1100 ارب کا وعدہ کیا، 11 روپے بھی نہ ملے، — وزیراعلیٰ سندھ وفاق پر برس پڑے
اشاعت کی تاریخ: 13th, August 2025 GMT
کراچی: وزیراعلیٰ سندھ مراد علی شاہ نے وفاقی حکومت پر عدم تعاون اور وعدہ خلافی کا الزام لگاتے ہوئے کہا ہے کہ کراچی کے لیے اربوں روپے کے وعدے کیے گئے، مگر حقیقت میں ایک روپیہ بھی نہیں ملا۔
ایک تقریب سے خطاب کرتے ہوئے مراد علی شاہ نے برہمی کا اظہار کرتے ہوئے کہا کہ ایک وزیراعظم آیا، اس نے کراچی کے لیے 1100 ارب روپے کا اعلان کیا، لیکن ہمیں 11 روپے بھی نہیں ملے۔ پھر دوسرا آیا، اس نے 162 ارب روپے کا وعدہ کیا، مگر وہ بھی صرف زبانی کلامی نکلا۔
وفاق کی ’سست روی‘ پر عدم اطمینان
وزیراعلیٰ نے کے فور منصوبے پر بات کرتے ہوئے کہا کہ وفاق جس انداز سے کے فور جیسے اہم پروجیکٹ پر کام کر رہا ہے، ہم اس سے بالکل خوش نہیں ۔
انہوں نے کہا کہ سندھ حکومت تو عوام کے مسائل حل کرنے کے لیے سرگرم ہے، مگر وفاقی حکومت کی سست روی اور غیر سنجیدگی نے ترقیاتی منصوبوں کو متاثر کیا ہے۔
انتخابی عمل سے راہِ فرار پر تنقید
مراد علی شاہ نے ایک سیاسی جماعت پر بھی تنقید کی، جو الیکشن سے بھاگ گئی۔ انہوں نے خود کہا کہ ہم انتخابات نہیں لڑیں گے کیونکہ ہمیں شکست نظر آ رہی ہے۔
کراچی کے مسائل پر فعال اقدامات
یاد رہے کہ وزیراعلیٰ سندھ نے کچھ ماہ قبل کراچی کے شہری مسائل کے حل کے لئے خصوصی پورٹل متعارف کروایا تھا جس کا مقصد گلی محلوں کی سطح پر صفائی، نکاسی آب اور تجاوزات جیسے مسائل کی نگرانی تھا۔
مراد علی شاہ نے ہدایت دی تھی کہ اسسٹنٹ کمشنرز خود شہر کا دورہ کریں، گٹر ابلنے، صفائی کی خرابی، غیرقانونی پارکنگ جیسے مسائل کی نگرانی کریں، تمام صورتحال ڈیجیٹل پورٹل پر اپ لوڈ کی جائے تاکہ فوری کارروائی ممکن ہو
ذریعہ
ذریعہ: Daily Mumtaz
کلیدی لفظ: مراد علی شاہ نے کراچی کے کہا کہ
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ