بھارتی جارحیت کیخلاف پوسٹ کرنے سے گریز؛ عائزہ خان کڑی تنقید کی زد میں
اشاعت کی تاریخ: 9th, May 2025 GMT
معروف اداکارہ عائزہ خان اس وقت سوشل میڈیا پر اپنی ایک پوسٹ کی وجہ سے شدید تنقید کی زد میں ہیں۔
اداکارہ عائزہ خان اکثر و بیشتر بین الاقوامی اور سیاسی معاملات پر خاموشی اختیار کرنے کی وجہ سے تنقید کا سامنا کرتی آئی ہیں۔
تاہم پہلگام حملے کے بعد بھارت کی جانب سے پاکستان پر مسلط کردہ جنگ کے بعد ان کی خاموشی مداحوں کو شدید ناگوار گزری۔
جس پر ان کی ایک پوسٹ نے جلتی پر تیل کام کیا۔ عائزہ خان نے پوسٹ کی تھی کہ میں انسانیت کے ساتھ کھڑی ہوں۔ انسانیت مذہب، نسل، قومیت، سیاست یا ذاتی مفادات سے بالاتر ہے۔
سوشل میڈیا صارفین نے اس پوسٹ کو غیر حساس اور حقائق سے فرار دیتے ہوئے کہا کہ پاکستان ایک کڑے دور سے گزر رہا ہے اور اس وقت مبہم بیانات دینا مسئلے سے نظریں چرانے کے مترادف ہے۔
ایک صارف نے لکھا کہ منافقت کی انتہا ہے! کل 27 پاکستانی شہید ہوئے اور یہ محترمہ انسانیت کی بات کر رہی ہیں؟ بائیکاٹ کرو ان کا!”
دوسرے صارف نے تبصرہ کیا کہ انٹرٹینمنٹ انڈسٹری نے اپنا اصل چہرہ دکھا دیا ہے۔ ایک بین الاقوامی مداح نے بھی اظہارِ ناراضی کرتے ہوئے کہا کہ آپ کو نہیں معلوم کہ آپ کا ملک کس حال میں ہے؟ ڈرامے بعد میں پوسٹ کیجیے۔
جس کے بعد عائزہ خان کے خلاف سوشل میڈیا پر #BoycottAyezaKhan ٹرینڈ کر رہا ہے، جہاں ہزاروں صارفین ان کے بیان اور رویے کو سخت تنقید کا نشانہ بنا رہے ہیں۔
۔
.
ذریعہ: Express News
پڑھیں:
عائزہ اور دانش کی شادی کے اتنے سال بعد بھی کس بات پر نہ بنی؟
معروف اداکارہ عائزہ خان نے کہا کہ شوہر دانش تیمور کے ساتھ ایک ہی شعبے سے وابستگی کا سب سے بڑا فائدہ یہ ہے کہ وہ ایک ساتھ پراجیکٹس پر بآسانی کام کر سکتے ہیں۔
انہوں نے حال ہی میں انسٹاگرام پر ایک ویڈیو شیئر کی، جس میں انہوں نے مختلف دلچسپ سوالات کے جوابات دیے اور اپنی زندگی کے چند پہلوؤں پر روشنی ڈالی۔
ویڈیو میں ایک سوال کے جواب میں عائزہ خان نے کہا کہ شوہر دانش تیمور کے ساتھ ایک ہی شعبے سے وابستگی کا سب سے بڑا فائدہ یہ ہے کہ وہ ایک ساتھ پراجیکٹس پر بآسانی کام کر سکتے ہیں۔ تاہم، انہوں نے اس بات کا اعتراف بھی کیا کہ اس کا منفی پہلو یہ ہے کہ اکثر ان دونوں کا ایک دوسرے سے موازنہ کیا جاتا ہے، جو انہیں ہرگز پسند نہیں۔
جب ان سے پوچھا گیا کہ وہ کن موضوعات پر گفتگو کرنا پسند کرتی ہیں تو عائزہ نے بتایا کہ انہیں سفر، فیشن اور تعلیم جیسے موضوعات میں خصوصی دلچسپی ہے۔
اپنی ذاتی خواہشات کا ذکر کرتے ہوئے اداکارہ نے کہا کہ وہ ہمیشہ سے عمدہ کھانا پکانے کی خواہش مند رہی ہیں اور یہ ہنر سیکھنا چاہتی ہیں۔
عائزہ خان نے اپنے کام سے متعلق بتایا کہ وہ بغیر نیند لیے چوبیس گھنٹے تک کام کر سکتی ہیں اور پھر بھی مکمل توانائی کے ساتھ بہترین کارکردگی کا مظاہرہ کرتی ہیں، اگرچہ وہ خود بھی اس بات سے لاعلم ہیں کہ دوسروں کی نظر میں یہ خوبی ہے یا نہیں۔
ایک مزاحیہ سوال کے جواب میں انہوں نے مسکراتے ہوئے انکشاف کیا کہ وہ اور دانش تیمور ہمیشہ اس بات پر اختلاف رکھتے ہیں کہ آیا میسی بہتر کھلاڑی ہیں یا رونالڈو۔
انٹرویو کے اختتام پر عائزہ خان نے کہا کہ وہ اور دانش تیمور مستقبل میں سوشل میڈیا اور اسکرین سے مکمل طور پر کنارہ کش ہو جائیں گے اور سوئٹزرلینڈ میں ایک پر سکون زندگی گزارنے کا ارادہ رکھتے ہیں۔
Post Views: 5
مصنوعی ذہانت اور جدید ٹیکنالوجی کے بدلتے رجحانات کو اپنانا وقت کی ضرورت ہے، خالد مقبول