پاکستان کے پاس انڈیا کے 5 جہاز مار گرانے کا ثبوت کیا ہے؟
اشاعت کی تاریخ: 8th, May 2025 GMT
کشمیر میں دہشتگردانہ حملے کے بعد سے ہندوستان اور پاکستان کے درمیان کشیدگی میں اضافہ ہوا ہے۔ بدھ کے روز بھارت نے پاکستان کو نشانہ بنایا اور جوابی کارروائی میں پاکستان نے بھارت کے 5 طیارے اور 1 ڈرون کو مار گرایا۔
بھارت نے ابتدائی طور پر 3 طیاروں کی تباہی کا اعتراف کیا۔ مگر اس کے بعد بھارتی میڈیا کی جانب سے وہ تمام خبریں جس میں اعتراف کیا گیا، ڈیلیٹ کر دی گئیں۔ جس کی وجہ سے عوام میں ایک تشویش یہ پائی جارہی ہے کہ اگر پاکستان نے بھارت کے طیاروں کو مار گرایا ہے تو اس کا ثبوت کیا ہے؟
یہ بھی پڑھیں: پہلا موقع ہے جب رافیل طیارے تباہ ہوئے، فرانسیسی اہلکار کا اعتراف
وی نیوز نے چند ماہرین سے بات کی اور یہ جانا کہ پاکستان کے پاس آخر ثبوت کیا ہے؟
ریئر ایڈمائرل فیصل شاہ نے اس بارے میں بتایا کہ آج کا دور الیکٹرو میگنیٹک کا دور ہے، یعنی اب ریڈار کے ذریعے اپنی فضائی حدود اور سیکیورٹی کو برقرار رکھا جاتا ہے۔ خاص طور پر وہ مخصوص علاقہ یا جگہ جہاں سے خطرہ متوقع ہو، اسے مسلسل مانیٹر کیا جاتا ہے۔ دشمن کا ٹارگٹ سب سے پہلے ریڈار میں نمودار ہوتا ہے، اور جونہی وہ ظاہر ہوتا ہے، فوراً الرٹ جاری کردیا جاتا ہے کہ یہ ممکنہ خطرہ ہے۔
فیصل شاہ نے کہا کہ ریڈار پر جو کچھ بھی ہورہا ہوتا ہے، وہ مکمل طور پر ریکارڈ کیا جارہا ہوتا ہے۔ یہ ریکارڈنگ نہ صرف فوری طور پر دیکھی جاتی ہے بلکہ بعد میں بھی اس کا تجزیہ کیا جا سکتا ہے۔
یہ بھی پڑھیں: رافیل طیارے بنانے والی کمپنی کے شیئرز گرگئے
انہوں نے مزید بتایا کہ جب لڑائی ہوتی ہے اور دشمن کو نشانہ بنایا جاتا ہے تو آپ کا ہتھیار بھی ریلیز ہوتا ہے۔ جب وہ ہتھیار دشمن کے جہاز کو نشانہ بناتا ہے اور جہاز تباہ ہوکر زمین پر گرتا ہے تو یہ سب کچھ نہ صرف دیکھا جاسکتا ہے بلکہ ریڈار پر بھی مانیٹر کیا جا رہا ہوتا ہے۔ یہ تمام شواہد محفوظ ہوتے ہیں، اور بعد میں ان کا تجزیہ کیا جاتا ہے کہ واقعہ کیسے پیش آیا۔
ان کا کہنا ہے کہ جو جہاز کا ملبہ گرتا ہے، وہ بھی ایک اہم ثبوت ہوتا ہے۔ انڈین عوام کو وہ ملبہ ملا اور انہوں نے اس کی ویڈیوز بنا کر سوشل میڈیا پر اپلوڈ کیں۔ اسی طرح جو ہتھیار دشمن کے جہاز کو نشانہ بناتا ہے، اس کے باقیات بھی مقامی لوگوں کو ملے ہیں۔ یہ تمام شواہد مستند ہوتے ہیں جن کی بنیاد پر دعویٰ کیا جاتا ہے کہ دشمن کا طیارہ مار گرایا گیا ہے۔
یہ بھی پڑھیں: پاکستان نے جدید جنگی طیارہ ’رافیل‘ مار گرایا، فرانسیسی اعلیٰ عہدیدار نے بھی تصدیق کردی
انہوں نے مزید کہا کہ دشمن کو بھی یہ علم ہوتا ہے کہ ان کا جہاز تباہ ہوچکا ہے لیکن وہ اپنی عزت و وقار کی خاطر ان شواہد کو تسلیم کرنے سے انکار کرتا ہے۔
’2019 میں بھی ایسا ہی ہوا تھا۔ پاکستان نے ان کے2 جہاز گرائے تھے لیکن بھارت نے اس حقیقت کو ماننے سے انکار کردیا، اور جھوٹے پراپیگنڈا کے تحت جیت کا جشن منایا۔ ابھی نندن کو لائیو ٹرانسمیشن کے دوران واپس کرنے کا اعلان کیا گیا، اس کے بیانات بھی ریکارڈ کروائے گئے، اس کے باوجود بھارت نے حقیقت تسلیم نہیں کی۔‘
یہ بھی پڑھیں: پاک فضائیہ کا بھرپور جواب: 3 رافیل سمیت بھارت کے 5 جنگی طیارے اور ڈرون مار گرائے، آئی ایس پی آر
ایک سوال کے جواب میں فیصل شاہ نے بتایا کہ بھارت نے 2019 میں دعویٰ کیا کہ انہوں نے پاکستان کا ایک ایف-16 طیارہ مار گرایا ہے، جس کی پاکستان نے تردید کی کیونکہ ایسا کوئی واقعہ پیش ہی نہیں آیا تھا۔ بعد میں امریکا نے بھی بھارتی دعوے کی تردید کی اور کہا کہ بھارت نے پاکستان کا کوئی ایف-16 نہیں گرایا، کیونکہ یہ سب کچھ سیٹلائٹ اور ریڈار سے مانیٹر کیا جارہا تھا۔
انہوں نے کہا کہ اب غیر ملکی میڈیا نے بھی تسلیم کرلیا ہے کہ پاکستان نے انڈین طیارے گرائے تھے۔ یہ ایک بہت بڑا ثبوت ہے ان تمام افراد کے لیے جو اس حقیقت کو تسلیم کرنے سے انکار کررہے ہیں۔ وقت گزرنے کے ساتھ مزید شواہد سامنے آئیں گے،پاکستان نے تمام طیارے انڈین فضائی حدود کے اندر ہی گرائے، جس سے یہ ثابت ہوتا ہے کہ انڈین طیاروں کو پاکستانی حدود میں داخل ہونے کی اجازت نہیں دی گئی۔ اس سے یہ بھی ظاہر ہوتا ہے کہ ہماری نگرانی کی صلاحیت کتنی اعلیٰ سطح کی ہے۔
یہ بھی پڑھیں: پاک فضائیہ کی بروقت کارروائی، مقبوضہ کشمیر میں پیٹرولنگ کرتے بھارتی رافیل طیارے فرار ہونے پر مجبور
ان کا کہنا تھا کہ اب ٹیکنالوجی بہت ایڈوانس ہوچکی ہے۔ پرانے وقتوں میں گن کیمرا ہوا کرتے تھے۔ جن میں بلیک اینڈ وائٹ فلم بنا کرتی تھی۔ جب ہم اس کی رسائی حاصل کرتے تھے تو ہمیں پتا چلتا تھا کہ ٹارگٹ تباہ ہوا ہے یا نہیں۔ مگر آج کل الیکٹرو میگنیٹک کا زمانہ ہے اور یہ جو بی وی آر ٹیکنالوجی ہے۔ جس میں تیارے کو دیکھے بغیر مارا جاتا ہے۔ کیونکہ اس میں ٹارگٹ نظر ہی نہیں آتا۔ مگر اس کی رینج اور باقی تمام چیزیں آرہی ہوتی ہیں۔ اس لیے ہر پائلٹ کے جہاز کے اندر ڈیجیٹل ثبوت ہوتا ہے۔ اور اسی سے تصدیق ہوتی ہے۔ اور پھر 3 سے 4 لوگوں نے مزید تصدیق کی۔ جب بھٹنڈا، اونتی پور، پامپورہ اور دیگر جگہوں پر ان کے طیارے گرے ہوئے ملے۔
3 کی تصدیق تو بھارتی میڈیا نے خود کی تھی۔ بھارتی فورسز اور بھارتی میڈیا کبھی بھی اعتراف نہیں کرے گا۔
یہ بھی پڑھیں: بھارتی رافیل کی رینج 150 جبکہ پاکستانی جے10 سی کی 200 کلومیٹر ہے، ایئر کموڈور ریٹائرڈ خالد چشتی
’ ہمارے پاس ڈیجیٹل ثبوت آرہا تھا کہ اس کی رینج کیا تھی، اینگل کیا تھا، کتنا بڑا ٹارگٹ تھا، لاک اپ کس وقت ہوا، وہ ٹون کس وقت آئی جو انڈیکیٹ کرتی ہے کہ آپ میزائل کو فائر کریں، تو یہ تمام ثبوت ہمارے پاس ہیں۔ تصدیق بھارتی میڈیا نے بھی کی، لیکن بھارتی فورسز اور حکومت نہیں مانے گی۔‘
بی وی آر، طیارے کو دیکھے بغیر مارنے کی ٹیکنالوجی کیا ہے؟بی وی آر میزائل کا مطلب ہے وہ ہتھیار جو بصری حد سے کہیں آگے دشمن کے طیارے کو نشانہ بناتا ہے۔ یہ میزائل ریڈار، ڈیٹا لنک اور مصنوعی ذہانت پر انحصار کرتے ہیں اور جدید فضائی جنگ کا فیصلہ انہی کے ذریعے ہوتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: بھارتی میڈیا پاکستان نے مار گرایا انہوں نے کو نشانہ بھارت نے ہوتا ہے جاتا ہے کیا ہے نے بھی
پڑھیں:
صدر مملکت ، وزیر اعظم وفاقی وزیر داخلہ اور وزیر اعلیٰ سندھ کا بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش
سٹی 42:صدر مملکت ، وزیر اعظم وفاقی وزیر داخلہ اور وزیر اعلیٰ سندھ نے بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش کی
وزیراعلیٰ سندھ سید مراد علی شاہ نے بلوچستان میں 17 بھارتی حمایت یافتہ دہشتگردوں کی ہلاکت پر سیکیورٹی فورسز کو خراج تحسین پیش کرتے ہوئے کہا ملک دشمن عناصر کو سختی سے کچلا جائے گا۔سیکیورٹی فورسز کی قربانیوں کو ہمیشہ یاد رکھا جائے گا۔پوری قوم کو اپنے جوانوں پر فخر کرتی ہے۔آخری دہشتگرد کے خاتمے تک آپریشن جاری رہے گا۔وفاقی وزیرداخلہ محسن نقوی نے بلوچستان کے مختلف اضلاع میں بھارتی سپانسرڈ دہشتگردوں کے خلاف کامیاب آپریشنز پر سکیورٹی فورسز کی ستائش کی ۔ وزیرداخلہ محسن نقوی نے 17 بھارتی سپانسرڈ دہشتگردوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہا ۔ محسن نقوی نے کہا سکیورٹی فورسز نے بروقت کارروائیاں کرکے بلوچستان میں بھارتی سپانسرڈ دہشتگردوں کے مذموم عزائم کو ناکام بنایا۔ 17 بھارتی سپانسرڈ دہشتگردوں کو عبرتناک انجام تک پہنچانے پر سکیورٹی فورسز کو خراج تحسین پیش کرتا ہوں۔ پوری قوم کو سکیورٹی فورسز کے بہادر سپوتوں پر مان ہے ۔ دہشتگردی کے خلاف قوم سکیورٹی فورسز کے شانہ بشانہ کھڑی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سیکیورٹی فورسز کو خراجِ تحسین پیش کیا ۔ انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سیکیورٹی فورسز کی پیشہ ورانہ صلاحیتوں اور بہادری کو سراہا۔ وزیراعظم نے بھارتی سرپرستی میں سرگرم 17 فتنتہ الھندوستان کے دہشت گردوں کو ہلاک کرنے پر سیکیورٹی فورسز کو خراج تحسین پیش کرتے ہوئے کہا قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔دہشت گردی کے خلاف جنگ میں سیکیورٹی فورسز کی کامیابیاں پوری قوم کے عزم اور اتحاد کی عکاس ہیں، بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا۔پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔دہشت گردی کے ناسور کے مکمل خاتمے کے لیے حکومت سیکیورٹی فورسز اور قانون نافذ کرنے والے اداروں کے شانہ بشانہ کھڑی ہے۔پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
صدرِ مملکت آصف علی زرداری نے بلوچستان میں فتنۂ الہندوستان کے خلاف کامیاب کارروائیوں پر سیکیورٹی فورسز کو خراجِ تحسین پیش کیا ۔ صدرِ مملکت نے مستونگ، نوشکی، زہری، خضدار اور کیچ میں دہشت گردوں کے خلاف مؤثر کارروائیوں میں 17 دہشت گردوں کی ہلاکت کو سراہا ۔ صدر مملکت نے کہا ملک سے بیرونی سرپرستی میں ہونے والی دہشتگردی کے ناسور کا جڑ سے خاتمہ کیا جانا اولین ترجیح ہے۔فتنۂ ہندوستان اور اس کے سہولت کاروں کے مذموم عزائم کبھی کامیاب نہیں ہوں گے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ