پاک-سعودیہ کا منشیات کے ناسور کے خاتمے اور اسمگلنگ کی روک تھام کیلئے تعاون مزید بڑھانے پر اتفاق
اشاعت کی تاریخ: 6th, May 2025 GMT
لاہور:
پاکستان اور سعودی عرب نے منشیات کے ناسور کے خاتمے اور اسمگلنگ کی روک تھام کے لیے انٹیلیجنس شئیرنگ اور آپریشنل تعاون مزید بڑھانے پر اتفاق کیا گیا۔
سعودی عرب کے جنرل ڈائریکٹوریٹ برائے نارکوٹکس کنٹرول کے ڈائریکٹر جنرل میجر جنرل محمد بن سعید القرنی کی سربراہی میں اعلیٰ سطح کا وفد پاکستان پہنچا اور اسلام آ باد انٹرنیشنل ائیرپورٹ پر ڈائریکٹر جنرل اینٹی نارکوٹکس فورس پاکستان میجر جنرل عبدالمعید نے پرتپاک استقبال کیا۔
سعودی عرب کے اعلیٰ سطح کے وفد نے وزیر مملکت برائے داخلہ اور نارکوٹکس کنٹرول طلال چوہدری سے ملاقات میں دونوں برادر ممالک کے درمیان خیر سگالی کے جذبات کا اعادہ کیا۔
سعودی وفد کے سربراہ میجر جنرل محمد بن سعید القرنی نے اپنے وفد کے ہمراہ ہیڈکوارٹرز اینٹی نارکوٹکس فورس کا دورہ بھی کیا اور ڈائریکٹر جنرل اے این ایف میجر جنرل عبدالمعید سمیت سینئر حکام سے بھی ملاقات کی۔
اس موقع پر سعودی وفد کو دورے کے دوران اے این ایف پاکستان کی جانب سے منشیات کے پھیلاؤ کو روکنے کے لیے عالمی اور علاقائی سطح پر کی جانے والی کوششوں کے بارے میں تفصیلی بریفنگ دی گئی اور منشیات کی لعنت سے بچاؤ کے لیے پاکستان اور سعودی عرب کی مشترکہ کوششوں اور تعاون کا اعادہ بھی کیا گیا۔
اجلاس کے دوران دونوں ممالک کی جانب سے انٹیلی جنس معلومات کے تبادلے اور آپریشنل تعاون کو بڑھانے کی ضرورت پر زور دیا گیا، علاوہ ازیں مستقبل میں دونوں ممالک کے اداروں کی استعدادکار میں اضافے کے لیے مختلف پہلوؤں پر تبادلہ خیال بھی کیا گیا۔
اے این ایف حکام کا کہنا تھا کہ سعودی اعلیٰ سطح کے وفد کا حالیہ دورہ پاکستان اور سعودی عرب کے درمیان منشیات کی روک تھام کے لیے طویل المدتی شراکت داری کی جانب اہم قدم ہے۔
.ذریعہ: Express News
کلیدی لفظ: کے لیے
پڑھیں:
چین، پاکستان اوربنگلادیش اچھی ہمسائیگی پرمبنی تعاون پرمتفق
data-id="863a0a8" data-element_type="widget" data-widget_type="theme-post-content.default">
بیجنگ ( مانیٹرنگ ڈیسک ) پاکستان، چین اور بنگلادیش شراکت داری اور اچھی ہمسائیگی کے اصولوں پر مبنی باہمی تعاون پر متفق ہوگئے۔چین کے شہر کنمنگ میں بنگلادیش، چین اور پاکستان سہ فریقی میکانزم کا افتتاحی اجلاس ہوا جس میں چینی نائب وزیر خارجہ سن وی ڈونگ، بنگلا دیشی قائم مقام سیکرٹری خارجہ روح العالم صدیق اور پاکستان کے ایڈیشنل سیکرٹری خارجہ عمران احمد صدیقی نے شرکت کی۔پاکستانی سیکرٹری خارجہ آمنہ بلوچ نے اجلاس کے ابتدائی مرحلے میں وڈیو لنک کے ذریعے شرکت کی۔آمنہ بلوچ نے اجلاس کے انعقاد پر چینی حکومت کی کوششوں کی تحسین کی اور کہا کہ پاکستان کی چین اور جنوبی ایشیائی ممالک کے ساتھ قریبی تعاون کی خواہش ہے۔اجلاس میں تجارت، سرمایہ کاری، زراعت، ڈیجیٹل معیشت، ماحولیات، سمندری سائنسز اور گرین انفرااسٹرکچر میں تعاون بڑھانے پر زور دیا۔اجلاس میں ثقافت، تعلیم اور عوامی روابط کو فروغ دینے پر اتفاق کیا گیا۔ تینوں ممالک نے اتفاق کیا کہ تعاون کھلے پن، شمولیت، اچھے ہمسائیگی کے اصولوں پر مبنی ہو گا۔سہ فریقی اجلاس میں فیصلوں پر عملدرآمد کے لیے مشترکہ ورکنگ گروپ بنانے پر اتفاق کیا گیا۔
بھارتی ریاست اتراکھنڈ میں ہیلی کاپٹر حادثہ، 7 افراد ہلاک ہوگئے