امریکی ناظم الامور نیٹلی بیکر کا دورۂ کراچی، وزیراعلیٰ و گورنر سندھ سے ملاقاتیں
اشاعت کی تاریخ: 26th, September 2025 GMT
پاکستان میں امریکی مشن کی ناظم الامور نیٹلی اے بیکر نے 23 سے 26 ستمبر تک کراچی کا دورہ کیا جس کا مقصد امریکا اور پاکستان کے درمیان دوطرفہ تجارتی تعلقات اور سرمایہ کاری کے مواقع کو فروغ دینا اور مشترکہ خوشحالی کے نئے مواقع پیدا کرنا تھا۔
ناظم الامور نیٹلی بیکر نے سندھ کے وزیرِ اعلیٰ مراد علی شاہ اور گورنر کامران ٹیسوری سے الگ الگ ملاقاتیں کیں، جن میں امریکا اور پاکستان کے درمیان تجارت، دو طرفہ سرمایہ کاری کے امکانات اور سیلاب سے متاثرہ افراد کی بحالی کے اقدامات پر تبادلۂ خیال کیا گیا، اس موقع پر امریکا کی حالیہ امداد کے مثبت نتائج بھی زیرِ بحث آئے۔
ناظم الامور بیکر نے کراچی کے کاروباری رہنماؤں سے ملاقاتیں کیں تاکہ ٹیکنالوجی، توانائی، معدنیات، صنعت، ٹیکسٹائل، پیکیجنگ اور بندرگاہ کے شعبوں میں تعاون کو وسعت دی جا سکے۔
نیٹلی بیکر نے امریکی ٹیکسٹائل کمپنیوں کے نمائندوں سے پاکستان کی برآمدی صنعتوں میں امریکی اختراعات کے مثبت اثرات پر گفتگو کی۔
اپنے دورے کے دوران ناظم الامور بیکر نے پاکستان نیوی کی قیادت کے ساتھ مل کر امریکی نیوی کے بحری جہاز آرلی برگ کلاس گائیڈڈ میزائل ڈسٹرائر یو ایس ایس وین ای مائر (ڈی ڈی جی 108) کا کراچی بندرگاہ آمد پر استقبال کیا۔
اس دورے نے امریکا اور پاکستان کی بحری افواج کے درمیان شراکت داری کو مزید مستحکم کرنے کے ساتھ ساتھ بحری سلامتی اور علاقائی استحکام کے لیے مشترکہ وابستگی کو اجاگر کیا۔
ناظم الامور بیکر نے کراچی میں امریکی فرنچائز کے تعاون سے قائم ڈیف ریچ اسکول کا بھی دورہ کیا، یہ تعاون اس بات کا مظہر ہے کہ امریکی کاروباری ادارے پاکستان میں ناصرف روزگار کے مواقع فراہم کر رہے ہیں بلکہ ملکی معیشت میں بھی مثبت کردار ادا کر رہے ہیں۔
امریکی ناظم الامور بیکر نے اس موقع پر اظہارِ خیال کرتے ہوئے کہا کہ پاکستان اور امریکا کے درمیان تجارتی تعاون کو مزید فروغ دینا دونوں ممالک کے مفاد میں ہے جو کہ مشترکہ خوش حالی کا باعث بنے گا۔
انہوں نے کہا کہ امریکا، تجارت، سرمایہ کاری اور اختراع کے ذریعے پاکستان کی ترقی میں کردار ادا کرنے کے لیے پُرعزم ہے اورہم باہمی تعاون سے اپنی شراکت داری کے نئے باب کو ترقی اورنئے امکانات سے آراستہ کر سکتے ہیں۔
امریکی ناظم الامور بیکر نے کہا کہ امریکا اور پاکستان کا مضبوط و اقتصادی تعاون عام پاکستانیوں کے لیے فائدہ مند ثابت ہو رہا ہے۔
انہوں نے بتایا کہ اب تک 80 امریکی کمپنیاں پاکستان میں سرمایہ کاری کر چکی ہیں، جو 1 لاکھ 20 ہزار لوگوں کو نوکریاں دے رہی ہیں اور 10 لاکھ سے زائد افراد کو بالواسطہ فوائد پہنچا رہی ہیں۔
امریکی ناظم الامور نے کہا کہ باہمی تعاون کے ذریعے ہم پاکستانی کاروباری اداروں کو ان کی مکمل استعداد تک لے جا سکتے ہیں، امریکی کمپنیوں کے لیے نئے مواقع پیدا کر سکتے ہیں اور پاکستان کی معیشت کو مزید مستحکم بنا سکتے ہیں۔
.ذریعہ: Jang News
کلیدی لفظ: ناظم الامور بیکر نے امریکا اور پاکستان امریکی ناظم الامور کی ناظم الامور سرمایہ کاری پاکستان کی کے درمیان سکتے ہیں کہا کہ کے لیے
پڑھیں:
وزیراعلیٰ سندھ کی زیر صدارت کراچی کی اندرونی سڑکوں کی تعمیر سے متعلق اجلاس
میئر کراچی مرتضیٰ وہاب نے اجلاس کو آگاہ کیا کہ کے ایم سی کی ٹوٹی پھوٹی سڑکوں کا سروے جاری ہے جبکہ وزیر بلدیات نے بتایا کہ ٹاؤنز کو بھی اپنی سڑکوں کا سروے کرنے کی ہدایت دی گئی ہے۔ اجلاس کو بتایا گیا کہ جیسے ہی سروے مکمل ہوگا، اسکیمیں بنا کر وزیراعلیٰ سندھ سے منظوری لی جائے گی۔ متعلقہ فائیلیںاسلام ٹائمز۔ وزیراعلیٰ سندھ سید مراد علی شاہ کی زیر صدارت کراچی کی اندرونی سڑکوں کی تعمیر و مرمت سے متعلق اجلاس منعقد ہوا، جس میں صوبائی وزراء سید ناصر شاہ، سعید غنی، جام خان شورو، میئر کراچی مرتضیٰ وہاب، پرنسپل سیکریٹری آغا واصف، کمشنر کراچی حسن نقوی اور سیکریٹری بلدیات وسیم شمشاد شریک ہوئے۔ وزیراعلیٰ سندھ نے اجلاس میں حالیہ بارشوں سے کراچی کی اندرونی سڑکوں کی ٹوٹ پھوٹ پر تشویش کا اظہار کرتے ہوئے کہا کہ شہر کی تمام سڑکوں کی مرمت یا تعمیر نو کی جائے۔
انہوں نے کے ایم سی اور ٹاؤنز کو محکمہ بلدیات کی نگرانی میں اسکیمیں تیار کرنے کی ہدایت دیتے ہوئے کہا کہ سڑکوں کے ساتھ نکاسی آب کا نظام بھی بنایا جائے تاکہ بارش کے پانی کی نکاسی ممکن ہو اور سڑکیں خراب نہ ہوں۔ میئر کراچی مرتضیٰ وہاب نے اجلاس کو آگاہ کیا کہ کے ایم سی کی ٹوٹی پھوٹی سڑکوں کا سروے جاری ہے جبکہ وزیر بلدیات نے بتایا کہ ٹاؤنز کو بھی اپنی سڑکوں کا سروے کرنے کی ہدایت دی گئی ہے۔ اجلاس کو بتایا گیا کہ جیسے ہی سروے مکمل ہوگا، اسکیمیں بنا کر وزیراعلیٰ سندھ سے منظوری لی جائے گی۔ وزیراعلیٰ سندھ نے مزید ہدایت دی کہ شہر کراچی میں صفائی کے کام کو مزید بہتر بنایا جائے تاکہ شہریوں کو سہولت فراہم کی جا سکے۔
پینٹاگون نے امریکی میڈیا پر سخت پابندیاں عائد کر دیں