دارالحکومت کی تمام بلند عمارتوں پر ہنگامی سائرن نصب
اشاعت کی تاریخ: 8th, May 2025 GMT
ویب ڈیسک : پاک بھارت کشیدگی کے بعد وفاقی دارالحکومت میں ڈی سی اسلام آباد کی زیر صدارت ضلعی انتظامیہ کا ہنگامی اجلاس طلب کیا گیا ہے، اجلاس میں ہنگامی صورتحال سے نمٹنے کے حوالے سے اقدامات کا جائزہ لیا گیا ۔
اجلاس میں تمام اے ڈی سیز، اسسٹنٹ کمشنرز اور مجسٹریٹس نے شرکت کی۔ اجلاس میں ہنگامی صورتحال سے نمٹنے کے حوالے سے اقدامات کا جائزہ لیا گیا۔
اجلاس میں دی جانے والی بریفنگ کے مطابق شہر بھر کی تمام بلند عمارتوں پر ہنگامی سائرن نصب کر دئیے گئے ہیں، ہنگامی صورتحال میں متاثرین کے شیلٹرز کے لیے جگہیں مختص کر دی گئیں، سیف سٹی کمپلیکس میں 24/7 کنٹرول روم بھی قائم کر دیا گیا، ہسپتالوں میں ہنگامی صورتحال کے تحت وار بک رولز کا نفاذ مکمل کر لیا گیا، مختلف ہسپتالوں میں بلڈ ریلیف کیمپس بھی قائم کر دئیے گئے۔
پنجاب بھر کے سکولوں میں تعطیلات کا اعلان
بریفنگ میں بتایا گیا کہ سبزیوں، دالوں اور دیگر اشیاء کے اضافی سٹاک کے حوالے سے مارکیٹ کمیٹی کی تیاریاں مکمل کرلی گئیں۔ پیٹرول پمپس پر اضافی سٹاک کی دستیابی کے حوالے سے بھی لائحہ عمل تیار کرلیا گیا ہے۔ اس کے علاوہ ہنگامی صورتحال میں مساجد سے اعلانات کے لیے کوآرڈینیشن مکمل کر لی گئی، ہنگامی حالات کے حوالے سے نوجوانوں کو بطور والنٹیر تربیت دے رہے ہیں۔
ڈی سی اسلام آباد عرفان میمن کا کہنا ہے کہ صورتحال کے پیش نظر تمام افسران ہمہ وقت فیلڈ میں موجود رہیں، شہری کسی بھی ہنگامی صورتحال میں فی الفور کنٹرول روم پر رابطہ کریں۔ انہوں نے کہا کہ شہری سائرن کی آواز یا ناخوشگوار واقعہ رپورٹ ہوتے ہی کنٹرول روم سے تصدیق کریں۔
علی امین گنڈا پور کا اڈیالہ جیل کی جانب پیدل مارچ، پولیس سے تلخ کلامی
اجلاس میں گھروں کی لائٹس بند کرنے کے حوالے سے خبروں کی تردید کی گئی۔ ڈی سی کی جانب سے اپیل کی گئی ہے کہ نازک صورتحال میں شہری کسی بھی غیر تصدیق شدہ خبر پر کان نہ دھریں۔
.ذریعہ: City 42
کلیدی لفظ: ہنگامی صورتحال صورتحال میں کے حوالے سے اجلاس میں
پڑھیں:
جنوبی وزیرستان میں سیلاب متاثرین کی بحالی، ایف سی ساؤتھ کے ہنگامی اقدامات
جنوبی وزیرستان کا علاقہ سرواکئی سیلاب سے سب سے زیادہ متاثر ہوا ہے، متاثرہ علاقوں میں عوام کی مدد میں فرنٹیئر کور خیبر پختونخوا ساؤتھ نے قابل قدر کردار ادا کیا۔
ایف سی ساؤتھ اور سول انتظامیہ نے مشترکہ اقدامات سے متاثرہ علاقوں میں بحالی کا عمل شروع کیا۔ ٹوٹے راستے اور بہہ جانے والے پل ازسرنو تعمیر کر کے آمد و رفت بحال کی گئی۔
مقامی کمانڈر نے عمائدین اور مشران کے ساتھ جرگہ منعقد کر کے مسائل سنے۔
سیلاب سے متاثرہ خاندانوں میں ریلیف پیکجز بھی تقسیم کیے گئے۔ پیکجز میں بستر، کپڑے، اشیائے خورونوش، پھل اور دیگر ضروری سامان شامل تھے۔
عوام نے ایف سی ساؤتھ کی بروقت امداد اور خدمات پر اطمینان اور شکریہ ادا کیا۔
دوحا پر اسرائیلی حملہ: پاکستان اور کویت کی درخواست پر سلامتی کونسل کا غیر معمولی اجلاس آج