تیل و گیس کی تلاش کا شعبہ پاکستان کی معیشت کا اہم ستون ہے ، علی پرویز ملک
اشاعت کی تاریخ: 9th, May 2025 GMT
اسلام آباد (اُردو پوائنٹ اخبارتازہ ترین - اے پی پی۔ 09 مئی2025ء) وفاقی وزیر برائے پٹرولیم علی پرویز ملک نے ملکی معیشت میں تیل وگیس کی صنعت کے کردار کو سراہتے ہوئے کہا ہے کہ تیل اور گیس کی تلاش کا شعبہ پاکستان کی معیشت کا اہم ستون ہے اور حکومت درآمدات کی انحصاری کو کم کرنے پر توجہ مرکوز کر رہی ہے۔ ترجمان پٹرولیم ڈویژن کی جانب سے جاری اعلامیہ کے مطابق ان خیالات کا اظہار انہوں نے پاکستان پٹرولیم ایکسپلوریشن اینڈ پروڈکشن کمپنیز ایسوسی ایشن (پیپکا) کے وفد سے ملاقات کے دوران کیا جس نے یہاں تنظیم کے چیئرمین طاہا علی تیمی )کنٹری منیجر کوفپیک) کی قیادت میں وفاقی وزیر سے ملاقات کی۔
ملاقات میں ملک کے تیل و گیس کے شعبے میں اہم مواقع اور چیلنجز پر تبادلہ خیال کیا گیا۔(جاری ہے)
وفاقی وزیر علی پرویز ملک نے پیپکا کے توانائی کے شعبے میں اہم کردار کو سراہتے ہوئے کاروباری ماحول کو سازگار بنانے کے لئے حکومتی عزم کا اعادہ کیا۔ انہوں نے کہا کہ پیپکا ملک میں کام کرنے والی اہم تلاش اور پیداواری کمپنیوں کی نمائندگی کرتا ہے جو پاکستان کے توانائی کے منظر نامے میں اہم کردار ادا کر رہی ہیں۔
اس موقع پر پیپکا نے اپنے اراکین کے کردار کو اجاگر کیا جنہوں نے پاکستان کی توانائی کی ضروریات کو پورا کرنے اور قومی خزانے کے لئے بڑی آمدنی پیدا کرنے میں اہم کردار ادا کیا ہے۔ ایسوسی ایشن نے تلاش اور پیداواری سرگرمیوں کو متاثر کرنے والے عملی مسائل بھی اٹھائے۔ علی پرویز ملک نے پی پی ای پی سی اے کو صنعتی چیلنجز کے حل کے لئے حکومت کی مکمل حمایت کا یقین دلاتے ہوئے پاکستان کے پٹرولیم شعبے کے پائیدار ترقی کو یقینی بنانے کے لئے مشترکہ کوششوں پر زور دیا۔ پیپکا کے اراکین نے وزیر کے مثبت رویے کو سراہتے ہوئے تلاش کی سرگرمیوں کو بڑھانے، سرمایہ کاری کو راغب کرنے اور معاشی ترقی کو فروغ دینے کی کوششوں کے بارے میں پرامیدی کا اظہار کیا۔ ملاقات میں پاکستان کے پٹرولیم شعبے کے پائیدار ترقی کے لیے عوامی اور نجی شعبے کے درمیان تعاون کو مضبوط بنانے کے باہمی عزم پر اتفاق کیا گیا ۔ وفد میں اینڈریج کاچوروسکی (مینیجنگ ڈائریکٹر پولش آئل اینڈ گیس کمپنی)، فہیم حیدر (منیجنگ ڈائریکٹر ماری انرجیز)، ظہیر عالم (صدر یونائیٹڈ انرجی پاکستان)، کامران احمد (سی ای او اورینٹ پٹرولیم)، کامران اجمل میاں (سی ای او پرائم پاکستان) اور دیگر شامل تھے۔.ذریعہ: UrduPoint
کلیدی لفظ: تلاش کیجئے علی پرویز ملک میں اہم کے لئے
پڑھیں:
آزاد کشمیر میں افراتفری کے پیچھے بھارتی ہاتھ کے ثبوت موجود ہیں، پرویز لوسر
چیئرمین ’ای یو پاکستان فرینڈ شپ فیڈریشن‘ چوہدری پرویز اقبال لوسر نے کہا ہے کہ آزاد کشمیر میں افراتفری کے پیچھے بھارتی ہاتھ کے ثبوت موجود ہیں۔
’وی نیوز‘ کو انٹرویو دیتے ہوئے انہوں نے کہاکہ حکومت کو آزاد کشمیر میں امن و امان برقرار رکھنے کے لیے فوری اقدامات کرنا ہوں گے ورنہ بعد میں بھارت پروپیگنڈا کرے گا۔ نریندر مودی کی قسمت میں خواری لکھی جا چکی ہے، حکومت آزاد کشمیر کو ایکشن کمیٹی کے ساتھ آہنی ہاتھوں سے نمٹنا چاہیے۔
یہ بھی پڑھیں: بھارتی سوشل میڈیا گیدڑ بھبکیاں مار رہاہے، پہلگام سے پاکستان کا کوئی تعلق نہیں، چوہدری پرویز اقبال لوسر
چوہدری پرویز اقبال نے کہاکہ آزاد کشمیر کی سیاسی قیادت کی جانب سے یکجہتی کا پیغام خوش آئند ہے، وزیراعظم آزاد کشمیر چوہدری انوارالحق انتہائی دیانتدار آدمی ہیں جن کے آنے سے بھارت کی نیندیں حرام ہو چکی ہیں۔
انہوں نے قائداعظم محمد علی جناح کا فرمان یاد دلاتے ہوئے کہاکہ کشمیر پاکستان کی شہ رگ ہے، ہمیں نوجوان نسل کو دشمن بھارت کے اصل چہرے سے آگاہ کرنا ہوگا۔ انہوں نے جائنٹ عوامی ایکشن کمیٹی کے اسپانسرز کو سخت سزا دینے کا مطالبہ بھی کیا۔
پرویز اقبال لوسر نے کہاکہ سعودی عرب اور پاکستان یک جان دو قالب ہیں۔ دونوں ملکوں کے درمیان دفاعی معاہدہ بہت بڑی کامیابی ہے۔
انہوں نے کہاکہ یہ سال پاکستان کے لیے بہت اچھا ثابت ہو رہا ہے۔ اسلام کے نام پر دو ریاستیں قائم ہوئی ہیں، ایک طیبہ اور دوسری کا نام پاکستان ہے۔
انہوں نے کہاکہ دفاعی معاہدہ ہمارے لیے بہت بڑی کامیابی ہے، اور مقدس مقامات کی حفاظت ذمہ ہمیں ملنا پاکستان کے لیے بڑا انعام ہے۔
’پاکستان سعودی عرب دفاعی معاہدے کے پیچھے سالوں کی محنت ہے‘چوہدری پرویز اقبال نے کہاکہ وزیراعظم پاکستان شہباز شریف اور سعودی ولی عہد شہزادہ محمد بن سلمان کے درمیان ہونے والے دفاعی معاہدے کے پیچھے سالوں کی محنت شامل ہے۔
انہوں نے کہاکہ بھارت نے حال ہی میں پاکستان کو بدنام کرنے کی کوشش کی لیکن معرکہ حق کی کامیابی کے بعد اسے شدید ہزیمت کا سامنا کرنا پڑا۔ فیلڈ مارشل سید عاصم منیر کو امریکی صدر ڈونلڈ ٹرمپ نے جو پروٹروکول دیا وہ ہمارا سفارتی معرکہ حق تھا۔
انہوں نے کہا کہ وہ وقت دور نہیں جب دنیا پاکستان سے جنگ اور امن کا سبق لے گی۔
انہوں نے کہاکہ بھارتی وزیراعظم نریندر مودی اور نیتن یاہو نے دنیا کو یرغمال بنانے کے لیے انسانیت کا قتل عام اور دہشتگردی کو فروغ دیا۔ اگر مسلم ممالک کا نیٹو طرز کا کوئی اتحاد بنتا ہے تو یہ دنیا میں امن کے لیے ہوگا، اور اس کا سہرا حکومت پاکستان، فیلڈ مارشل عاصم منیر اور شہزادہ محمد بن سلمان کو جائے گا۔
’اوورسیز پاکستانیوں کے دل پاکستان کے ساتھ دھڑکتے ہیں‘چیئرمین ’ای یو پاکستان فرینڈ شپ فیڈریشن‘ نے کہاکہ اوورسیز پاکستانیوں کے دل پاکستان کے ساتھ دھڑکتے ہیں، اور وہ ہمیشہ اپنے وطن کا سوچتے ہیں۔
انہوں نے بتایا کہ 10 مئی کو پاکستان کے خلاف ہونے والا پروپیگنڈا دم توڑ گیا اور فیلڈ مارشل عاصم منیر نے بطور سپہ سالار اپنا حق ادا کیا۔
چوہدری پرویز اقبال نے کہاکہ معرکہ حق اور معرکہ سفارتکاری کے بعد اب معرکہ معاشیات کی طرف بڑھنا ہوگا، اور ہمیں پاکستان میں سرمایہ کاری لانی ہوگی۔
انہوں نے کہاکہ ہم یورپ میں بزنس کانفرنس کا انعقاد کرنا چاہتے ہیں جس میں سرمایہ کاری کے مواقع کو اجاگر کیا جائےگا۔
چوہدری پرویز اقبال نے کہاکہ ہمارے خلاف دنیا میں پروپیگنڈا کیا جاتا ہے کہ پاکستان سرمایہ کاری کے لیے محفوظ ملک نہیں، لیکن 10 مئی کے معرکہ حق اور سعودی عرب کے ساتھ دفاعی معاہدے کے بعد اس پروپیگنڈے کا خاتمہ ہوگیا۔
یہ بھی پڑھیں: سوشل میڈیا پر منفی پروپیگنڈا کرنے والوں سے اوورسیز پاکستانی خود حساب لیں گے، چوہدری پرویز اقبال لوسر
’سرمایہ کاروں کے لیے ون ونڈو آپریشن کی تجویز‘انہوں نے تجویز دی کہ سرمایہ کاروں کے لیے ون ونڈو آپریشن ہونا چاہیے تاکہ انہیں مسائل کا سامنا نہ کرنا پڑے۔ اب اوورسیز پاکستانی خود بھی ملک میں سرمایہ کاری کریں گے جبکہ بیرون ملک سے سرمایہ کار بھی لائیں گے۔ دنیا دیکھے گی کہ یورپ کے بڑے سرمایہ کار جلد پاکستان میں سرمایہ کاری لے کر آئیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آزاد کشمیر امن و امان بھارتی افراتفری پاکستان سعودی عرب معاہدہ پرویز اقبال لوسر جائنٹ عوامی ایکشن کمیٹی سرمایہ کار سرمایہ کاری فیلڈ مارشل عاصم منیر وی نیوز
غزہ سٹی میں اسرائیل کی زمینی کارروائی کا آغاز، 91 فلسطینی شہید، ہزاروں افراد نقل مکانی پر مجبور