اصغریہ تحریک کا 16 مئی کو مردہ باد امریکا و اسرائیل کیساتھ مردہ باد بھارت کا نعرہ بھی لگانے کا اعلان
اشاعت کی تاریخ: 9th, May 2025 GMT
اپنے بیان میں ڈویژنل صدر عاطف مہدی سیال نے کہا کہ دنیا کے دو بڑے دہشتگرد اسرائیل اور بھارت ہیں، جن کو امریکا کی حمایت حاصل ہے، اسرائیل اور بھارت کی دہشتگردگی کے پیچھے امریکا کا ہاتھ ہے، اس لیے رواں سال مردہ امریکا و اسرائیل کے ساتھ مردہ باد بھارت بھی منانے کا اعلان کرتے ہیں۔ اسلام ٹائمز۔ اصغریہ علم و عمل تحریک پاکستان حیدرآباد ڈویژن کے صدر عاطف مہدی سیال نے اعلان کیا ہے کہ 16 مئی کو مردہ باد امریکا و اسرائیل کیساتھ مردہ باد بھارت کا نعرہ بھی لگائیں گے۔ اپنے ایک بیان میں عاطف مہدی نے کہا کہ بھارت کا معصوم شہریوں پر حملہ کرنا ایک بزدلانہ کارروائی ہے، جس شدید مذمت کرتے ہیں، اس ظلم کے خلاف ڈٹ کر کھڑے رہنے والے اور بھارت کی جارحیت کے خلاف اس کو منہ توڑ جواب دینے والے جوانان کو خراج تحسین پیش کرتے ہیں۔ انہوں نے مزید کہا کہ یہ جوان ہمارے سروں کے تاج ہیں، جو بغیر آسائشوں کے اپنی قوم کی حفاظت کیلئے جنگ کے میدان میں حاضر ہیں، بھارت سے جنگ کیلئے ہم ہر محاذ پر ان جوانوں کے ساتھ کھڑے ہونگے۔ انہوں نے کہا کہ 16 مئی وہ دن ہے، جس دن امریکا اور برطانیہ نے اپنے ناپاک مقاصد حاصل کرنے کیلئے اسرائیل کے ناجائز وجود کو جنم دیا۔
عاطف مہدی سیال نے کہا کہ شہید قائد علامہ سید عارف حسین الحسینیؒ نے 16 مئی کو مردہ باد امریکا و اسرائیل منانے کا حکم دیا، شہید قائد کے حکم پر لبیک کہتے ہوئے تنظیم کی طرف سے ہر سال 16 مئی کو مردہ باد امریکا و اسرائیل ریلیوں کا انعقاد کیا جاتا ہے، رواں سال بھی پورے پاکستان کی طرح حیدرآباد ڈویژن میں بھی مردہ باد امریکا و اسرائیل ریلیوں کا انعقاد کیا جائیگا۔ انہوں نے کہا کہ دنیا کے دو بڑے دہشتگرد اسرائیل اور بھارت ہیں، جن کو امریکا کی حمایت حاصل ہے، اسرائیل اور بھارت کی دہشتگردگی کے پیچھے امریکا کا ہاتھ ہے، اس لیے رواں سال مردہ امریکا و اسرائیل کے ساتھ مردہ باد بھارت بھی منانے کا اعلان کرتے ہیں۔ انہوں نے کہا کہ اصغریہ علم و عمل تحریک حیدرآباد ڈویژن کی جانب سے پورے ڈویژن میں 16 مئی کو مردہ باد امریکا، اسرائیل و بھارت ریلیاں نکالی جائیں گی، جبکہ مرکزی ریلی 18 مئی کو حیدرآباد میں نکالی جائیگی۔
ذریعہ: Islam Times
کلیدی لفظ: مئی کو مردہ باد امریکا و اسرائیل اسرائیل اور بھارت مردہ باد بھارت نے کہا کہ کرتے ہیں انہوں نے
پڑھیں:
فواد خان کیساتھ فلم کرنے والی وانی کپور ہانیہ اور دلجیت کے حق میں بول پڑیں
بھارتی اداکارہ وانی کپور نے دلجیت دوسانجھ اور ہانیہ عامر کی فلم کے دفاع میں بیان دیا ہے۔
حالیہ پاک بھارت کشیدگی کے بعد سردار جی 3 میں پاکستانی اداکارہ ہانیہ عامر کے ساتھ کام کرنے پر پنجابی بھارتی گلوکار و اداکار دلجیت دوسانجھ کو تنقید کا سامنا کرنا پڑا ہے، جس کی وجہ سے بھارت میں اس فلم کی ریلیز پر پابندی لگا دی گئی ہے۔
سوشل میڈیا پر بھی اس معاملے پر دلجیت دوسانجھ کیخلاف زبردست بائیکاٹ مہم چلائی گئی جو اب تک جاری ہے۔ تاہم جہاں ایک طرف دلجیت پر سخت تنقید کی گئی، وہیں مداحوں سمیت چند ساتھی فنکاروں نے ان کے حق میں آواز بھی بلند کی جن میں بالی ووڈ اداکارہ وانی کپور سرفہرست ہیں۔
ایک حالیہ انٹرویو میں اداکارہ وانی کپور نے دلجیت دوسانجھ کا دفاع کرتے ہوئے کہا ہے کہ انہوں نے کوئی قانون نہیں توڑا۔ انہوں نے این ڈی ٹی وی سے بات کرتے ہوئے کہا کہ یہ فلم ممکنہ طور پر اس واقعے سے پہلے مکمل کی گئی تھی، جس میں 100 سے زائد تکنیکی عملے نے بھی کام کیا۔
وانی نے مزید کہا کہ دلجیت کی نیت کبھی ملک کی بے احترامی کی نہیں اور وہ ایک عالمی شہرت یافتہ فنکار ہیں اور ان کی سرمایہ کاری اس فلم میں لگی ہوگی جس میں ممکنہ طور پر ان کا نقصان بھی ہوا ہوگا۔
یاد رہے کہ سردار جی 3 کی بھارت میں پابندی پہلگام واقعے اور بھارت کی ناکام فوجی کارروائی "آپریشن سندور" کے بعد لگی ہے، جس کی وجہ سے پاکستان کے ساتھ ثقافتی تبادلے پر سخت موقف اپنایا گیا ہے۔
کئی بھارتی فنکاروں نے دلجیت دوسانجھ کی مخالفت کی اور ان کی فلم کا بائیکاٹ کیا لیکن ناصیر الدین شاہ نے بھی ان کے حق میں کھڑے ہو کر معاملے کو بہتر طریقے سے سلجھانے کی بات کی۔
بلوچستان کی باہمت خاتون جنہوں نے اپنی معذوری کو کمزوری نہیں بنایا