کے پی: غیرقانونی طور پر کاشت کی گئی افیون کی فصل تلف کر دی گئی
اشاعت کی تاریخ: 14th, May 2025 GMT
---فائل فوٹو
صوبہ خیبر پختونخوا کے ضلع مہمند کی ضلعی انتطامیہ اور پولیس نے مشترکہ کوششوں سے ضلع کے مختلف علاقوں میں غیرقانونی طور پر کاشت کی گئی افیون کی فصل تلف کردی۔
افیون کی غیر قانونی کاشت کی تلفی کی یہ مہم گزشتہ ایک ماہ سے جاری ہے۔
ڈپٹی کمشنر مہمند یاسر حسن کے مطابق مہم کے دوران ضلع کے مختلف تحصیلوں امبار، پڑانگ غار اور پنڈیالی میں تقریباً تیرا سو کنال اراضی پر کاشت کئی گئی افیون کی فصل کی تلفی کے لیے کاشتکاروں کو راضی کیا گیا۔
دوسری جانب قبائلی عمائدین نے ضلعی انتظامیہ کی جانب سے افیون کے فصل کی تلفی کو مثبت اقدام قرار دیتے ہوئے سراہا ہے۔
.ذریعہ: Jang News
کلیدی لفظ: افیون کی
پڑھیں:
لاہور میں دفعہ 144 میں مخصوص نرمی:جماعت اسلامی کو مینار پاکستان پر’’اجتماع عام‘‘ کی اجازت
data-id="863a0a8" data-element_type="widget" data-widget_type="theme-post-content.default">
لاہور: محکمہ داخلہ پنجاب نے ضلعی انتظامیہ کی سفارش پر مینار پاکستان پر دینی، دعوتی اور اصلاحی اجتماع کی اجازت دے دی۔
جماعت اسلامی نے 21 سے 23 نومبر تک دینی، دعوتی، اصلاحی اجتماع کیلئے این او سی کی درخواست کی تھی، ضلعی انٹیلی جنس کمیٹی نے دفعہ 144 کے حکمنامے میں مخصوص نرمی کی سفارش کی۔
ڈپٹی کمشنر لاہور کی سفارش پر دفعہ 144 میں مخصوص نرمی کا فیصلہ کیا گیا، مخصوص اور محدود اجازت کو دفعہ 144 کے حکم نامے کا حصہ بنا دیا گیا۔
یاد رہے کہ ضلعی انتظامیہ نے اصلاحی اجتماع کیلئے 20 اکتوبر کو این او سی جاری کیا تھا جس کی توثیق کیلئے درخواست کی گئی، اجتماع کی اجازت سخت شرائط و ضوابط کے ساتھ مشروط قرار دی گئی ہے۔
اجازت نامہ کے مطابق منتظمین کو ضلعی انتظامیہ کے جاری کردہ قواعد و ضوابط پر من و عن عملدرآمد کرنا ہوگا، اجتماع کی اجازت منتظمین کے حلف نامے اور ذمہ داری قبول کرنے کی بنیاد پر دی گئی، انتظامیہ سٹیج سکیورٹی، خواتین و حضرات کیلئے علیحدہ انکلوژرز اور ہنگامی راستوں کی ذمہ دار ہوگی۔
انتظامیہ ہجوم اور بھگدڑ سے بچاؤ کیلئے مناسب پارکنگ اور رضاکار فراہم کرے گی، تمام سکیورٹی ضروریات اسپیشل برانچ کے آڈٹ کے مطابق پوری کی جائیں گی، اجتماع کے دوران ساؤنڈ سسٹم صرف گراؤنڈ کے اندر اور کم والیوم پر استعمال ہوگا۔
یوٹیوبر مسٹر بیسٹ نے سعودی عرب میں پاپ اپ پارک کھول لیا