ٹرمپ کو قتل کی دھمکی؛ سابق ڈائریکٹر ایف بی آئی کی انسٹاگرام پوسٹ پر ہنگامہ، تفتیش شروع
اشاعت کی تاریخ: 17th, May 2025 GMT
سابق ڈائریکٹر جیمز کومی کی ایک مبہم سی انسٹاگرام پوسٹ پر ہنگامہ کھڑا ہوگیا جسے حیران کن طور پر ڈونلڈ ٹرمپ کو قتل کرنے کی دھمکی سے جوڑا جا رہا ہے۔
عالمی خبر رساں ادارے کے مطابق امریکی تحقیقاتی ادارے ایف بی آئی کے سابق ڈائریکٹر جیمز کومی اپنی ایک سوشل میڈیا پوسٹ پر وفاقی اداروں کی تفتیش کا سامنا کر رہے ہیں۔
جیمز کومی نے سوشل میڈیا پر ایک ایسی تصویر شیئر کی تھی جس میں سمندر کنارے موجود سیپوں کو اس طرح ترتیب دیا گیا ہے کہ وہ "8647" کے ہندسے دکھائی دے رہے تھے۔
یاد رہے کہ سابق ڈائریکٹر ایف بی آئی جیمز کومی کو 2017 میں اُس وقت کے صدر ٹرمپ نے برطرف کردیا تھا۔ کومی کے ٹرمپ سے اختلافات کسی سے ڈھکے چھپے نہیں۔
تاہم اس پوسٹ پر MAGA (میگا) کے حامیوں نے شدید تنقید کی جب کہ ٹرمپ کی ٹیم کے اہم اراکین نے تصویر کو صدر ٹرمپ کو "دھمکی" قرار دیا۔
ہوم لینڈ سیکیورٹی کی سیکریٹری کرسٹی نوم، جن کا ادارہ خفیہ سروس (Secret Service) کی نگرانی کرتا ہے، نے سوشل میڈیا پلیٹ فارم "ایکس" پر کہا کہ ڈی ایچ ایس (DHS) اور خفیہ سروس اس "خطرے" کی تحقیقات کر رہے ہیں اور مناسب کارروائی کی جائے گی۔
نیشنل انٹیلیجنس ڈائریکٹر ٹلسی گیبارڈ نے فاکس نیوز پر گفتگو کرتے ہوئے کہا کہ جیمز کومی کو جیل بھیجا جانا چاہیے۔
ڈونلڈ ٹرمپ جونیئر نے ایکس (سابق ٹوئٹر) پر لکھا: "یہ جیمز کومی میرے والد کو قتل کرنے کی کھلی دعوت دے رہا ہے۔ یہ وہ لوگ ہیں جنہیں ڈیموکریٹس اور میڈیا ہیرو سمجھتے ہیں؟ پاگل پن ہے!
جس پر جیمز کومی نے ایک وضاحتی پوسٹ میں لکھا کہ وہ محض چہل قدمی کے دوران ان سیپیوں تک پہنچے اور انھیں لگا تھا کہ شاید یہ کوئی سیاسی پیغام ہو۔
انھوں نے مزید لکھا کہ مجھے اندازہ نہیں تھا کہ چند بیوقوف میری سیپیوں والی پوسٹ کو اس قدر منفی طور پر لیں گے اور اسے تشدد سے جوڑ دیں گے۔
جیمز کومی نے یہ بھی بتایا کہ میں نے ان منفی رویوں اور تنازع پیدا ہوجانے کی وجہ سے اپنی وہ پوسٹ ڈیلیٹ کردی ہے۔
ٹرمپ کے حامیوں کا کیا اعتراض ہے ؟
دراصل جیمز کومی نے ہندسہ 8647 شیئر کیا تھا اگر اسے دو حصوں میں تقسیم کیا جائے یعنی 86 اور 47 تو اس کے معنی نہایت خطرناک نکلتے ہیں۔
ہندسہ 86 ایک پرانا امریکی سلیگ ہے جس کا مطلب ہے "نکال دینا" یا "ختم کر دینا" جب کہ 47 سے مراد امریکا کے 47 ویں صدر ٹرمپ ہیں۔
اس طرح یہ تاثر پیش کیا جا رہا ہے کہ 8647 کا مطلب ہو سکتا ہے "ٹرمپ کو ختم کر دو"۔
اس لیے ٹرمپ کے حامی اور وفادار سابق ڈائریکٹر ایف بی آئی جیمز کومی پر "قتل کی ترغیب" دینے کا الزام عائد کر رہے ہیں۔
.
ذریعہ
ذریعہ: Express News
کلیدی لفظ: سابق ڈائریکٹر جیمز کومی پوسٹ پر ٹرمپ کو کومی نے ایف بی
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
پاکستان نے ورلڈ کپ 2028 کیلیے براہ راست کوالیفائی کر لیا