گلگت بلتستان میں پہلی بار روڈ سیفٹی پالیسی متعارف کرانے کے لیے اہم اجلاس
اشاعت کی تاریخ: 8th, May 2025 GMT
ہوم سیکریٹری گلگت بلتستان نے کہا کہ صوبائی روڈ سیفٹی پالیسی کا مقصد انسانی جانوں کے تحفظ کو یقینی بنانا اور ٹرانسپورٹ کے شعبے میں نظم و ضبط کو فروغ دینا ہے۔ انہوں نے تمام محکموں کو پالیسی کے مؤثر نفاذ کے لیے مربوط حکمت عملی اپنانے کی ہدایت کی۔ اسلام ٹائمز۔ گلگت بلتستان میں پہلی مرتبہ صوبائی سطح پر روڈ سیفٹی پالیسی متعارف کرانے کے سلسلے میں ایک اہم اجلاس ہوم سیکریٹری گلگت بلتستان کی زیر صدارت منعقد ہوا۔ اجلاس میں ہوم ڈیپارٹمنٹ، ریسکیو 1122، محکمہ تعلیم، محکمہ ایکسائز اینڈ ٹیکسیشن، محکمہ سیاحت اور گلگت بلتستان پولیس سمیت دیگر متعلقہ اسٹیک ہولڈرز نے شرکت کی۔ اجلاس میں صوبے میں ٹریفک حادثات کی روک تھام، شہریوں کی حفاظت اور ٹرانسپورٹ کے نظام کو بہتر بنانے کے لیے متعدد اہم فیصلے کیے گئے۔ ان میں نجی اور عوامی ٹرانسپورٹ کے نظام کو منظم کرنا، گلگت بلتستان کے نوجوانوں اور سیاحوں کے لیے روڈ سیفٹی سے متعلق آگاہی مہم شروع کرنا، ڈرائیونگ لائسنس کی جانچ پڑتال کا عمل سخت کرنا، عوامی ٹرانسپورٹ کے معیار کو بہتر بنانا، بسوں میں دو ڈرائیورز کی تعیناتی اور مقررہ ٹائم اسٹیمپ کا نظام نافذ کرنے جیسے اقدامات کے حوالے سے فیصلے ہوئے۔ اس موقع پر ہوم سیکریٹری گلگت بلتستان نے کہا کہ صوبائی روڈ سیفٹی پالیسی کا مقصد انسانی جانوں کے تحفظ کو یقینی بنانا اور ٹرانسپورٹ کے شعبے میں نظم و ضبط کو فروغ دینا ہے۔ انہوں نے تمام محکموں کو پالیسی کے مؤثر نفاذ کے لیے مربوط حکمت عملی اپنانے کی ہدایت کی۔
.ذریعہ: Islam Times
کلیدی لفظ: ٹرانسپورٹ کے گلگت بلتستان کے لیے
پڑھیں:
مکمل آئین بھی دے دیں تو پھر بھی اپنے وسائل نہیں دینگے، سید علی رضوی کا سیمینار سے خطاب
گلگت میں ایم ڈبلیو ایم کے زیراہتمام "عالمی سازشیں اور ہماری ذمہ داریاں" کے عنوان سے سیمینار کا انعقاد کیا گیا۔ سیمینار میں گلگت بلتستان کے سیاسی، سماجی و مذہبی قائدین شریک ہوئے۔ سیمینار سے ایم ڈبلیو ایم کے مرکزی و صوبائی قائدین، عوامی ایکشن کمیٹی کے چیئرمین، جماعت اسلامی کے رہنماؤں نے خطاب کیا۔ متعلقہ فائیلیںاسلام ٹائمز۔ مجلس وحدت مسلمین گلگت بلتستان کے نومنتخب صدر سید علی رضوی نے کہا ہے کہ جی بی کے وسائل کو ہتھیانے کیلئے ممکن ہے کہ ہمیں مکمل آئینی صوبہ بنائیں، ہم واضح کرنا چاہتے ہیں کہ آپ ہمیں مکمل آئین بھی دے دیں پھر بھی ہم اپنے وسائل کی طرف آنکھ اٹھا کر دیکھنے کی اجازت نہیں دینگے۔ گلگت میں ایم ڈبلیو ایم کے زیراہتمام "عالمی سازشیں اور ہماری ذمہ داریاں" کے عنوان سے سیمینار کا انعقاد کیا گیا۔ سیمینار میں گلگت بلتستان کے سیاسی، سماجی و مذہبی قائدین شریک ہوئے۔ سیمینار سے ایم ڈبلیو ایم کے مرکزی و صوبائی قائدین، عوامی ایکشن کمیٹی کے چیئرمین، جماعت اسلامی کے رہنماؤں نے خطاب کیا۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/@ITNEWSUrduOfficial
پاک بھارت کشیدگی، شہری آبادیوں جنگی سائرن لگانے کی ہدایت