پاک بھارت کشیدگی میں میڈیا اور سوشل ایکٹویزم کا کردار
اشاعت کی تاریخ: 14th, May 2025 GMT
سرحد کے دونوں جانب قوم پرست عناصر موجود ہیں، اور ان کے پاس بہت بڑے بڑے سوشل میڈیا پلیٹ کی صورت میں موجود ہیں جہاں دیکھا جاسکتا ہے کہ کس طرح جھوٹی اور سچی خبروں کو بڑھا چڑھا کر یا مسخ کرکے اس انداز میں پیش کیا جاتا رہا ہے کہ دوسری طرف کے لیے نفرت، دشمنی اور عداوت پیدا کرنے میں جہاں آسانی ہو وہیں عوامی رائے کو اپنے حق میں کرنے کی بھی بھرپور کوششیں کی گئی جس نے نتیجہ میں سرکاری سرپرستی میں چلنے والے میڈیا ہاؤس اور سوشل میڈیا اکاؤنٹ رکھنے والوں نے خوب کمائی کی اگر حقیقت کے آنکھ سے دیکھا جائے تو یہ سرے سے ہی غلط اقدام ہے، اپنے مفادات اور چند سکوں کے لیے اپنے پیشے سے غداری کرنا کہاں کی عقل مندی ہے۔
کشمیر کا تنازع طویل عرصے سے بھارتی میڈیا خاص کر سوشل میڈیا پر غلط معلومات کا مرکز بنا رہا ہے۔ گزشتہ ماہ انڈیا کے سیاحتی مقام پہلگام میں سیاحوں پر ہونے والے حملے کے بعد مصنوعی ذہانت سے تیار کی جانے والی تصاویر گردش کرتی نظر آئیں جن کا مقصد بعض اوقات حملے کے مناظر کو ڈرامائی انداز میں پیش کرنا تھا۔ خبر رساں ادارے فرانس چوبیس سے وابستہ صحافی ویدیکا باہل کہتے ہیں کہ ’’پہلگام حملوں کے بعد تنازعہ کے گرد دونوں جانب سے غلط معلومات کے پھیلاؤ میں واضح اضافہ ہوا تھا۔ ان میں سے زیادہ تر غلط معلومات کی ابتدأ ایکس اور فیس بک سے ہوتی رہی تھی اور اب بھی جاری ہے۔ وقت کے ساتھ ساتھ یہ معلومات واٹس ایپ تک پہنچی جو کہ جنوبی ایشیائی کمیونٹیز میں پیغام رسانی کا سب سے زیادہ استعمال ہونے والا ذریعہ ہے۔ سائنس و ٹیکنالوجی پاک بھارت کشیدگی کے دوران جھوٹی خبریں، تصویریں اور ویڈیوز کی بھرمار، حقیقت کا پتا کیسے لگایا جائے؟‘‘
بھارتی جارحیت کے سبب دو ایٹمی ممالک ایٹمی جنگ کے دہانے پر پہنچ گئے ہیں۔ پاک فوج نے بھارت کے بزدلانہ حملوں کے جواب میں بھرپور کارروائی کرتے ہوئے دشمن کے دانت کھٹے کرکے اسے پیچھے ہٹنے پر مجبور کردیا اور ساتھ ہی بھارت کو ایسا کرارہ جواب بھی دیا کہ اس کے جہاں ’’دانت کھٹے کئے وہیں اس کے چودہ طبق بھی روشن ہوتے نظر آئے‘‘ اور بھارتی افواج کے ساتھ ملک کو بھی بھاری نقصان سے دوچار ہوا پڑا، ایسی صورت حال میں دونوں ممالک کا میڈیا دو مختلف صورت حال پیش کررہا تھا۔
پاکستانی میڈیا بمقابلہ بھارتی میڈیا ‘پاکستانی میڈیا جہاں حقائق کی بنیاد پر رپورٹنگ کرتے ہوئے پاک فوج اور عوام کا حوصلہ بنتا نظر آتا رہا وہیں بھارتی میڈیا پر جھوٹی خبروں کا غلبہ نظر آیا جس نے اکثرتی بھارتی عوام کو بھی عاجز کردیا تھا اور لوگ سوشل میڈیا پوسٹ کے ذریعے اپنے میڈیا پر ہی بھڑاس نکالتے نظر آنے لگے تھے اور اس کے ساتھ ہی بھارتی سنجیدہ اور صاف ستھری صحافت کرنے والے بہت سے صحافی بھارتی میڈیا کی اس غلط رپورٹنگ کے خلاف احتجاج کرتے رہے اور ساتھ ہی ساتھ حقائق کو بھی بیان کر گئے اور وہاں کے سینئر اور ایمان دار تجزیہ نگاروں نے بھی بھارتی میڈیا کے اس روپ کو غلط کہتے ہوئے حقائق بیان کیے اور اصل نقصانات کے بارے میں کھل کر بات بھی کی اور بھارتی حکومت کو آڑے ہاتھوں بھی لیا۔ پاک بھارت موجودہ کشیدگی کے دوران سوشل میڈیا پر بھی اس کشیدگی کو لے کر جھوٹی خبریں، تصاویر اور فیک ویڈیوز حتیٰ کہ پروپیگنڈا کلپس تیزی سے وائرل ہوتی رہی تھیں۔ بھارت کے سینئر صحافی راجیش جوشی اپنے ہی میڈیا پر بھڑک اٹھے اور انہوں نے کہا ’’ہمارے میڈیا نے دنیا بھر میں ہمیں شرمسار کرکے رکھ دیا۔‘‘ بین الاقوامی براڈ کاسٹ بی بی سی نے پاک بھارت کشیدگی کے دوران میڈیا کے کردار سے متعلق ایک ویڈیو شیئر کی اور اس ویڈیو میں بھارت کے سینئر صحافی کو گفتگو کرتے ہوئے دیکھا جاسکتا ہے۔ صحافی راجیش جوشی نے مزید کہا کہ ’’ہمارے بھارتی میڈیا نے صحافت کو شرمسار کرکے رکھ دیا اور انڈین صحافیوں کی ناک کاٹ دی، کچھ چیزیں صاف صاف کہنی چاہیے، یہ حب الوطنی کا جذبہ نہیں تھا اور نہ ہی انسانی غلطی تھی یہ صرف جنگ کروانی کی دوڑ تھی جسے ’’گودی میڈیا‘‘ نے حکومت کی سرپرستی اور خوشامد کے لیے کیا۔ بھارتی میڈیا جھوٹی خبریں پھیلاتا رہا جبکہ حقیقت اس سے یکسر مختلف تھی۔ انہوں نے کہا کہ آٹھ سے دس مئی کے دوران ایسے جھوٹے دعویٰ کیے گئے جس کی مثال نہیں ملتی، جو کچھ انڈین میڈیا نے کیا وہ صحافت نہیں ہے، انہوں نے اپنی ساخت پر دھبہ لگالیا ہے۔‘‘ سینئر بھارتی صحافی نے مزید کہا کہ ’’یہ ایسی مثال قائم کررہے ہیں جس پر زمانہ تھو تھو کرے گا، بھارتی میڈیا نے جو کچھ کیا وہ پیسہ کمانے اور حکمرانوں سے قریب آنے کی دوڑ تھی۔‘‘
واضح رہے کہ ہندوستان کے زیر قبضہ کشمیر میں پہلگام کے واقعہ کے بعد پاکستان پر حملے کے بعد بھارت اور پاکستان کے درمیان کشیدگی میں اضافہ ہوا تھا جس کے بعد بھارت کو منہ توڑ جواب بھی پاکستان نے دیا، جب بھارتی فوج شکست کے سامنے پہنچی تو بھارتی میڈیا نے جھوٹی خبریں پھیلانا شروع کردی تھی۔ پاکستان اور پاکستان کے زیر انتظام کشمیر پر سات مئی کو ہونے والے انڈین حملوں نے سوشل میڈیا پلیٹ فارمز پر غلط معلومات کے پھیلاؤ کی ایک نئی لہر کو جنم دیا تھا۔ اس حملے کے حوالے سے سوشل میڈیا پر غلط معلومات پر مبنی ایسی ایسی وائرل ویڈیوز موجود ہیں جن کو اب تک لاکھوں افراد دیکھ چکے ہیں۔جنوبی ایشیاء میں پاکستان اور بھارت کے تعلقات ہمیشہ سے پیچیدہ اور نازک رہے ہیں۔ سن بیس پچیس میں جموں و کشمیر کے علاقے پہلگام میں ہونے والے دہشت گرد حملے کے بعد دونوں ممالک کے درمیان کشیدگی میں نمایاں اضافہ ہوا، اس کشیدگی میں روایتی سفارتی اور عسکری اقدامات کے ساتھ ساتھ میڈیا اور سوشل میڈیا نے بھی اہم کردار ادا کیا، یہ کالم موجودہ حالات میں میڈیا اور سوشل ایکٹویزم کے کردار کا جائزہ لیتا ہے۔
میڈیا کا کردار: معلومات یا پروپیگنڈا؟ میڈیا کو معاشرے کا چوتھا ستون کہا جاتا ہے، جس کا کام عوام کو درست معلومات فراہم کرنا اور حکومتوں کو جواب دہ بنانا ہے۔ تاہم حالیہ کشیدگی میں بھارتی اور پاکستانی میڈیا نے اکثر اوقات حب الوطنی کے نام پر جنگی بیانیہ اپنایا۔ بھارتی میڈیا نے پہلگام حملے کے فوراً بعد پاکستان پر الزامات عائد کر دئیے تھے جبکہ پاکستانی میڈیا نے بھارتی کارروائیوں کو جارحیت قرار دیا تھا۔ دونوں طرف کے نیوز چینل نے جذباتی اور اشتعال انگیز زبان استعمال کی، جس سے عوامی جذبات مزید بھڑک اٹھے تھے۔ ایک رپورٹ کے مطابق، بھارتی حکومت نے اکثر پاکستانی یوٹیوب چینلز اور سوشل میڈیا اکاؤنٹس پر پابندی عائد کردی تھی جبکہ پاکستان نے بھارتی میڈیا کی رپورٹنگ کو جانب دار قرار دے دیا تھا۔
سوشل میڈیا: معلومات کا ذریعہ یا افواہوں کا گڑھ؟ جہاں سوشل میڈیا نے عام معلومات کی ترسیل کو آسان بنایا ہے وہیں اس کا غلط استعمال بھی بڑھتا جا رہا ہے۔ حالیہ کشیدگی میں دونوں ممالک کے سوشل میڈیا صارفین نے ایک دوسرے کے خلاف انتہائی نفرت انگیز مواد شیئر کیے۔ جعلی خبریں، ترمیم شدہ ویڈیوز اور جھوٹی معلومات نے عوامی جذبات کو مشتعل کرنے میں کوئی بھی قاصر نہیں چھوڑی تھی۔ اگرچہ سوشل میڈیا پر نفرت انگیز مواد کی بھرمار تھی مگر چند افراد اور گروپس نے امن کے پیغام کو فروغ دینے کی ہر ممکن کوشش بھی کی۔ بھارت اور پاکستان کے صحافیوں نے مشترکہ طور پر ایسے مضامین اور رپورٹس تیار کیں جو دونوں ممالک کے عوام کے مشترکہ مسائل کو اجاگر کرتی نظر آئیں۔
میڈیا اور سوشل میڈیا موجودہ دور میں دونوں طاقت ور ذرائع ہیں جو عوامی رائے کو بآسانی تشکیل دیتے ہیں۔ اگر ان کا استعمال ذمہ داری سے کیا جائے تو یہ امن کے فروغ میں مددگار ثابت ہوسکتے ہیں۔ تاہم اگر یہ نفرت اور اشتعال انگیزی کو ہوا دیں تو دونوں ممالک کے درمیان کشیدگی میں اضافہ ہوسکتا ہے۔ ضرورت اس امر کی ہے کہ میڈیا اور سوشل میڈیا کے صارفین ذمہ داری کا مظاہرہ کریں اور امن کے پیغام کو عام کریں۔
ذریعہ: Daily Ausaf
کلیدی لفظ: بھارتی میڈیا نے پاکستانی میڈیا اور سوشل میڈیا دونوں ممالک کے میڈیا اور سوشل سوشل میڈیا پر غلط معلومات جھوٹی خبریں اور پاکستان کشیدگی میں پاک بھارت کے دوران بھارت کے کے ساتھ حملے کے دیا تھا کے بعد
پڑھیں:
کلگام آپریشن میں بھارتی افواج کی ناکامی ؛ 12 دن سے بھوکے پیاسے فوجی مٹی کھانے پر مجبور
کلگام آپریشن میں بھارتی فوج کی ناکامی کے نتیجے میں دو ہفتوں سے بھوکے پیاسے فوجی مٹی کھانے پر مجبور ہیں۔
کشمیر میڈیا سروس کے مطابق کلگام میں جاری جاری محاصرہ و تلاشی آپریشن کئی دہائیوں میں قابض بھارتی افواج اور کشمیری مزاحمت کے درمیان سب سے طویل لڑائی ثابت ہو رہا ہے، جہاں گزشتہ 12 دنوں میں 9 بھارتی فوجی ہلاک، ہیلی کاپٹرز اور ڈرونز ناکارہ ہو گئے ہیں۔
بھارتی ذرائع کے مطابق کلگام آپریشن میں بھارتی افواج کی ناکامی کے نتیجے میں 12 دن بھوکے پیاسے فوجی مٹی کھانے پر مجبور ہو چکے ہیں۔ کلگام میں 12 روزہ آپریشن دم توڑ گیا ہے، جہاں بھارتی فوج کو خالی ہاتھ پسپائی اختیار کرنا پڑی ہے۔
کشمیر میڈیا سروس کے مطابق آج بھی 2 افسر و جوان ہلاک جب کہ 14 شدید زخمی ہوئے ہیں، جن میں ایک لیفٹیننٹ کرنل بھی شامل ہے۔ بھارتی فوجی نے اپنے آخری پیغام میں بتایا کہ 5 دن سے کھانے پینے کو کچھ نہ ہونے کی وجہ سے فوجی مٹی کھا کر زندہ ہیں۔
ہلاک ہونے والے بھارتی فوجی کے رشتے دار نے چونکا دینے والا انکشاف کرتے ہوئے بتایا کہ مسلسل گولی باری میں گھری بھارتی فوج کسی بھی طرح کی مدد سے محروم ہے اور اب ان کے اب بچنے کی امید نہیں ہے۔ بے بس فوجی قیادت ضروری راشن اور سازوسامان پہنچانے میں ناکام ہو چکی ہے۔
کشمیر میڈیا سروس کے مطابق مقتول فوجی کے اہل خانہ کا کہنا ہے کہ بھارتی حکومت اور فوج صرف اور صرف دعووں کی حد تک بہادر ہیں، حقیقت میں یہ دشمنوں کے سامنے لاچار ہو چکے ہیں۔
دوسری جانب اے پی ایچ سی قیادت نے کلگام آپریشن کو بھارتی فوج کی سب سے بڑی حالیہ شرمناک ناکامی قرار دیتے ہوئے کہا ہے کہ مودی سرکار سیاسی ناکامیاں چھپانے کے لیے کٹھ پتلی فوجی آپریشن کروا رہی ہے۔ مقامی صحافی کے مطابق پاکستان سے 4 روزہ جنگ میں شرمندگی اور امریکا کے ساتھ ٹیرف تنازع پر مودی حکومت نے فوجی جانیں میڈیا اسٹنٹ کے لیے داؤ پر لگا دی ہیں۔
پاکستان کے مالی خسارے، سود اخراجات اور محصولات پر اقتصادی تھنک ٹینک کی رپورٹ جاری