جاپانی جارحیت کے خلاف چینی عوامی مزاحمتی جنگ اور سوویت یونین کی عظیم حب الوطنی کی جنگ کی 80ویں سالگرہ پرچین روس ثقافتی تبادلے کی سرگرمی کا انعقاد
اشاعت کی تاریخ: 8th, May 2025 GMT
ماسکو:چینی صدر شی جن پھنگ کے روس کے سرکاری دورے اور عظیم حب الوطنی کی جنگ میں سوویت یونین کی فتح کی 80ویں سالگرہ کی تقریبات میں شرکت کے موقع پر چائنا میڈیا گروپ اور آل رشین اسٹیٹ ٹیلی ویژن اور ریڈیو کے اشتراک سے زیر اہتمام “امن کی مشعل، دور کا نیا باب “نامی چین روس افرادی و ثقافتی تبادلوں کی سرگرمی ماسکو میں منعقد کی گئی ۔ تقریب میں چین کے صدر شی جن پھنگ اور روسی صدر ولادیمیر پیوٹن کی جانب سے مبارکباد کے خطوط پڑھ کر سنائے گئے۔ روس اور چین کے سیاسی، اقتصادی، ثقافتی، تعلیمی، میڈیا اور دیگر شعبوں سے تعلق رکھنے والے 200 سے زائد مہمانوں نے تقریب میں شرکت کی۔سی پی سی سینٹرل کمیٹی کے شعبہ تشہیر کے نائب سربراہ اور چائنا میڈیا گروپ کے صدر شین ہائی شیونگ نے تقریب سے اپنی تقریر میں کہا کہ صدر شی جن پھنگ اور صدر پیوٹن کی جانب سے تہنیتی خطوط ہمیں جوش اور حوصلہ فراہم کرتے ہیں، جو چائنا میڈیا گروپ، آل رشین سرکاری ٹیلی ویژن اور ریڈیو اور دونوں ممالک کے میڈیا اہلکاروں کی چین روس دوستی کو فروغ دینے اور تبادلوں اور تعاون کو گہرا کرنے میں حاصل شدہ کامیابیوں کی سب سے بڑی تصدیق ہے۔ دونوں سربراہان مملکت کی جانب سے تہنیتی خطوط دونوں ممالک کے میڈیا کی حوصلہ افزائی کریں گے کہ وہ چین روس تعلقات کی مزید ترقی اور انسانیت کے ہم نصیب معاشرے کی تعمیر میں نیا کردار ادا کریں۔ چائنا میڈیا گروپ بہترین پروگرامز کے ساتھ دونوں ممالک کے عوام کے درمیان ایک ثقافتی پل تعمیر کرے گا اور وسیع تر تبادلوں اور تعاون کے ساتھ نئے دور میں چین روس جامع اسٹریٹجک شراکت داری کو فروغ دے گا۔روس میں 2025 کا “چینی فلم فیسٹیول”، اور چائنا میڈیا گروپ اور آل رشین سرکاری ٹیلی ویژن اور ریڈیو کی جانب سے مشترکہ طور پر شروع کی گئی “امپرنٹ آف پیس” تھیم میڈیا مہم کا آغاز بھی اس تقریب میں کیا گیا۔
Post Views: 5.ذریعہ: Daily Mumtaz
کلیدی لفظ: چائنا میڈیا گروپ کی جانب سے چین روس
پڑھیں:
پشاور، جماعت اسلامی کی جانب سے اجتماعی شادیوں کی تقریب
الخدمت فاؤنڈیشن کے تحت "آسان نکاح پروگرام" میں پشاور کے مختلف علاقوں سے تعلق رکھنے والی مزید 31 یتیم اور نادار بچیوں کو لاکھوں روپے مالیت کے روزمرہ گھریلو استعمال کی ضروری اشیاء پر مشتمل جہیز سیٹ فراہم کیے گئے۔ چھوٹی تصاویر تصاویر کی فہرست سلائیڈ شو
پشاور، جماعت اسلامی کی جانب سے اجتماعی شادیوں کی تقریب
پشاور، جماعت اسلامی کی جانب سے اجتماعی شادیوں کی تقریب
پشاور، جماعت اسلامی کی جانب سے اجتماعی شادیوں کی تقریب
پشاور، جماعت اسلامی کی جانب سے اجتماعی شادیوں کی تقریب
پشاور، جماعت اسلامی کی جانب سے اجتماعی شادیوں کی تقریب
پشاور، جماعت اسلامی کی جانب سے اجتماعی شادیوں کی تقریب
پشاور، جماعت اسلامی کی جانب سے اجتماعی شادیوں کی تقریب
پشاور، جماعت اسلامی کی جانب سے اجتماعی شادیوں کی تقریب
پشاور، جماعت اسلامی کی جانب سے اجتماعی شادیوں کی تقریب
اسلام ٹائمز۔ جماعت اسلامی کے فلاحی شعبہ الخدمت فاؤنڈیشن کے تحت "آسان نکاح پروگرام" میں پشاور کے مختلف علاقوں سے تعلق رکھنے والی مزید 31 یتیم اور نادار بچیوں کو لاکھوں روپے مالیت کے روزمرہ گھریلو استعمال کی ضروری اشیاء پر مشتمل جہیز سیٹ فراہم کیے گئے۔ اس سلسلے میں الخدمت فاؤنڈیشن پشاور کے تحت پیراماؤنٹ شادی ہال نادرن بائی پاس پشاور میں جماعت اسلامی کے ضلعی امیر بحراللہ خان ایڈوکیٹ کی زیر صدارت اجتماعی شادیوں کی پُروقار تقریب کا انعقاد کیا گیا۔ اس موقع پر سیکرٹری جنرل جماعت اسلامی پاکستان امیرالعظیم مہمانِ خصوصی تھے۔ تقریب میں الخدمت فاؤنڈیشن کے مرکزی نائب صدر ذکراللہ مجاہد، پیپلز پارٹی کے سابق صوبائی وزیر سید ظاہر علی شاہ، جماعت اسلامی کے صوبائی امیر عبدالواسع، الخدمت کے صوبائی صدر خالد وقاص، ضلعی صدر ارباب عبدالحسیب، اے ڈی سی ریلیف عظمیٰ مکرم اور سرحد چیمبر آف کامرس صدر جنید الطاف سمیت معززینِ شہر اور مخیر افراد نے شرکت کی۔ اس موقع پر جماعت اسلامی کے صوبائی امیر عبدالواسع نے 31 جوڑوں کا نکاح پڑھایا۔ الخدمت فاؤنڈیشن کی جانب سے 31 یتیم بچیوں اور مستحق جوڑوں کو فی جوڑا ڈھائی لاکھ روپے مالیت کا روزمرہ گھریلو استعمال پر مشتمل امدادی سامان فراہم کیا گیا۔
کور کمانڈر پشاور کی وزیراعلیٰ سہیل آفریدی سے ملاقات