ہم نے پہلگام واقعے کی مذمت کی، پاکستان میں دہشتگردی پر بھارت مذمت نہیں کرتا، ناصر حسین
اشاعت کی تاریخ: 6th, May 2025 GMT
سندھ کے وزیرِ توانائی ناصر حسین شاہ—فائل فوٹو
سندھ کے وزیرِ توانائی ناصر حسین شاہ نے کہا ہے کہ بھارت خود کو سپر پاور سمجھ رہا ہے، یہ اس کی بھول ہے۔
وزیرِ توانائی سندھ اور پیپلز پارٹی کے رہنما ناصر حسین شاہ نے میڈیا سے گفتگو کرتے ہوئے کہا کہ بھارت نے کئی بار سندھ طاس معاہدے کی منسوخی کی بات کی، سندھ طاس معاہدہ بھارت معطل نہیں کر سکتا۔
انہوں نے حالیہ پاک بھارت کشیدگی پر بات کرتے ہوئے کہا کہ بھارت خود کو سپر پاور سمجھ رہا ہے، یہ اس کی بھول ہے، ہم جنگ نہیں چاہتے، ہم سب متحد ہیں ہم پُرامن قوم ہیں لیکن اگر جنگ مسلط کی گئی تو ہم سب لڑنا جانتے ہیں۔
ناصر شاہ نے کہا کہ پیپلز پارٹی نے ہمیشہ بہتری کی بات کی ہے، ترقیاتی کام ہوا ہے اور ہو بھی رہا ہے، ایم کیو ایم نے اچھی تجاویز دی ہیں ان پر کام کریں گے۔
کینالز کے معاملے پر انہوں نے کہا کہ کینالز کے معاملے پر ہمیں پوری امید تھی یہ نہیں بنیں گی، اس حوالے سے پارٹی چیئرمین بلاول بھٹو زرداری نے کہا تھا کہ اگر نہریں بنیں تو ہم وفاق کا ساتھ نہیں دیں گے۔
سندھ کے وزیرِ توانائی نے مزید کہا کہ کارپوریٹ فارمنگ پر بھی سندھ کے خلاف کوئی چیز قبول نہیں ہوگی۔
انہوں نے بتایا کہ آئندہ مالی سال میں زیادہ سندھ کےلیے فنڈز رکھے جائیں گے، اس دفعہ ہماری ترجیحات میں پانی شامل ہے اور پینے کا پانی پورے سندھ میں مہیا کیا جائے گا۔
آج ہونے والے سینیٹ الیکشن کے حوالے سے انہوں نے کہا کہ سینیٹ الیکشن میں ہمارے امیدوار کامیاب ہوں گے۔
پیپلز پارٹی رہنما نے بتایا کہ کچے میں ٹارگیٹڈ آپریشن جاری ہیں، وہاں کئی ملزمان کا خاتمہ ہوا اور شکارپور میں 50 سے زائد مطلوب ملزمان کاخاتمہ کیا جاچکا ہے۔
ناصر حسین شاہ نے مزید بتایا کہ شہید صحافی جان محمد کے قتل میں ملوث مرکزی ملزم مارا گیا ہے۔
.ذریعہ: Jang News
کلیدی لفظ: ناصر حسین شاہ سندھ کے شاہ نے
پڑھیں:
بھارت نے پہلگام واقعے سے متعلق کوئی ثبوت پاکستان یا دنیا کے سامنے نہیں رکھا: پاکستانی سفیر
واشنگٹن (ڈیلی پاکستان آن لائن )امریکہ میں پاکستان کے سفیر رضوان سعید شیخ نے کہا ہے کہ بھارت کے جنگی جنون نے علاقائی امن کو خطرے میں ڈال دیا ہے۔
نجی ٹی وی جیو نیوز کے مطابق رضوان سعید شیخ نے امریکی تھنک ٹینک نمائندگان کو پہلگام واقعے اور پاک بھارت کشیدہ صورتحال پربریفنگ دیتے ہوئے غیرجانبدارانہ اور شفاف تحقیقات کے مطالبے کا اعادہ کیا۔
رضوان سعید شیخ نے کہاکہ بھارت نے پہلگام واقعے سے متعلق کوئی ثبوت پاکستان یا دنیا کے سامنے نہیں رکھا، سندھ طاس معاہدے کے حوالے سے بھارت کا طرزِعمل لاقانونیت پرمبنی ہے، زرعی معیشت کو زک پہنچانے کی کوشش اعلان جنگ تصورکی جائے گی۔
انہوں نے مزید کہا کہ بھارت کے جنگی جنون نے علاقائی امن کو خطرے میں ڈال دیا ہے۔
بھارت کا پہلگام فالس فلیگ میں ناکامی کے بعد بلوچستان میں بڑی دہشتگردی کا منصوبہ بے نقاب
مزید :
عدالتی حکم کے باوجود عمران خان سے بہنوں، رہنماؤں اور وکلا کی ملاقات آج بھی نہ ہوسکی