ایمرجنسی اورکسی بھی ناگہانی حالات میں ہمہ وقت الرٹ ہیں؛ ایس پی ڈولفن
اشاعت کی تاریخ: 9th, May 2025 GMT
سٹی 42 : ایس پی ڈولفن ارسلان زاہد نے کہا ہے کہ ایمرجنسی،جنگی حالات،کسی بھی ناگہانی حالات میں ہمہ وقت الرٹ ہیں۔
ترجمان ڈولفن کے مطابق ایس پی ڈولفن ارسلان زاہد نے شہر بھر میں خود پٹرولنگ،ڈولفن،پی آر یو کو چیک کیا، ایس پی ڈولفن کی ایلیٹ ٹیموں سے بھی ملاقات ہوئی۔
ایس پی ڈولفن نے اس موقع پر گفتگو میں کہا کہ ایمرجنسی،جنگی حالات،کسی بھی ناگہانی حالات میں ہمہ وقت الرٹ ہیں، پنجاپ پولیس پاک آرمی کے شانہ بشانہ کھڑی ہے۔
پنجاب بھر کے سکولوں میں تعطیلات کا اعلان
ترجمان ڈولفن کا کہنا ہے کہ ایس پی ڈولفن فیلڈ میں جوانوں کا لہو گرماتے رہے، ڈیوٹی پر مامور افسران،جوانوں کو شہریوں سے خوش اخلاقی کی ہدایت کی گئی۔ اس کے علاوہ انہوں نے کینٹ ڈویژن کی ٹیموں،سیکٹر انچارجز کی مختلف پوائنٹس پر چیکنگ کی۔
ارسلان زاہد نے کہا کہ 15کی کال پرفوری رسپانس یقینی بنایا جائے ۔
.ذریعہ: City 42
پڑھیں:
زاہد احمد کا ڈیجیٹل کریئیٹرز کے خلاف بیان پر یو ٹرن
معروف اداکار زاہد احمد نے سوشل میڈیا پر اپنے متنازع بیان پر وضاحت دیتے ہوئے کہا ہے کہ اُن کے الفاظ کا غلط مطلب لیا گیا۔
زاہد احمد کئی مشہور ڈراموں میں شاندار اداکاری سے شہرت حاصل کرچکے ہیں، ان دنوں ڈرامہ ’دل ڈھونڈتا ہے پھر وہی‘ میں اپنی عمدہ کارکردگی سے داد سمیٹ رہے ہیں، ان کے انسٹاگرام پر 14 لاکھ سے زائد فالوورز ہیں اور وہ اکثر مذہب اور ایمان کے موضوع پر گفتگو کرتے نظر آتے ہیں۔
حال ہی میں ایک پوڈکاسٹ میں زاہد احمد کے ایک بیان نے ہنگامہ برپا کردیا تھا، جس میں انہوں نے سوشل میڈیا اور ڈیجیٹل کریئیٹرز کے بارے میں سخت ریمارکس دیے تھے، بعدازاں زاہد احمد نے انسٹاگرام پر وضاحتی ویڈیو جاری کرتے ہوئے کہا کہ ان کے بیان کا مطلب غلط سمجھا گیا۔
View this post on InstagramA post shared by Zahid Ahmed (@zahid.ahmed.official)
زاہد احمد نے کہا، ’میں پوڈکاسٹ میں سوشل میڈیا کے موجدین کے بارے میں بات کر رہا تھا، ڈیجیٹل کریئیٹرز کے بارے میں نہیں، میں نے انہیں جہنمی کہا، جو میری غلطی تھی، مجھے افسوس ہے کیونکہ میں نے جذبات میں آکر بات کی، مجھے کسی کے جنت یا جہنم کا فیصلہ کرنے کا حق نہیں، یہ اللّٰہ کا کام ہے، میں اپنی بات درست کرنا چاہتا تھا کیونکہ مجھ سے بہت سے نوجوان متاثر ہوتے ہیں، اور میں دین سے متعلق غلط پیغام نہیں دینا چاہتا۔‘
اداکار کی اس وضاحت پر سوشل میڈیا پر ملا جلا ردِعمل سامنے آیا ہے، کئی صارفین نے زاہد احمد کی تعریف کرتے ہوئے کہا کہ اپنی غلطی تسلیم کرنا ایک بہادرانہ عمل ہے اور انہوں نے عاجزی دکھا کر اپنی عظمت ثابت کی۔
دوسری جانب کچھ صارفین نے طنز کرتے ہوئے کہا کہ زاہد احمد کا سافٹ ویئر اپڈیٹ ہوگیا ہے، یعنی انہوں نے عوامی ردعمل کے بعد مؤقف بدل لیا۔
کچھ صارفین نے زاہد احمد اور ٹک ٹاکرز دونوں کو تنقید کا نشانہ بنایا، یہ کہتے ہوئے کہ دونوں فریق اپنی حد سے تجاوز کر رہے ہیں، کچھ نے مواد تخلیق کاروں پر الزام لگایا کہ وہ زاہد احمد کی بات کو سمجھ ہی نہیں پائے۔
ہماری کوشش ہے عمران خان اور اسٹیبلشمنٹ کے درمیان رابطے کا کردار ادا کیا جائے، محمود مولوی