’’گودی میڈیا‘‘ سیاہ دھبہ، کارٹون نیٹ ورک بن چکا: عظمیٰ بخاری
اشاعت کی تاریخ: 10th, May 2025 GMT
لاہور (نیوز رپورٹر، نوائے وقت رپورٹ) وزیر اطلاعات پنجاب عظمیٰ بخاری نے کہا ہے کہ گودی میڈیا جرنلزم کے نام پر سیاہ دھبہ بن چکا ہے اور مودی حکومت کے تلوے چاٹنے میں آخری حد تک جا پہنچا ہے۔ ایک جھوٹ مودی سرکار بولتی ہے اور سو جھوٹ بھارتی میڈیا ان میں اضافہ کر کے پھیلاتا ہے۔ بھارتی میڈیا کی رپورٹس میں حقائق کو توڑ مروڑ کر پیش کیا جا رہا ہے۔ یہاں تک کہ وہ پاکستان کے شہروں پر قبضے کے جھوٹے دعوے کر رہے ہیں۔گودی میڈیا کے نزدیک تو بھارت نے پورا پاکستان فتح کرلیا ہے۔ جبکہ زمینی حقیقت یہ ہے کہ پاکستان کے تمام شہر محفوظ اور معمولات زندگی بالکل معمول کے مطابق رواں دواں ہیں۔ بھارتی میڈیا کارٹون نیٹ ورک بن چکا ہے۔ اور دنیا بھر کا آزاد میڈیا اب مودی حکومت اور اس کے ہمنوا گودی میڈیا کا مذاق اڑا رہا ہے۔ بھارت کی پاکستان کے شہروں کے قریب آنے کی خواہش ہمیشہ ناتمام رہی ہے اور ان شاء اللہ تاقیامت ناتمام ہی رہے گی۔ پنجاب کی وزیر اطلاعات نے انکشاف کیا کہ مودی خود ایک ہفتے سے کسی بل میں چھپ کر بیٹھا ہے۔ جبکہ بھارتی فورسز گزشتہ تین دنوں سے پاکستانی افواج کے ہاتھوں عبرتناک شکست کھا رہی ہیں۔ پاکستان کی فضائیہ دشمن کے عزائم خاک میں ملا رہی ہے اور تاریخ رقم کر رہی ہے۔ بھارتی میڈیا اس شرمندگی کو چھپانے کے لیے جھوٹ پر مبنی خبریں چلا رہا ہے تاکہ عالمی سطح پر مودی حکومت کی ہزیمت کو چھپایا جا سکے۔ پاکستان کی بہادر افواج اپنی سرزمین کے ایک ایک انچ کی حفاظت کرنا بخوبی جانتی ہیں۔ قوم کو اپنی مسلح افواج پر مکمل فخر ہے۔
.ذریعہ: Nawaiwaqt
کلیدی لفظ: بھارتی میڈیا گودی میڈیا ہے اور
پڑھیں:
معرکہ حق میں بھارت کو شکست کے بعد 14 اگست کی اہمیت میں اضافہ ہوگیا، عظمیٰ بخاری
وزیراطلاعات پنجاب عظمیٰ بخاری نے کہا ہے کہ معرکۂ حق میں بھارت کو شکست فاش کے بعد 14 اگست کی اہمیت میں مزید اضافہ ہوگیا ہے۔
لاہور میں صوبائی وزیر برائے اقلیتی امور سردار رمیش سنگھ اروڑہ کے ہمراہ میڈیا سے گفتگو کرتے ہوئے عظمیٰ بخاری نے کہا کہ یومِ آزادی ہمیشہ جوش و جذبے کے ساتھ منایا جاتا ہے، لیکن معرکۂ حق میں بھارت کو شکست فاش دینے کے بعد اس 14 اگست کی اہمیت اور بھی بڑھ گئی ہے۔ وزیراعلیٰ مریم نواز کی ہدایت پر آئندہ پورا ہفتہ اقلیتی برادری کے لیے منایا جائے گا اور 11 اگست کو یومِ اقلیت پر عظیم الشان تقریب کا انعقاد بھی ہوگا۔
یہ بھی پڑھیں: پی ٹی آئی فتنہ کی نئی کال دے رہی ہے، ملک ترقی کرے تو انہیں تکلیف ہوتی ہے: عظمیٰ بخاری
عظمیٰ بخاری نے کہا کہ وزیراعلیٰ مریم نواز کا ہمیشہ یہ ویژن رہا ہے کہ وہ پنجاب کے تمام شہریوں کو برابری کی حیثیت سے دیکھتی ہیں۔ ان کے لیے کوئی سیاسی وابستگی، مذہبی یا جغرافیائی تقسیم معنی نہیں رکھتی۔ جو طبقات ماضی میں نظرانداز ہوتے رہے، وزیراعلیٰ نے ان کا ساتھ دیا ہے اور انہیں حوصلہ دیا ہے۔
وزیر اقلیتی امور پنجاب سردار رمیش سنگھ اروڑہ نے اس موقع پر کہا کہ وزیراعلیٰ مریم نواز کا ویژن بہت واضح ہے۔ انہوں نے پنجاب اسمبلی میں کہا تھا کہ اقلیتیں ان کے سر کا تاج ہیں اور ان کا احساسِ کمتری ختم کرنا حکومت کی اولین ترجیح ہے۔ مریم نواز نے ایوان میں کھڑے ہو کر کہا کہ جس طرح سبز ہلالی پرچم میں سبز اور سفید رنگ مل کر مکمل پرچم بنتا ہے، اسی طرح ہمارا نظام بھی ایسا ہی ہونا چاہیے۔
یہ بھی پڑھیں: پنجاب کے اسٹیج فنکار وزیر اطلاعات عظمیٰ بخاری سے ناراض کیوں؟
انہوں نے مزید کہا کہ پچھلے ڈیڑھ سال کی قلیل مدت میں مریم نواز کی قیادت میں انقلابی اقدامات کیے گئے۔ چاہے وہ 50 ہزار غریب اقلیتی خاندانوں کو اقلیتی کارڈ جاری کرنا ہو یا مندر، چرچز اور گردواروں کی بحالی، حکومت نے عملی اقدامات کیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news چیف منسٹر سردار رمیش سنگھ اروڑہ عظمیٰ بخاری مریم نواز وزیر اطلاعات وزیر اقلیتی امور یوم آزادی
بلوچستان کی باہمت خاتون جنہوں نے اپنی معذوری کو کمزوری نہیں بنایا