس کو لازمی مضمون قرار دے دیا
اشاعت کی تاریخ: 5th, May 2025 GMT
ابوظہبی: متحدہ عرب امارات نے ایک انقلابی قدم اٹھاتے ہوئے ملک بھر کے تمام سرکاری اسکولوں میں آرٹیفیشل انٹیلیجنس کو نرسری سے لے کر جماعت دہم (گریڈ 12) تک ایک لازمی مضمون کے طور پر متعارف کرانے کا اعلان کیا ہے۔
یہ فیصلہ یو اے ای کابینہ کی منظوری کے بعد سامنے آیا، جس کا اعلان نائب صدر، وزیر اعظم اور دبئی کے حکمران شیخ محمد بن راشد المکتوم نے سوشل میڈیا پلیٹ فارم X (سابقہ ٹوئٹر) پر کیا۔
شیخ محمد کا کہنا تھا، “ہماری ذمہ داری ہے کہ ہم اپنے بچوں کو ایک ایسے وقت کے لیے تیار کریں جو ہمارے وقت سے مئختلف ہوگا۔” انہوں نے مزید کہا کہ اس اقدام کا مقصد طلبہ کو AI کی تکنیکی بنیادوں اور اخلاقی اثرات سے بھی آگاہ کرنا ہے۔
وزارت تعلیم کی تیار کردہ اس نصاب میں ڈیٹا، الگوردمز، مشین لرننگ، AI ایپلیکیشنز، ڈیٹا پرائیویسی، اور اخلاقی اصولوں پر مشتمل جامع مواد شامل ہوگا۔
اس فیصلے کے بعد UAE دنیا کا وہ پہلا ملک بن گیا ہے جس نے AI کو ہر تعلیمی سطح پر لازمی بنایا ہے۔ ماہرین کے مطابق یہ قدم دنیا بھر کے تعلیمی نظاموں کے لیے ایک ماڈل بن سکتا ہے، خاص طور پر ان ممالک کے لیے جو AI کو تعلیم میں ضم کرنا چاہتے ہیں۔
یہ اقدام UAE کی جدید تعلیم کی حکمت عملی کا حصہ ہے، جو کہ روایتی طریقہ تعلیم سے ہٹ کر مستقبل کے تقاضوں پر مبنی سیکھنے پر مبنی ہے۔
.
ذریعہ
ذریعہ: Express News
پڑھیں:
مشرقِ وسطیٰ کی صورتحال قابو سے باہر، فوری جنگ بندی ضروری ہے، انتونیو گوتریس
اقوام متحدہ کے سیکرٹری جنرل کا کہنا تھا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔ اسلام ٹائمز۔ اقوام متحدہ کے سیکرٹری جنرل انتونیو گوتریس نے مشرقِ وسطیٰ میں بڑھتی ہوئی کشیدگی پر شدید تشویش کا اظہار کرتے ہوئے کہا ہے کہ خطے کی صورتحال قابو سے باہر ہوتی جا رہی ہے اور فوری طور پر لڑائی روکنا ناگزیر ہے۔ اپنے ایک بیان میں انتونیو گوتریس نے کہا کہ اب واپس پلٹنے کا وقت آ گیا ہے اور ہر جگہ جنگ و جدل کا خاتمہ ہونا چاہیے تاکہ مزید انسانی جانوں کے ضیاع کو روکا جا سکے۔
انہوں نے زور دیا کہ بحری راستوں پر آزادانہ آمدورفت بحال کی جائے، کیونکہ عالمی تجارت اور علاقائی استحکام کے لیے محفوظ بحری گزرگاہیں انتہائی اہم ہیں۔ اقوام متحدہ کے سیکرٹری جنرل نے کہا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار