پاکستان میں ظلم وناانصافی کانظام جاری ہے ،رفیق منصوری
اشاعت کی تاریخ: 7th, November 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوآدم ( نمائندہ جسارت) جماعت اسلامی کا کل پاکستان اجتماع عام مایوسی کے اندھیروں میں امید کی شمع روشن کرے گا پاکستان میں ظلم او ناانصافی کا نظام جاری ہے اسلام مخالف تمام باطل نظریات بری طرح ناکام ہوچکے ہیں ، اسلام ہی نجات کا راستہ ہے۔ان خیالات کا اظہار جماعت اسلامی ضلع سانگھڑ کیامیر محمد رفیق منصوری نے ہتھنگو میں کارکنان کے ساتھ اجتماع عام کی تیاریوں کے جائزے کے سلسلے میں گفتگو کرتے ہوئے کیا۔ انہوں نے کہا کہ اجتماع عام مایوسی کے اندھیروں میں امید کی شمع روشن کرے گا پاکستان میں ظلم و ناانصافی کا نظام جاری ہے۔ اسلام مخالف نظریات بری طرح ناکام ہوچکے ہیں ،اسلام ہی نجات کا راستہ ہے ، حکومت قوم کو عدل فراہم کرسکی ہے نہ انصاف حکومت کے تمام ادارے بری طرح ناکام ہوچکے ہیں اور پرائیوٹ اداروں کا چلنا مشکل ترین بنا دیا ہے عوام مایوسی اور مشکلات کا شکار ہیں مسائل کا ایک ہی حل ہے دیانت دار قیادت اور شریعت کا نفاذ ، جماعت اسلامی ہر مشکل وقت میں عوام کے ساتھ کھڑی رہی ہے عوام کی مدد کیلئے کوشاں رہی ہے عوام کو بھی سمجھنا چاہیے کہ بحیثیت مسلمان ہم کیوں اور کس طرح ان طاقتوں کے ہاتھوں یرغمال ہیں جن کی واحد خوبی اور صفت دین بیزار قوتوں کے ساتھ مل کر ملک میں لاقانونیت کو فروغ دینا ہے ، لیکن جماعت اسلامی دشمن کے تمام ارادوں اور عزائم سے باخبر ہے عدل و انصاف اور شریعت کی بالادستی کیلئے اپنی کوشش جاری رکھے گی 21,22,23 نومبر کو مینار پاکستان لاہور پر ہونے والا اجتماع عام ظلم کے نظام کو بدلنے کی جدوجہد میں سنگ میل ثابت ہوگا انہوں نے تمام لوگوں کو اجتماع عام میں شریک ہونے کی دعوت دی اور زیادہ سے زیادہ لوگوں کو اس مقصد کیلئے تیار کیا جائے۔اجلاس سے جماعت اسلامی ضلع سانگھڑ کے نائب امیر ظہیرالدین جتوئی ، نائب قیم راجہ وسیم احمد نے بھی خطاب کیا جبکہ اس موقع پر جماعت اسلامی ہتھنگو کے رہنما جان محمد کنبھر، حنیف قائمخانی ، رشید راجپوت مشتاق احمد ملک اور فردوس ملک بھی موجود تھے۔ جماعت اسلامی کے رہنمائوں نے اس سے قبل کھپرو کی سماجی شخصیت نزیر احمد ملک کے برادر محمد رشید ملک کے انتقال پر ان کے لواحقین نزیر احمد ملک استاد رفیق ملک و دیگر سے تعزیت بھی کی۔
ذریعہ: Jasarat News
کلیدی لفظ: جماعت اسلامی
پڑھیں:
جماعت اسلامی کا لاہور اجتماع عام تبدیلی کا آغاز ثابت ہوگا،منعم ظفر خان
data-id="863a0a8" data-element_type="widget" data-widget_type="theme-post-content.default">
کراچی:امیر جماعت اسلامی کراچی منعم ظفر خان نے کہا ہے کہ جماعت اسلامی کا لاہور میں ہونے والا “اجتماع عام” ملک میں حقیقی تبدیلی کا پیش خیمہ ثابت ہوگا، 21 سے 23 نومبر تک منعقد ہونے والے اس بڑے اجتماع میں ملک بھر سے تاجر، مزدور، کسان، خواتین اور نوجوان شریک ہوں گے، جو ظالمانہ نظام کے خاتمے اور ملک میں عدل و انصاف پر مبنی نظام کے قیام کا لائحہ عمل طے کریں گے۔
ادارہ نور حق میں منعقدہ تاجروں کے نمائندہ اجلاس سے خطاب کرتے ہوئے منعم ظفر خان نے کہا کہ کراچی میں ای چالان کے نام پر عوام پر مسلط کیے گئے بھاری جرمانے سراسر ظلم ہیں، جماعت اسلامی نے اس ظالمانہ قانون کو سندھ ہائی کورٹ میں چیلنج کر دیا ہے، اور اگر عوام کو ریلیف نہ ملا تو سڑکوں پر احتجاج بھی کیا جائے گا۔
انہوں نے کہا کہ بدل دو نظام کے نعرے کے تحت ہونے والا لاہور کا اجتماع عام ملک میں جاگیرداروں اور وڈیروں کے استحصالی نظام کے خلاف عوامی بیداری پیدا کرے گا، منعم ظفر خان نے تاجروں کو دعوت دی کہ وہ اس تاریخی اجتماع میں بھرپور شرکت کریں۔
اجلاس میں کراچی کے مختلف تجارتی علاقوں سے تعلق رکھنے والے رہنماؤں نے شرکت کی اور اجتماع عام میں بھرپور شرکت کا عزم ظاہر کیا، تاجروں نے اس موقع پر 7 رکنی کمیٹی تشکیل دی جو اجتماع عام کے انتظامات میں تعاون کرے گی۔
کراچی تاجر اتحاد کے چیئرمین عتیق میر نے اجلاس سے خطاب کرتے ہوئے کہا کہ تاجر برادری برسوں سے مسائل کا شکار ہے لیکن ان کے حل کے لیے کوئی سنجیدہ کوشش نہیں کی گئی، عوام کی خاموشی نے حالات کو ناسور بنا دیا ہے، اب وقت آ گیا ہے کہ ہم سب مل کر اس نظام کو بدلنے کے لیے آواز اٹھائیں۔
کوآپریٹو مارکیٹ کے جنرل سیکریٹری محمد اسلم خان نے کہا کہ سندھ حکومت نے ای چالان کے نام پر عوام سے لوٹ مار شروع کر دی ہے جبکہ کے الیکٹرک نے بلوں میں اضافی ٹیکس لگا کر شہریوں پر مزید بوجھ ڈال دیا ہے۔
واٹر پمپ ٹریڈرز ایسوسی ایشن کے رہنما عارف اسماعیل کا کہنا تھا کہ چالان سے پہلے عوام کو تربیت دی جائے اور سڑکوں کی حالت بہتر بنائی جائے۔ بولٹن مارکیٹ ٹریڈرز اتحاد کے صدر شریف میمن نے کہا کہ ایک نظام درست کیے بغیر دوسرا سسٹم مسلط کر دیا جاتا ہے، شہریوں کے لیے بنیادی سہولیات بھی میسر نہیں ہیں۔
کیماڑی تھانہ جیکسن، ایس ایچ او گٹکا ماوا کنگ کے سامنے بے بس نکلا