گلگت، بجلی بل نہ دینے والے صارفین کیخلاف سخت کارروائی کا حکم
اشاعت کی تاریخ: 14th, May 2025 GMT
وزیر اعلیٰ نے صوبائی سیکریٹری برقیات کو ہدایت کی کہ بجلی کے بلوں کے حصول کے عمل کو بہتر بنائیں، بروقت صارفین کو بجلی کے بلوں کی فراہمی یقینی بنائی جائے۔ اسلام ٹائمز۔ وزیر اعلیٰ گلگت بلتستان حاجی گلبر خان نے کہا ہے کہ خوشحال اور مستحکم گلگت بلتستان کیلئے اپنی آمدن میں اضافہ کرنا ناگزیر ہے، آمدن میں اضافہ کئے بغیر عوام کو سہولیات کی فراہمی ممکن نہیں۔ ان خیالات کا اظہار وزیر اعلیٰ نے مالی سال 2024-25ء کے حوالے سے محصولات کے اہداف (Revenue Targets) کے حوالے سے منعقدہ اعلیٰ سطحی اجلاس کے موقع پر گفتگو کرتے ہوئے کیا۔ وزیر اعلیٰ نے کہا کہ اس مالی سال کیلئے 6 ارب ریونیو ٹارگٹ محکموں کی مشاورت سے متعین کیا گیا تھا جس میں پیشرفت حوصلہ افزاء ہے۔ وزیر اعلیٰ نے صوبائی سیکریٹری برقیات کو ہدایت کی کہ بجلی کے بلوں کے حصول کے عمل کو بہتر بنائیں، بروقت صارفین کو بجلی کے بلوں کی فراہمی یقینی بنائی جائے۔ بل ادا نہ کرنے والے صارفین کیخلاف بلاتفریق سخت کارروائی کی جائے۔ وزیر اعلیٰ نے اس موقع پر تمام محکموں کے سیکریٹریز کو ہدایت کی کہ محکموں میں جدید تقاضوں کے مطابق ڈیجیٹلائزیشن کو متعارف کرایا جائے۔ اس موقع پر صوبائی سیکریٹری خزانہ نے ریونیو ٹارگٹس کے حوالے سے تفصیلی بریفنگ دی۔
.ذریعہ: Islam Times
کلیدی لفظ: بجلی کے بلوں وزیر اعلی
پڑھیں:
200 یونٹ سے کم کے صارفین کی بجلی مزید 60 فیصد سستی کی، اویس لغاری
وفاقی وزیر توانائی اویس لغاری نے انکشاف کیا ہے کہ ملک میں تقریباً 7 ہزار میگا واٹ اضافی بجلی دستیاب ہے۔
قومی اسمبلی میں پوچھے گئے سوالات کے جواب میں اویس لغاری نے کہا کہ کرپٹو کے لیے بجلی کا ابھی تک کوئی ریٹ آفر نہیں کیا گیا ہے۔
انہوں نے کہا کہ ملک میں تقریباً 7 ہزار میگا واٹ اضافی بجلی دستیاب ہےجبکہ نیشنل گرڈ پر تقریباً ساڑھے 3 کروڑ صارفین ہیں۔
وفاقی وزیر توانائی اویس لغاری نےکہا ہے کہ خیبر پختونخوا حکام نے مشترکہ مفادات کونسل (سی سی آئی) کی منظور شدہ پاور پالیسی کودرست بیان نہیں کیاہے۔
وفاقی وزیر توانائی نے مزید کہا کہ تقریباً 1 کروڑ 85 لاکھ صارفین کو صفر سے 100 یونٹ پر تقریباً 90 فیصد سبسڈی دی جا رہی ہے۔
اُن کا کہنا تھا کہ 100 سے 200 یونٹ پر تقریباً 70 فیصد سبسڈی دی جا رہی ہے، سلیب پر کہیں نہ کہیں ایک یونٹ کا اثر آئے گا۔
اویس لغاری نے یہ بھی کہا کہ 200 سے کم یونٹ والے صارف تقریباً 60 سے 70 لاکھ ہوتے تھے، ان صارفین کی تعداد بڑھ کر تقریباً 1 کروڑ 83 لاکھ ہوگئی ہے۔
وفاقی وزیر نے کہا کہ پچھلے 9 ماہ میں بجلی کی قیمتوں میں کمی سے 200 یونٹ سے کم صارفین کےلیے بجلی مزید 60 فیصد سستی کی، پروٹیکٹڈ صارفین کے ٹیرف میں تقریباً 58 فیصد کمی کی گئی۔
انہوں نے کہا کہ جون 2024 ءمیں انڈسٹری سے 255 ارب روپے کی کراس سبسڈی لی جاتی تھی،کراس سبسڈی کا حجم 255 ارب سے کم ہو کر 94 ارب رہ گیا ہے۔
اویس لغاری نے یہ بھی کہا کہ ٹیکس سمیت بجلی کا ٹیرف 48 اعشاریہ7 سے کم کر کے 38 اعشاریہ 4 کیا ہے، نان پروٹیکٹڈ صارفین کے ریٹ میں بھی سلیب کے مطابق 11 سے 17 فیصد تک کی کمی کی۔
اُن کا کہنا تھا کہ ہم نے کراس سبسڈی کا بوجھ کم کیا اور بجلی کی مجموعی قیمت میں بھی کمی کی ہے، کراس سبسڈی کا بوجھ گھریلو صارفین پر بھی نہیں پڑنے دیا۔
آدھی سے زیادہ بیوروکریسی پرتگال میں پراپرٹی لے چکی، خواجہ آصف