’پاک فوج جیسی فوج پوری دنیا میں نہیں‘، معرکہ مرصوص پر عوامی رائے
اشاعت کی تاریخ: 13th, May 2025 GMT
بھارت کو منہ توڑ جواب دینے کے لیے شروع کیے گئے معرکہ مرصوص کے حوالے سے عوام نے اپنے جذبات کا اظہار کرتے ہوئے کہا ہے کہ پاک فوج جیسی فوج پوری دنیا میں نہیں ہے۔
رپورٹ کے مطابق عوام نے کہا کہ ہندوستان کی فوج ہماری فوج کے مقابل نہیں، ہم نے ہندوستان کو منہ توڑ جواب دیا ہے۔
عوام نے کہا کہ پاک فوج جذبہ ایمان سے سرشار ہے، ہمارا ایک فوجی ہندوستان کے 10 فوجیوں پر بھاری ہے۔
انہوں نے کہا کہ ہم پاک فوج کے ساتھ جان دینے کے لئے حاضر ہیں، ہم پاک فوج کے شانہ بشانہ کھڑے ہیں۔
ان کا کہنا تھا کہ نریندر مودی ایک ڈرپوک شخص ہے، پاکستان کا حصول کلمہ طیبہ پر ہوا ہے اسے کوئی نہیں مٹا سکتا۔
.
ذریعہ: Express News
کلیدی لفظ: پاک فوج
پڑھیں:
فلسطین سے یکجہتی، بھارتی جارحیت کا جواب ، شہباز شریف کا یو این خطاب
data-id="863a0a8" data-element_type="widget" data-widget_type="theme-post-content.default">
نیویارک: وزیراعظم پاکستان شہباز شریف نے اقوام متحدہ کی جنرل اسمبلی کے اجلاس سے خطاب کا آغاز قرآنِ مجید کی آیتِ مبارکہ سے کرتے ہوئے کیا اور مظلوم فلسطینی عوام سے بھرپور یکجہتی کا اظہار کیا۔
وزیر اعظم نے کہا کہ فلسطینی عوام دہائیوں سے ظلم و ستم کا سامنا کر رہے ہیں، عالمی برادری کی ذمہ داری ہے کہ وہ اس بربریت کو ختم کرے اور فلسطین کو آزادی اور حقِ خود ارادیت دلائے۔
شہباز شریف نے کہا کہ پاکستان نے بھارت کی جارحیت کا ایسا فیصلہ کن جواب دیا جسے تاریخ میں ہمیشہ یاد رکھا جائے گا، پاک فضائیہ کے شاہینوں نے بھارتی فضائیہ کے 7 جنگی طیارے مار گرائے، جس پر جنرل اسمبلی کا ایوان “پاکستان زندہ باد” کے نعروں سے گونج اُٹھا۔
وزیراعظم نے کہا کہ یہ پاکستان کی دفاعی صلاحیت اور عزم کی واضح مثال ہے کہ ہم اپنے ملک کی خودمختاری اور سالمیت پر کسی قسم کا سمجھوتہ نہیں کریں گے۔
انہوں نے کہا کہ صدر ٹرمپ نے بروقت اور مؤثر مداخلت کرکے جنگ بندی کو ممکن بنایا، جس سے خطے میں بڑے انسانی المیے کو روکا گیا، پاکستان صدر ٹرمپ کے اس امن کردار پر انہیں نوبیل انعام دینے کی سفارش بھی کرتا ہے تاکہ عالمی سطح پر قیامِ امن کے لیے ان کی کاوشوں کو تسلیم کیا جائے۔
وزیراعظم نے کہا کہ پاکستان ہمیشہ امن اور مکالمے کا داعی رہا ہے۔ ہم سمجھتے ہیں کہ خطے اور دنیا کے مسائل کا پائیدار حل صرف سفارتکاری اور بامقصد مذاکرات کے ذریعے ہی ممکن ہے۔
انہوں نے عالمی طاقتوں سے اپیل کی کہ وہ تنازعات کے حل کے لیے یکساں اور غیر جانبدار کردار ادا کریں تاکہ دنیا کو جنگوں اور کشیدگی سے بچایا جا سکے۔
وزیراعظم نے اپنے خطاب کے اختتام پر ایک بار پھر فلسطین اور کشمیر کے عوام سے یکجہتی کا اظہارکرتے ہوئے کہا کہ پاکستان ان کے حقوق کی جدوجہد میں ہمیشہ ساتھ کھڑا رہے گا۔
بلوچستان حکومت کے دعوے صرف دعووں تک محدود ہیں، مولانا واسع