فضائی حملوں کے بعد بھارت میں ایلرٹ جاری، کئی پروازیں منسوخ کردیں
اشاعت کی تاریخ: 7th, May 2025 GMT
سرینگر ہوائی اڈے کو پاکستان پر ہندوستانی فوج کے فضائی حملے کے بعد احتیاطی اقدام کے طور پر شہریوں کیلئے بند کر دیا گیا ہے۔ اسلام ٹائمز۔ پہلگام دہشت گردانہ حملے کے بعد بھارت نے بدھ کی صبح دہشت گردی کے خلاف "آپریشن سندور" شروع کیا۔ اس آپریشن کے تحت ہندوستانی فضائیہ نے پاکستان پر فضائی حملے کئے۔ اس کے بعد احتیاطی تدابیر کے طور پر سرینگر ہوائی اڈے کو عام لوگوں کے لئے بند کر دیا گیا ہے۔ ساتھ ہی ایئر انڈیا نے جموں و کشمیر، راجستھان، چنڈی گڑھ اور پنجاب کے لئے دوپہر 12 بجے تک کئی پروازیں منسوخ کر دی ہیں۔ ذرائع کے مطابق سرینگر ہوائی اڈے کو پاکستان پر ہندوستانی فوج کے فضائی حملے کے بعد احتیاطی اقدام کے طور پر شہریوں کے لئے بند کر دیا گیا ہے۔ حکام کے مطابق تینوں افواج نے مل کر آپریشن سندور کیا۔
ایئر انڈیا نے ایک ایڈوائزری جاری کرتے ہوئے کہا کہ موجودہ صورتحال کے پیش نظر ایئر انڈیا نے جموں، سرینگر، لیہہ، جودھ پور، امرتسر، بھوج، جام نگر، چنڈی گڑھ اور راجکوٹ کے لئے اپنی تمام پروازیں 7 مئی کی دوپہر 12 بجے تک اگلے احکامات تک منسوخ کر دی ہیں۔ ایئر لائن کمپنی نے کہا کہ امرتسر جانے والی دو بین الاقوامی پروازوں کو دہلی بھیجا جا رہا ہے۔ دریں اثنا انڈیگو نے اپنے مسافروں کے لئے ایک ایڈوائزری جاری کی ہے اور مسافروں سے گزارش کی ہے کہ وہ اپنا سفر شروع کرنے سے پہلے پرواز سے متعلق معلومات حاصل کریں۔
انڈیگو نے ایک ایڈوائزری جاری کرتے ہوئے ٹوئٹر پر لکھا کہ علاقے میں فضائی حدود کے بدلتے ہوئے حالات کی وجہ سے سرینگر، جموں، امرتسر، لیہہ، چنڈی گڑھ اور دھرم شالہ جانے والی ہماری پروازیں متاثر ہوئی ہیں۔ فضائی حدود کی جاری پابندیوں سے بیکانیر جانے والی پروازیں بھی متاثر ہیں۔ ساتھ ہی فضائی حملے کے بعد پورے پاکستان میں تناؤ کا ماحول ہے۔ اب اطلاعات آرہی ہیں کہ اسلام آباد اور لاہور ایئرپورٹ جانے والی تمام پروازیں اگلے احکامات تک منسوخ کردی گئی ہیں۔ یہ فیصلہ حالیہ سکیورٹی صورتحال کے پیش نظر کیا گیا ہے۔ درحقیقت دو ہفتے قبل پہلگام دہشت گردانہ حملے کا جواب دیتے ہوئے بھارتی مسلح افواج نے بدھ کی صبح پاکستان پر میزائل حملے کئے۔
ذریعہ: Islam Times
کلیدی لفظ: حملے کے بعد فضائی حملے پاکستان پر جانے والی گیا ہے کے لئے
پڑھیں:
برطانیہ کیلئے پروازوں کی بحالی پر بات چیت جاری ہے، چوہدری سالک
ویب ڈیسک: وفاقی وزیر برائے اوورسیز پاکستانی و ہیومن ریسورس ڈویلپمنٹ چوہدری سالک حسین نے کہا ہے کہ پاکستان انٹرنیشنل ایئرلائن (پی آئی اے) سمیت دیگر نجی ایئرلائنز کی پروازوں کی بحالی کے لیے بات چیت جاری ہے، جس کا مقصد برطانیہ کے مختلف شہروں کے لیے فضائی سہولتوں کو بہتر بنانا ہے۔
چوہدری سالک حسین کا کہنا تھا کہ ایئر سیال اور ایئر بلو کو بھی برمنگھم اور مانچسٹر کے لیے فلائٹ آپریشن شروع کرنے کا موقع دیا جانا چاہیے۔انہوں نے مزید کہا کہ وزیرِاعظم شہباز شریف کے خطاب کے دوران برطانیہ میں مقیم پاکستانی کمیونٹی نے جوش و خروش سے شرکت کی، جس سے اوورسیز پاکستانیوں کے ملک سے تعلق کا بھرپور اظہار ہوا۔
جلد کے ٹیٹوز سے اکتا کر چینی نوجوان دانتوں پر ٹیٹوز بنوانے لگے
یاد رہے کہ پاکستان انٹرنیشنل ایئرلائن (PIA) نے حال ہی میں اعلان کیا تھا کہ وہ اکتوبر 2025 سے برطانیہ کے لیے اپنی پروازیں دوبارہ شروع کرے گی۔ یہ پروازیں لاہور، کراچی اور اسلام آباد سے روانہ ہوں گی۔
ذرائع کے مطابق پاکستان سول ایوی ایشن اتھارٹی (CAA) نے برٹش ایئرویز کو بھی پاکستان کے لیے پروازیں دوبارہ شروع کرنے کی اجازت دے دی ہے۔مزید یہ کہ برٹش ایئرویز اور ورجن اٹلانٹک دونوں کی پروازیں ریاض کے ذریعے پاکستان آئیں گی جبکہ ورجن اٹلانٹک نے 2023 میں پاکستان کے لیے اپنی پروازیں معطل کر دی تھیں۔
بنگلادیش کرکٹ بورڈ میں پہلی مرتبہ خاتون سلیکٹر کا تقرر
کراچی میں پولیس کو نشانہ بنانے والے دہشت گردوں کے سلیپر سیل کی موجودگی کا انکشاف